ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଭିତରେ ନାହିଁ ରଘୁନନ୍ଦନ ଲାଇବ୍ରେରୀ

କୁଆଡେ ଗଲା ଶ୍ରୀଜଗନ୍ନାଥ ରିସେପସନ୍ ସେଣ୍ଟର? କେଉଁଠି ତିଆରି ହେଉଛି କୀର୍ତ୍ତନ ମଣ୍ଡପ ? ଯଜ୍ଞ ଓ ଧ୍ୟାନ ସହ ସଂସ୍କୃତି ମଣ୍ଡପ ନିର୍ମାଣ ହେଉଛି ତ ? ବୁଲଡୋଜର ଲଗାଇ ଧୁଳିସାତ୍ କରାଯାଇଥିବା ଏମ୍ଆର ମଠର ନୂଆ ରଘୁନନ୍ଦନ ଲାଇବ୍ରେରୀ କଥା ଭୁଲିଗଲେ କି ସରକାର ? ଆସନ୍ତା ଜାନୁଆରୀ ୧୭ରେ ଯେଉଁ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଭବ୍ୟ ଉଦଘାଟନ ପାଇଁ ଏତେ ତରତର, ସେଥିରେ ଏସବୁ ଦିଶୁ ନ ଥିବାରୁ ପୁରୀର ବୁଦ୍ଧିଜୀବୀ, ଆଇନଜୀବୀ ଓ ଭକ୍ତଙ୍କ ସହ ଖୋଦ୍ ସେବାୟତଙ୍କ ଆଡୁ ଉଠିଲାଣି ସାଂଘାତିକ ପ୍ରଶ୍ନ। ସେମାନଙ୍କ ଅଭିଯୋଗ- ୨୦୨୨ ନଭେମ୍ବର ୨୪ରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଶିଳାନ୍ୟାସ ସମୟରେ ଯେଉଁ ଥ୍ରୀଡି ପ୍ରତିକୃତି ଭିଡିଓ ଦେଖାଯାଇଥିଲା- ତାସହ ଏବେକାର ପରିକ୍ରମା ପ୍ରକଳ୍ପର ବାସ୍ତବ ସ୍ଥିତି ଆଦୌ ଖାପ ଖାଉନି। ସିଂହଦ୍ୱାରକୁ ଛାଡ଼ି ବାକି ତିନି ଦ୍ୱାରରେ କେବଳ ଟୟଲେଟ୍ ନିର୍ମାଣ ହୋଇଛି। ବାକି ଯେତେ କାମ ଅଛି ତାକୁ ସାରିବାକୁ ଆହୁରି ୨ବର୍ଷ ଲାଗିପାରେ।

Published By: Santosh Kumar Sahoo

Last updated: 28 December 2023, 09:25 PM IST