LIVE TV
କଦଳୀକୁ ଏକ ଲୋକପ୍ରିୟ ଫଳ ଭାବରେ ଚାଷ କରାଯାଏ। ଏହା ଏପରି ଏକ ଫଳ ଯାହା ବର୍ଷସାରା ଯେକୌଣସି ଋତୁରେ ମିଳିଥାଏ। ତେଣୁ ଏହା ଅତ୍ୟନ୍ତ ଲାଭଦାୟକ। ଏହା ପାଚିଲା ଖାଇବା ବ୍ୟତୀତ ତରକାରୀ ଏବଂ ଚିପ୍ସ ତିଆରିରେ ମଧ୍ୟ ବ୍ୟବହାର କରାଯାଏ।
ଏହାର ପତ୍ରର ଆକାରରେ ବଡ ହୋଇଥିବାରୁ ଏହାକୁ ଖାଦ୍ୟ୍ ପାତ୍ର ଭାବେ ମଧ୍ୟ ବ୍ୟବହାର କରାଯାଏ। ଯଦି ଆପଣ ମଧ୍ୟ କଦଳୀ ଚାଷ କରିବାକୁ ଯୋଜନା କରୁଛନ୍ତି, ତେବେ ଏହାଉ ଭଲଭାବେ ପଢି ନିଅନ୍ତୁ, ଏଥିରୁ ଆପଣ ଯଥେଷ୍ଟ ସୂଚନା ପାଇଯିବେ।
Also Read
ଉପଯୁକ୍ତ ମାଟି:
କଦଳୀ ଚାଷରେ ଜୀବାଶ୍ମଯୁକ୍ତ ମାଟି ଆବଶ୍ୟକ ଏବଂ ଉପଯୁକ୍ତ ଜଳ ନିଷ୍କାସିତ ଜମି ଦରକାର। ପାଣି ଜମି ରହିଲେ ଗଛ ରୋଗାକ୍ରାନ୍ତ ହୋଇଥାନ୍ତି।
ଉପଯୁକ୍ତ ଜଳବାୟୁ:
କଦଳୀ ଚାଷରେ ଜଳବାୟୁର ମଧ୍ୟ ଗୁରୁତ୍ୱପୂର୍ଣ୍ଣ ରହିଛି। ଏହାର ଉଦ୍ଭିଦଗୁଡିକ ଭଲ ଭାବରେ ବଢିବା ପାଇଁ ଟ୍ରପିକାଲ୍ ଜଳବାୟୁ ଆବଶ୍ୟକ। ଉଦ୍ଭିଦଗୁଡିକର ବୃଦ୍ଧି ପାଇଁ ବର୍ଷା ଋତୁ ଭଲ ବୋଲି ବିବେଚନା କରାଯାଏ, କିନ୍ତୁ କ୍ଷେତରେ ବର୍ଷା ପାଣି ନ ରହିବା ଉଚିତ।
ଉପଯୁକ୍ତ ତାପମାତ୍ରା:
ଏହାର ଗଛଗୁଡିକ ସର୍ବାଧିକ ୪୦ ଡିଗ୍ରୀ ଏବଂ ସର୍ବନିମ୍ନ ୧୪ ଡିଗ୍ରୀ ତାପମାତ୍ରା ସହ୍ୟ କରିପାରନ୍ତି।
କଦଳିର ଉନ୍ନତ କିସମ:
କଦଳୀର ଉନ୍ନତ କିସମଗୁଡିକୁ ଦୀର୍ଘ ଦିନ ପର୍ଯ୍ୟନ୍ତ ଗଚ୍ଛିତ କରାଯାଇପାରେ। ଏହାର ଉଦ୍ଭିଦଗୁଡିକର ଉଚ୍ଚତା ୩ ରୁ ୪ ମିଟର ପର୍ଯ୍ୟନ୍ତ ହୋଇଥାଏ। ଏଥିରେ୨୦୦ରୁ ଅଧିକ କଦଳୀ ମିଳିଥାଏ ଏବଂ ଫଳଗୁଡିକ୍ ଅଧିକ ଚିକ୍କଣ ଓ ହଳଦିଆ ରଙ୍ଗର ହୋଇଥାଏ।
ବତ୍ତିସା:
ତରକାରୀ ପାଇଁ ଏହି ପ୍ରକାରର କିସମ ପ୍ରାୟତଃ ଚାଷ କରାଯାଏ। ଏଥିରୁ ୨୪୦ରୁ ୩୦୦ କଦଳୀ ମିଳିଥାଏ।
କୁଠିଆ:
