LIVE TV
Business Odisha Awards-2024
ଓଟିଭି ବିଜିନେସ୍ ଓଡିଶା ଆୱାର୍ଡସ୍-୨୦୨୪ର ଏ ହେଉଛି ଦ୍ୱିତୀୟ ସଂସ୍କରଣ । ଶିକ୍ଷା, ସ୍ୱାସ୍ଥ୍ୟ, ଜୁଏଲେରୀ, ବ୍ୟବସାୟ, ମାନୁଫାକଚରିଂ ଏବଂ ରିୟଲ୍ ଇଷ୍ଟେଟ୍, ଏମିତି ୬ଟି କାଟାଗୋରୀରେ ଓଡ଼ିଶାକୁ ସମୃଦ୍ଧି ପଥରେ ଆଗେଇ ନେଇଥିବା ସଂସ୍ଥାର ଗୁଣାତ୍ମକ ଉତ୍ପାଦ ଏବଂ ଲୋକାଭିମୁଖୀ ସେବାକୁ ଚିହ୍ନିବା ଏବଂ ଗୋଟିଏ ପ୍ଲାଟଫର୍ମରେ ସେମାନଙ୍କୁ ସମ୍ମାନିତ କରିବାକୁ ଯାଉଛି ଓଟିଭି ।
ଆପୋଲୋ ହସପିଟାଲସ୍
Also Read
ସ୍ୱାସ୍ଥ୍ୟସେବା କ୍ଷେତ୍ରରେ ଦେଶର ଏକ ଅଗ୍ରଣୀ ହସପିଟାଲ, ଅପୋଲୋ ହସ୍ପିଟାଲସ୍ । ଫାଉଣ୍ଡର ଚେୟାରମ୍ୟାନ୍ ତଥା ପଦ୍ମ ବିଭୂଷଣ ଡକ୍ଟର ପ୍ରତାପ ଚନ୍ଦ୍ର ରେଡ୍ଡୀଙ୍କ ଦ୍ୱାରା ୧୯୮୩ ମସିହାରେ ପ୍ରଥମେ ଚେନ୍ନାଇରେ ଆରମ୍ଭ ହୋଇଥିଲା ଆପୋଲୋ ହସପିଟାଲ୍ । ଏବେ ସାରା ଭାରତରେ ଆପୋଲର ୭୨ଟି ଶାଖା ରହିଛି, ୨୦୧୦ରେ ଭୁବନେଶ୍ୱରରେ ଆରମ୍ଭ ହୁଏ ଆପୋଲୋ ଗ୍ରୁପ୍ର ନୂଆ ଶାଖା । ଏଠାରେ ୨ଶହ ଡାକ୍ତରଙ୍କ ସମେତ ୧୯ଶହ କର୍ମଚାରୀ କାର୍ଯ୍ୟରତ । ୩୫୦ବେଡ୍ ଏବଂ ୧୨୦ଟି ଆଇସିୟୁ ବେଡ୍ ସହ ସ୍ପେଶାଲିଟି ଓ ସୁପର-ସ୍ପେଶାଲିଟି ବ୍ୟବସ୍ଥା ରହିଛି ଭୁବନେଶ୍ୱର ଆପୋଲୋ ହସପିଟାଲରେ । ଏଠାରେ ୧୧ଟି ଅପରେସନ ଥିଏଟର ୟୁନିଟ୍ ସହ ୨ଟି କ୍ୟାଥ୍ ଲ୍ୟାବ୍, ମେଡିସିନ୍, ଏମ୍ଆର୍ଆଇ ଏବଂ ରେଡିଓଲୋଜି ବିଭାଗ ରହିଛି । ଏକ ଏକ୍ସପର୍ଟ ଡାକ୍ତରୀ ଟିମ୍ ସହ ରୋବଟିକ୍ ସର୍ଜରି, କାର୍ଡିଓଲୋଜି, ଅଙ୍କୋଲୋଜି ସର୍ଭିସ୍, ରେଡିଏସନ, କେମୋଥେରାପି ଏବଂ ନେଫ୍ରୋଲୋଜି ଆଦି ଚିକିତ୍ସା ସେବା ଏଠାରେ ଉପଲବ୍ଧ । ଅତ୍ୟାଧୁନିକ ଚିକିତ୍ସା ସେବା ସହିତ ଆପୋଲୋ କ୍ୟାନ୍ସର ସେଣ୍ଟର ସବୁପ୍ରକାର କର୍କଟରୋଗୀଙ୍କୁ ଚିକିତ୍ସାପ୍ରଦାନ କରିଥାଏ । ଆଗକୁ ଲିଭର୍ ଓ ବୋନ୍ ମ୍ୟାରୋ ଟ୍ରାନ୍ସଫ୍ଲାଣ୍ଟ ୟୁନିଟ୍ ଖୋଲିବାକୁ ଯୋଜନା ରଖିଛନ୍ତି ଆପୋଲୋ କର୍ତ୍ତୃପକ୍ଷ । ଶିକ୍ଷା, ଅନୁସଂଧାନ ଏବଂ ଉତ୍ତମ ସ୍ୱାସ୍ଥ୍ୟ ବ୍ୟବସ୍ଥା ସହ ସବୁ ବର୍ଗର ରୋଗୀଙ୍କୁ ଅତ୍ୟାଧୁନିକ ଚିକିତ୍ସା ସେବା ଯୋଗାଇଦେବା ହେଉଛି ଆପୋଲୋ ହସପିଟାଲ୍ର ମୂଳ ଉଦ୍ଦେଶ୍ୟ । ସିଏସ୍ଆର୍ କାର୍ଯ୍ୟ ଅଧୀନରେ ପ୍ରତି ମାସରେ ଥରେ ଲେଖାଏଁ ହେଲଥ୍ କ୍ୟାମ୍ପର ଆୟୋଜନ କରିଥାନ୍ତି ଆପୋଲୋ କର୍ତ୍ତୃପକ୍ଷ ।
ସମ୍ ହସ୍ପିଟାଲ୍
ଶିକ୍ଷା ଓ ଅନୁସନ୍ଧାନ ବା SOAର ଏକ ମେଡିକାଲ ସ୍କୁଲ ହେଉଛି ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସେସ୍ ଆଣ୍ଡ୍ ସମ୍ ହସ୍ପିଟାଲ । ଗୁଣବତ୍ତା ଏବଂ ସୁଲଭ ସ୍ୱାସ୍ଥ୍ୟସେବା ଯୋଗାଇଦେବା ଏହାର ମୂଳ ଲକ୍ଷ୍ୟ । ଏହା ଅଧୀନରେ ୨୭ଶହ ବେଡ୍ ରହିଛି । ୨୦୦୫ରେ ପ୍ରତିଷ୍ଠିତ ଏହି ହସ୍ପିଟାଲ ଏବେ ରାଜ୍ୟର ଏକ ପ୍ରମୁଖ ସ୍ୱାସ୍ଥ୍ୟସେବା ଅନୁଷ୍ଠାନ ମଧ୍ୟରୁ ଅନ୍ୟତମ । ଚିକିତ୍ସା ପାଇଁ ଏଠାରେ ଉକୃଷ୍ଟ ତଥା ଅତ୍ୟାଧୁନିକ ଡାଇଗନୋଷ୍ଟିକ, ସର୍ଜିକାଲ୍ ଏବଂ ଜୀବନ ରକ୍ଷାକାରୀ ଯନ୍ତ୍ରପାତି ଉପଲବ୍ଧ ରହିଛି । NABH ଏବଂ NABL ଭଳି ପ୍ରମୁଖ ସଂସ୍ଥା ସହ ଅନୁବନ୍ଧିତ ରହିଛି ଏହି ସଂସ୍ଥା । IMS and SUM Hospital, NIRF ଦ୍ୱାରା ୨୦୨୪ରେ ଦେଶର ୨୧ତମ ଶ୍ରେଷ୍ଠ ଅନୁଷ୍ଠାନର ମାନ୍ୟତା ପାଇଛି । MBBS, MD/MS ଏବଂ DM/MSCH ପାଠ୍ୟକ୍ରମ ପାଇଁ ଏଠାରେ ୨୫୦ଟି ସିଟ୍ ରହିଛି । ସମ୍ ହେଉଛି ଶିକ୍ଷା ଓ ଅନୁସନ୍ଧାନର ଏକ ୟୁନିଟ୍, ଯେଉଁଠି ୫୫୦ ଶଯ୍ୟା ବିଶିଷ୍ଟ ଏକ ମଲ୍ଟି ସ୍ପେଶାଲିଟି ହସ୍ପିଟାଲ ମଧ୍ୟ କାର୍ଯ୍ୟ କରୁଛି । ସମ୍ ଅଲିଟିମେଟ୍ ମେଡି କେୟାର ବା ସମ୍ କେବଳ ଓଡିଶା କାହିଁକି ସମଗ୍ର ପୂର୍ବ ଭାରତର ଏକ ପ୍ରମୁଖ ସ୍ୱାସ୍ଥ୍ୟ ସେବା ଅନୁଷ୍ଠାନ । ୨୦୨୦ରେ ପ୍ରତିଷ୍ଠିତ ଏହି ମଲ୍ଟି ସ୍ପେଶାଲିଟି ହସ୍ପିଟାଲରେ ଏମରଜେନ୍ସି ଟ୍ରମା କେୟାର ଏବଂ କାର୍ଡିଆକ୍ କେୟାର ଭଳି ୩୦ଟି ସ୍ପେଶାଲିଟି ବିଭାଗ ରହିଛି । ହେମାଟୋଲେଜି, କାର୍ଡିଆକ୍ ସାଇନ୍ସ୍, ନ୍ୟୁରୋ ସାଇନ୍ସ୍, ଗାଷ୍ଟ୍ରୋ ସାଇନ୍ସ୍, ରେନାଲ୍ ସାଇନ୍ସ, ଅଙ୍କୋସାଇନ୍ସ ଏବଂ ନ୍ୟୁକ୍ଲିୟର ମେଡିସିନ୍ ବିଭାଗ ମଧ୍ୟ ଏଠାରେ ଉପଲବ୍ଧ । ଏଠାରେ ଦକ୍ଷତା ଏବଂ ଡେଡିକେସନ୍ ସହ ରୋଗୀମାନଙ୍କର ଚିକିତ୍ସା କରାଯାଇଥାଏ । ବିଶେଷ କରି କର୍କଟ ରୋଗୀଙ୍କ ସେବା ପାଇଁ ଏକ ଡେଡିକେଟେଡ୍ ୟୁନିଟ୍, ‘ହୋପ୍ ସ୍ପ୍ରିଙ୍ଗ୍ ବ୍ଲକ୍’ ରହିଛି, ଯାହା ଏପର୍ଯ୍ୟନ୍ତ ୫ଲକ୍ଷରୁ ଅଧିକ କ୍ୟାନସର ରୋଗୀଙ୍କୁ ସେବା ଯୋଗାଇ ପାରିଛି । ଏଠାରେ ଶହେରୁ ଅଧିକ ବୋନ୍ ମ୍ୟାରୋ ପ୍ରତିରୋପଣ ଏବଂ ସଂପୂର୍ଣ୍ଣ ରୋବୋଟିକ୍ ଆଣ୍ଠୁ ପ୍ରତିରୋପଣ ସଫଳତାର ସହ କରାଯାଇଛି । IMS & SUM ହସ୍ପିଟାଲର ଦ୍ୱିତୀୟ କ୍ୟାମ୍ପସ ଚଳିତ ବର୍ଷ ଜାନୁୟାରୀ ୨୧ ତାରିଖରୁ କଟକ ଫୁଲନଖରାରେ କାର୍ଯ୍ୟକ୍ଷମ ହୋଇଛି । ବର୍ତ୍ତମାନ ଏହା ୧୧ଶହ ଶଯ୍ୟା ବିଶିଷ୍ଟ । ଚଳିତ ଶିକ୍ଷାବର୍ଷରୁ ଫୁଲନଖରା କ୍ୟାମ୍ପସ୍ ରେ MBBS ପାଠ୍ୟକ୍ରମରେ ୧୫୦ ଜଣ ଛାତ୍ରଛାତ୍ରୀଙ୍କୁ ଶିକ୍ଷାଦାନ ପାଇଁ ଅନୁମୋଦନ ମିଳିଛି । ସେହିପରି ବ୍ରହ୍ମପୁରର ଶୀତଳାପଲ୍ଲୀରେ ସମ୍ ହସ୍ପିଟାଲର ଆଉ ଏକ କ୍ୟାମ୍ପସ ରହିଛି, ଯେଉଁଠି ୨ଶହଟି ଶଯ୍ୟା ରହିଛି ।
ଜୟପ୍ରକାଶ ହସପିଟାଲ ଆଣ୍ଡ ରିସର୍ଚ୍ଚ ସେଣ୍ଟର
ସୁନ୍ଦରଗଡ ଜିଲ୍ଲାର ଆଦିବାସୀ ବହୁଳ ଅଞ୍ଚଳରେ ଗୁଣାତ୍ମକ ସ୍ୱାସ୍ଥ୍ୟସେବା ପହଞ୍ଚାଇବା ଲକ୍ଷ୍ୟରେ ପ୍ରତିଷ୍ଠିତ ହୋଇଛି ଜୟପ୍ରକାଶ ହସପିଟାଲ ଆଣ୍ଡ ରିସର୍ଚ୍ଚ ସେଣ୍ଟର । ୨୦୧୯ରେ ପ୍ରତିଷ୍ଠିତ ରାଉରକେଲାର ଏହି ମଲ୍ଟି ସ୍ପେଶାଲିଟି କେୟାର ହସ୍ପିଟାଲ ଆଜି ପଶ୍ଚିମ ଓଡିଶାର ଏକ ନାଁ କରା ସ୍ୱାସ୍ଥ୍ୟସେବା କେନ୍ଦ୍ର ଭାବେ ପରିଚିତ । ଚେୟାରମ୍ୟାନ୍ ସଞ୍ଜୟ ବନ୍ସାଲ ଏବଂ ଡାକ୍ତର ଚନ୍ଦନ ବନ୍ସାଲଙ୍କ ଉଦ୍ୟମରେ ଏହା ପ୍ରତିଷ୍ଠିତ ହୋଇଛି । ଏହି ଅଞ୍ଚଳର ପ୍ରଥମ ପୂର୍ଣ୍ଣ NABH ଏବଂ NABL ଆକ୍ରିଡେଟେଡ୍ ଡାକ୍ତରଖାନା ହେଉଛି ଜୟପ୍ରକାଶ ହସପିଟାଲ । ଗ୍ରାମାଞ୍ଚଳର ଗରିବ ଲୋକଙ୍କ ଆବଶ୍ୟକତାକୁ ଦୃଷ୍ଟିରେ ରଖି କାର୍ଯ୍ୟକରୁଛି ଏହି ଡାକ୍ତରଖାନା । DNB ପାଠ୍ୟକ୍ରମ ମାଧ୍ୟମରେ ୧୦ରୁ ଅଧିକ ସ୍ପେସିଆଲିଟି ଏବଂ ୨ଟି ସୁପର-ସ୍ପେସିଆଲିଟିରେ ଜୟପ୍ରକାଶ ହସପିଟାଲ ଆଣ୍ଡ ରିସର୍ଚ୍ଚ ସେଣ୍ଟର ଏହାର ଏକାଡେମିକ୍ କାର୍ଯ୍ୟକ୍ରମ ଆରମ୍ଭ କରିଥିଲା । ଏଥିରେ ନ୍ୟୁରୋ ସର୍ଜରୀ ଏବଂ କ୍ରିଟିକାଲ କେୟାର ଭଳି ବିଭାଗ ରହିଛି । ଜୟପ୍ରକାଶ ଇନଷ୍ଟିଚ୍ୟୁଟ୍ ଅଫ୍ ଏଜୁକେସନ୍ ଆଣ୍ଡ ଏରୁଡିସନ୍,JPIEE ବ୍ୟାନରରେ ପାରାମେଡିକାଲ୍ ଶିକ୍ଷା ପାଇଁ ଏହି ଡାକ୍ତରଖାନା ଏବେ ୩୦ରୁ ଅଧିକ ପାଠ୍ୟକ୍ରମ ଚଳାଉଛି । ଗତ ୫ ବର୍ଷରେ ଏହି ଡାକ୍ତରଖାନାରେ OPDରେ ବାର୍ଷିକ ୧ଲକ୍ଷରୁ ଅଧିକ ରୋଗୀ ଏବଂ IPDରେ ବାର୍ଷିକ ୧୫ହଜାରରୁ ଅଧିକ ରୋଗୀଙ୍କୁ ସେବା ଯୋଗାଇ ଦେଉଛି । ଏ ପର୍ଯ୍ୟନ୍ତ ୩୦ହଜାରରୁ ଅଧିକ ଅସ୍ତ୍ରୋପଚାର ଏଠାରେ ସଂପନ୍ନ ହୋଇଛି । ଏଥିମଧ୍ୟରେ ହୃଦ୍ରୋଗ ଏବଂ ନ୍ୟୁରୋ ସର୍ଜରୀ ଭଳି ଜଟିଳ ଅସ୍ତ୍ରୋପଚାର ଅନ୍ତର୍ଭୁକ୍ତ । ତା ମଧ୍ୟରୁ ଅଧିକାଂଶ ଅସ୍ତ୍ରୋପଚାର ବୋଧହୁଏ ପଶ୍ଚିମ ଓଡିଶାରେ ପ୍ରଥମ ଥର ପାଇଁ ହୋଇଛି । ଏଠାରେ ଅଲ୍ଟ୍ରାମଡର୍ନ ରେଡିଓଲୋଜିକାଲ୍ ଏବଂ ଅନ୍ୟାନ୍ୟ ଡାଇଗ୍ନୋଷ୍ଟିକ୍ ସୁବିଧା ରହିଛି ଯାହା ସ୍ୱଳ୍ପ ମୂଲ୍ୟରେ ଉପଲବ୍ଧ । ଏହି ଡାକ୍ତରଖାନା ପ୍ରାୟ ୧୫ଶହ ଲୋକଙ୍କୁ ସିଧାସଳଖ ନିଯୁକ୍ତି ଯୋଗାଇ ଦେଇଛି ଏବଂ ପରୋକ୍ଷରେ ୫ହଜାରରୁ ଅଧିକ ପରିବାର ଏହା ଉପରେ ନିର୍ଭରଶୀଳ । ଅନେକ ଏକାଡେମିକ୍ କାର୍ଯ୍ୟକଳାପ ସହିତ ରାଜ୍ୟ ତଥା ଜାତୀୟ ସ୍ତରର ସମ୍ମିଳନୀ ଆୟୋଜନ କରୁଛି ଜୟପ୍ରକାଶ ହସପିଟାଲ ।