ଉଭୟ ପନିପରିବା ଏବଂ ଫଳ ଭାବେ ବ୍ୟବହାର ପାଇଁ ଏହି କିସମର କଦଳୀ ଚାଷ କରାଯାଏ। ଏହାର ଗଛଗୁଡିକ ଅଧିକ ଜଳସେଚନ ଆବଶ୍ୟକ କରନ୍ତି। ଏହାର କାନ୍ଦିର ଓଜନ ୨୫ କିଲୋଗ୍ରାମ ପର୍ଯ୍ୟନ୍ତ ହୋଇଥାଏ।
କ୍ଷେତ ପ୍ରସ୍ତୁତି ଏବଂ ସାର ପ୍ରୟୋଗ:
କ୍ଷେତକୁ ଏକ ମାସ ପୂର୍ବରୁ ପ୍ରସ୍ତୁତ କରାଯାଏ। ପ୍ରଥମେ ଗଭୀର ଭାବରେ ହଳ କରାଯାଏ। ହଳ କରିବା ପରେ କିଛି ସମୟ ପାଇଁ ଛାଡି ଦିଆଯାଏ। ଏହା ପରେ କ୍ଷେତରେ ରୋଟାଭେଟର ଲଗାଇ ଦୁଇରୁ ତିନୋଟି ପତଳା ହଳ କରାଯାଏ। ଏହାପରେ ମହି ଦେଇ ମାଟିକୁ ସମାନ କରାଯାଏ।
କିଛି ଦିନ ପରେ ଦେଢ ମିଟର ଦୂରତାରେ ଗାତ ଖୋଳାଯାଏ। ଏହି ଗାତଗୁଡିକ ପ୍ରାୟ ଏକ ଫୁଟ ଗଭୀର ଏବଂ ଚଉଡା ହେବା ଉଚିତ୍। ଗାତ ଖୋଳିବା ପରେ ଏହା ଭିତରେ ୨୫ କେଜି ପୁରୁଣା ଗୋବର ଖତ ଏବଂ ୧୦୦ ଜିଏମ୍ ବିଏଚ୍ସି ଦେବାକୁ ହୁଏ। ଏହା ପରେ ଏହି ଗାତଗୁଡ଼ିକୁ ଜଳସେଚନ କରାଯାଏ।
ଏକ ମାସ ପରେ ଏହି ଗାତଗୁଡ଼ିକରେ ଆଉ ଏକ ଛୋଟ ଗାତ କରି ଚାରା ରୋପଣ କରାଯାଏ। ରୋପଣର ଗୋଟିଏ ମାସ ପରେ ଗଛଗୁଡିକରେ ୬୦ ଗ୍ରାମ ନାଇଟ୍ରୋଜେନ ଦେବାକୁ ହୁଏ। ଏହି କାମ ତିନି ମାସ ପର୍ଯ୍ୟନ୍ତ ଚାଲେ। ଏହା ପରେ, ଯେତେବେଳେ ଫୁଲ ଧରେ ସେତେବେଳେ ୬୦ ଜିଏମ୍ ନାଇଟ୍ରୋଜେନ୍ ଦିଆଯାଏ।
କଦଳୀ ଅମଳ:
କଦଳୀ ଅମଳ ଦୁଇଟି ଉପାୟରେ ହୋଇଥାଏ। ଏହାକୁ ପ୍ରଥମେ କଞ୍ଚା ଫଳ ଭାବରେ ଅମଳ କରାଯାଏ, ଯାହାକୁ ତରକାରୀରେ ବ୍ୟବହାର କରାଯାଏ। ଦ୍ୱିତୀୟ ଅମଳ ପାଚିବା ସମୟରେ କରାଯାଏ। ଯେତେବେଳେ ଫଳର ରଙ୍ଗ ହଳଦିଆ ଦେଖାଯିବା ଆରମ୍ଭ କରେ, ସେତେବେଳେ ଅମଳ କରାଯାଏ। ଗୋଟିର କଦଳୀ କାନ୍ଦିର ଓଜନ ପ୍ରାୟ ୨୦ ରୁ ୨୫ କିଲୋଗ୍ରାମ ହୋଇଥାଏ। କୃଷକମାନେ ଏକ ହେକ୍ଟର କ୍ଷେତରୁ ବାର୍ଷିକ ୬୦ରୁ ୭୦ ଟନ୍ ଅମଳ ପାଇପାରିବେ। କଦଳୀ ବଜାରର ମୂଲ୍ୟ କିଲୋଗ୍ରାମ ପିଛା ୧୦ ଟଙ୍କା ହୋଇଥିବା ବେଳେ କୃଷକମାନେ ଏକ ହେକ୍ଟର କ୍ଷେତରୁ ୬ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରି ପାରିବେ।