କଳିଙ୍ଗ ହସ୍ପିଟାଲ୍ ଲିମିଟେଡ୍
କଳିଙ୍ଗ ହସ୍ପିଟାଲ୍ ଲିମିଟେଡ୍ ଓଡିଶାର ପ୍ରଥମ କର୍ପୋରେଟ୍ ହସ୍ପିଟାଲ୍ । ଏହା ହେଉଛି ଏକ ମଲ୍ଟି ସ୍ପେସିଆଲିଟି ହସ୍ପିଟାଲ୍, ଯେଉଁଠି ଗୋଟିଏ ଛାତ ତଳେ ବିଭିନ୍ନ ପ୍ରକାରର ଚିକିତ୍ସା ସେବା ଉପଲବ୍ଧ । ଅତ୍ୟାଧୁନିକ ସୁବିଧା ତଥା ରୋଗୀ-କେନ୍ଦ୍ରିକ ଆଭିମୁଖ୍ୟ ସହ କଳିଙ୍ଗ ହସ୍ପିଟାଲ୍ ପ୍ରଶଂସା ସାଉଁଟିଛି । ହସ୍ପିଟାଲ୍ କର୍ପୋରେସନ୍ ଅଫ୍ ଓଡ଼ିଶା ନାମରେ ଦୂରଦୃଷ୍ଟିସମ୍ପନ୍ନ ୫୪ ଜଣ NRIଙ୍କ ଦ୍ୱାରା ୧୯୯୦ ମସିହାରେ ପ୍ରତିଷ୍ଠିତ ହୁଏ କଳିଙ୍ଗ ହସ୍ପିଟାଲ୍ । ରୋଗୀଙ୍କ ପାଇଁ ଏଠାରେ ୨୫୦ ଶଯ୍ୟା ରହିଛି । ଏହି ହସ୍ପିଟାଲ୍ର ମୂଳ ଲକ୍ଷ୍ୟ ହେଉଛି ସମସ୍ତଙ୍କୁ ଶସ୍ତା ମୂଲ୍ୟରେ ବିଶ୍ୱସ୍ତରୀୟ ସ୍ୱାସ୍ଥ୍ୟସେବା ଯୋଗାଇଦେବା । କାର୍ଡିଆକ ସାଇନସ୍, ନ୍ୟୁରୋ ସାଇନସ୍, ଅର୍ଥୋପେଡିକସ୍ ଏବଂ ଜଏଣ୍ଟ ରିପ୍ଲେସମେଣ୍ଟ, ଅଙ୍କୋସାଇନସ୍, ଗାଇନୋକୋଲୋଜି, ପେଡିଆଟ୍ରିକସ୍, ପଲ୍ ମୋନୋଲୋଜି, କ୍ରିଟିକାଲ କେୟାର, ଏମର୍ଜେନସି କେୟାର, ଟେଲି-ହେଲ୍ଥ, ଜେରିଆଟ୍ରିକ କେୟାର, ମେଣ୍ଟାଲ ହେଲ୍ଥ ଭଳି ଅନେକ ବିଭାଗ ରହିଛି କଳିଙ୍ଗ ହସ୍ପିଟାଲରେ । ବରିଷ୍ଠ ନାଗରିକଙ୍କ ପାଇଁ ଏବଂ ଅନ୍ୟ ରାଜ୍ୟରୁ ଆସୁଥିବା ରୋଗୀଙ୍କୁ ସାହାଯ୍ୟ କରିବା ପାଇଁ ସ୍ୱତନ୍ତ୍ର କେୟାର ଡେସ୍କ ଏବଂ ପଡ଼ୋଶୀ ଷ୍ଟେଟ୍ ଡେସ୍କର ବ୍ୟବସ୍ଥା ରହିଛି ଏଠାରେ । ଆର୍ଥିକ ଅନଗ୍ରସର ରୋଗୀଙ୍କ ପାଇଁ ଏଠାରେ ଡର୍ମିଟୋରୀର ବ୍ୟବସ୍ଥା ରହିଛି । ୨ଶହରୁ ଅଧିକ ଡାକ୍ତର ସହିତ ସର୍ବମୋଟ୍ ୧୧ଶହ କର୍ମଚାରୀ ଏଠାରେ କାର୍ଯ୍ୟରତ । ଏହାର ବାର୍ଷିକ ଟର୍ଣ୍ଣ ଓଭର ୧୨୦କୋଟିରେ ପହଂଚିଥିବା ବେଳେ ଆସନ୍ତା ବର୍ଷ ଏହା ୧୬୦କୋଟିରୁ ଅଧିକ ହେବ ବୋଲି ଜଣାପଡିଛି । ସ୍ୱାସ୍ଥ୍ୟସେବା କ୍ଷେତ୍ରରେ ଦକ୍ଷତା ବିକାଶ ଦିଗରେ ଅବଦାନ ପାଇଁ କଳିଙ୍ଗ ଇନଷ୍ଟିଚ୍ୟୁଟ୍ ଅଫ୍ ହେଲଥ୍ ସାଇନ୍ସେସ୍ ବିଭିନ୍ନ ପ୍ରକାରର ବୈଷୟିକ ଏବଂ ପାରାମେଡିକାଲ୍ ପାଠ୍ୟକ୍ରମ ଯୋଗାଉଛି ।
ଲାଇଫ ଇନଷ୍ଟିଚ୍ୟୁଟ୍ ଅଫ ଗ୍ୟାସଟ୍ରୋ ଏଣ୍ଟେରୋଲୋଜି ଆଣ୍ଡ୍ ଗାଇନାକୋଲୋଜି
ଲାଇଫ ଇନଷ୍ଟିଚ୍ୟୁଟ୍ ଅଫ ଗ୍ୟାସଟ୍ରୋ ଏଣ୍ଟେରୋଲୋଜି ଆଣ୍ଡ୍ ଗାଇନାକୋଲୋଜି ବା ଏଲ୍ଆଇଜିଜି ଓଡ଼ିଶାର ସ୍ୱାସ୍ଥ୍ୟସେବା କ୍ଷେତ୍ରରେ ଏକ ପରିଚିତ ନାଁ । ଯାହା କଟକ ନୟାବଜାର ଠାରେ ଥିବା ଏହି ହସ୍ପିଟାଲ୍ ’ ଦ ଲାଇଫ ସେବା ଟ୍ରଷ୍ଟ’ ନାମରେ ଅନୁବନ୍ଧିତ । କମ୍ ଦାମରେ ରୋଗୀଙ୍କୁ ଉତ୍ତମ ସ୍ୱାସ୍ଥ୍ୟସେବା ଯୋଗାଇ ଦେବାର ଲକ୍ଷ୍ୟ ସହିତ ୨୦୧୧ରେ ପ୍ରତିଷ୍ଠା ହୋଇଥିଲା ଏଲ୍ଆଇଜିଜି ହସ୍ପିଟାଲ୍ । ବରିଷ୍ଠ ଲାପ୍ରୋସ୍କୋପିକ୍, ଗ୍ୟାଷ୍ଟ୍ରୋଇନ୍ଟେଷ୍ଟାଇନାଲ୍ ଓ କ୍ୟାନସର ସର୍ଜନ ଡାକ୍ତର ହରିଶ୍ଚନ୍ଦ୍ର ମିଶ୍ର ଓ ଡାକ୍ତର ସଂଘମିତ୍ରା ଦାଶଙ୍କ ତତ୍ତ୍ୱାବଧାନରେ ଏହି ହସ୍ପିଟାଲ ଏବେ ରାଜ୍ୟ ଓ ରାଜ୍ୟ ବାହାରର ରୋଗୀଙ୍କୁ ଉତ୍ତମ ଚିକିତ୍ସା ସେବା ଯୋଗାଇଦେଉଛି । ଅବ୍ଷ୍ଟ୍ରେଟିକ୍ସ, ଗାଇନାକୋଲୋଜି, ଗ୍ୟାଷ୍ଟ୍ରୋଏଣ୍ଟେରେଲୋଜି, ସର୍ଜରୀ, ୟୁରୋଲୋଜି, ଅଙ୍କୋଲୋଜି ଆଦି ଚିକିତ୍ସା ଯୋଗାଇ ଦେବାରେ ଏହି ହସ୍ପିଟାଲ ଉଦାହରଣ ସୃଷ୍ଟିକରିଛି । ୪୦ଶଯ୍ୟା ବିଶିଷ୍ଟ ଏହି ହସ୍ପିଟାଲରେ ରହିଛି ଅତ୍ୟାଧୁନିକ ଚିକିତ୍ସା ସୁବିଧା । ଆଇସିୟୁ, ଏନ୍ଆଇସିୟୁ, ଡାଏଲେସିସ୍, ମଡୁଲାର ଓଟି, ମଡର୍ଣ୍ଣ ଲେବର ରୁମ୍ ଆଦି ଏଠାରେ ଉପଲବ୍ଧ । ୧୫ ବର୍ଷ ତଳେ ମାତ୍ର ୨ଜଣ ଡାକ୍ତରଙ୍କ ଦ୍ୱାରା ଆରମ୍ଭ ହୋଇଥିବା ଏକ କ୍ଲିନିକ୍ ଆଜି ଅନେକଙ୍କ ଭରସାଯୋଗ୍ୟ ହସ୍ପିଟାଲରେ ରୂପାନ୍ତରିତ ହୋଇଛି । ଉନ୍ନତମାନର ଚିକିତ୍ସା ସେବା ଯୋଗାଇ ଦେଇ ରୋଗୀମାନଙ୍କ ବିଶ୍ୱାସ ଜିଣିବା ସହ ୯୦ରୁ ଉର୍ଦ୍ଧ୍ୱ କର୍ମଚାରୀ ଏଠାରେ ପାଇପାରିଛନ୍ତି କର୍ମସଂସ୍ଥାନ । ପ୍ରତି ମାସ ୨ୟ ଏବଂ ଶେଷ ରବିବାର ହସ୍ପିଟାଲ ପକ୍ଷରୁ ମାଗଣା ରୋଗୀଦେଖା ସହ ପରୀକ୍ଷା ଏବଂ ଅପରେସନ ମଧ୍ୟ କରାଯାଇଥାଏ ।
- ୨୦୦୯ ମସିହାରେ ହାଇଦ୍ରାବାଦରୁ ଉଚ୍ଚଶିକ୍ଷା ଶେଷ କରିବା ପରେ ଓଡ଼ିଶା ଫେରି ’ଦ ଲାଇଫ କ୍ଲିନିକ୍’ ଆରମ୍ଭ କରନ୍ତି ଡାକ୍ତର ହରିଶ୍ଚନ୍ଦ୍ର ଓ ଡାକ୍ତର ସଂଘମିତ୍ରା ।
-୨୦୧୧ ମସିହା ନଭେମ୍ବର ୨୫ ତାରିଖରେ ଏହା ’ଲାଇଫ ସେବା ଟ୍ରଷ୍ଟ’ ନାମରେ, ୧୨ ଶଯ୍ୟା ବିଶିଷ୍ଟ ହସ୍ପିଟାଲରେ ରୂପାନ୍ତରୀତ ହୁଏ।
-୨୦୧୬ ମସିହା ମେ ୯ ତାରିଖ, ଅକ୍ଷୟ ତୃତୀୟା ଅବସରରେ ପୂର୍ଣ୍ଣ ଅବୟବରେ ଆରମ୍ଭ ହୁଏ ୪୦ ଶଯ୍ୟା ବିଶିଷ୍ଟ ’ଦ ଲାଇଫ ସେବା ଟ୍ରଷ୍ଟ’ ହସ୍ପିଟାଲ।
