LIVE TV
ରୋମ୍: କୁକୁରକୁ ମଣିଷର ପ୍ରକୃତ ବନ୍ଧୁ କୁହାଯାଇଥାଏ । ଅନେକ ଲୋକ କୁକୁରଙ୍କୁ ପାଳିତ ପଶୁ ଭାବରେ ମଧ୍ୟ ରଖିଥାନ୍ତି । ହେଲେ ରୋମ୍ରେ ରହୁଥିବା ଏକ କୁକୁର ବିସ୍କୁଟକୁ ଦେଖିଲେ ଆପଣମାନେ ବି ଆଶ୍ଚର୍ଯ୍ୟ ହୋଇଯିବେ । କାରଣ ଏହି କୁକୁର ଜୀଉଁଛି ବିଳାସପୂର୍ଣ୍ଣ ଜୀବନ । କୁକୁର ପାଇଁ ଖର୍ଚ୍ଚ ହେଉଛି ଲକ୍ଷାଧିକ ଟଙ୍କା । କୁକୁରର ଆଲମାରୀରେ କେବଳ ଡିଜାଇନର୍ ପୋଷାକ ନୁହେଁ, ଭଳିକି ଭଳି ଚଷମା, ଜୋତା, ଟୋପି ଏବଂ ଅନ୍ୟାନ୍ୟ ଆନୁଷଙ୍ଗିକ ସାମଗ୍ରୀ ସବୁ ରହିଛି । ଯେଉଁଥିରେ ପ୍ରାୟ ୪୩ ଯୋଡା ଜୋତା ଏବଂ ୪୭ ଟି ଚଷମା ରହିଛି ।
ବିସ୍କୁଟ୍କୁ ତାର ମାଲିକ ଲାଭି ରୋଜ (Lavi Roz) ଏତେ ଭଲପାଉଛନ୍ତି ଯେ, ସେ କୁକୁର ପାଇଁ ପ୍ରାୟ ୨ ଲକ୍ଷରୁ ଉର୍ଦ୍ଧ୍ୱ ଟଙ୍କା ଖର୍ଚ୍ଚ କରି ଏହିସବୁ ଜିନିଷ କିଣିଛନ୍ତି । ଯେଉଁଥିରେ ସୁନ୍ଦର ସୁନ୍ଦର ପୋଷାକ ସହ ବିଭିନ୍ନ ମ୍ୟାଚିଙ୍ଗ ଆସେସୋରିଜ୍ ରହିଛି ।
ବିସ୍କୁଟ୍ ପାଇଁ ଷ୍ଟୋନ୍ ଫିଟିଙ୍ଗ ଯୋଜା ସହ ଭଳିକି ଭଳି ଷ୍ଟାଇଲିସ୍ ପୋଷାକ ରହିଛି । କେବଳ ଉତ୍ସବ ଓ ପର୍ବ ପର୍ବାଣୀ ବ୍ୟତୀତ ଅନ୍ୟ କୌଣସି ଦିନରେ ବିସ୍କୁଟ୍ ଏହି ପୋଷାକ ପିନ୍ଧେ ନାହିଁ । ସୋସିଆଲ୍ ମିଡିଆରେ ଫଲୋର୍ସଙ୍କୁ ଦେଖାଇବା ପାଇଁ ହିଁ ତାଙ୍କ ମାଲିକ ଏହିସବୁ କିଣିଛନ୍ତି ।
ବିସ୍କୁଟ୍ର ମାଲିକ ଲାଭି ରୋଜ କହିଛନ୍ତି ଯେ, ତାଙ୍କ କୁକୁକୁର ଏତେ ବୁଦ୍ଧିମାନ ଯେ ଯେକୌଣସି କଥା କହିଲେ ସେ ମାନିଥାଏ । ଏପରିକି କିଛି ମିନିଟ୍ ମଧ୍ୟରେ ଏହିସବୁ ପୋଷାକ ଆଦି ଅନ୍ୟାନ ଜିନିଷ ପିନ୍ଧି ଫଟୋ ଉଠାଇବା ପାଇଁ ପ୍ରସ୍ତୁତ ହୋଇଯାଇଥାଏ । ଗତ ୨ ବର୍ଷ ଧରି ନିଜ କୁକୁରମାନଙ୍କର ପାଇଁ ବିଭିନ୍ନ ଜିନିଷ କିଣି ଆସୁଛନ୍ତି ବୋଲି କହିଛନ୍ତି ରୋଜ ।
ଏହାସହ ସେ କହିଛନ୍ତି ଯେ, ସେ ବିସ୍କୁଟ୍ର ପୋଷାକ କିଣିବା ପାଇଁ ମଲ୍ର ପିଲାଙ୍କ ବିଭାଗକୁ ଯାଇଥାନ୍ତି । ବିସ୍କୁଟର ଏକ ଭାଇ ମଧ୍ୟ ଅଛି ଯାହାର ନାମ ନାଇଟଟେଲ । ସେ ମଧ୍ୟ ବେଳେବେଳେ ବିସ୍କୁଟ ପୋଷାକ ପିନ୍ଧିଥାଏ, ହେଲେ ମାତ୍ର ୨ ବର୍ଷର ହୋଇଥାବାରୁ ବିସ୍କୁଟ୍ର ପୋଷାକ ତାକୁ ବଡ ହୋଇଥାଏ
ବିସ୍କୁଟ୍ର ନିଜସ୍ୱ ଇଣ୍ଟାଗ୍ରାମ୍ ଆକାଉଣ୍ଟ ଅଛି । ଯେଉଁଥିରେ ତାକୁ ପ୍ରାୟ ୧୭ ହଜାରରୁ ଅଧିକ ଲୋକ ଫଲୋ କରିଥାନ୍ତି । କେବଳ ଏତିକି ନୁହେଁ ଟିକ୍ଟକ୍ରେ ମଧ୍ୟ ବିସ୍କୁଟ୍ ବେଶ୍ ଫେମସ୍ । ଟିକ୍ଟକ୍ର ଗୋଟିଏ ଭିଡିଓକୁ ପ୍ରାୟ ୧୫ ମିଲିୟନ୍ ଲୋକ ଦେଖିସାରିଛନ୍ତି ।
ବିସ୍କୁଟ୍ର ନିଜ ଆଲମାରୀ ରହିଛି । ଯେଉଁଥିରେ ତାର ଭଳିକି ଭଳି ପୋଷାକ, ଯୋତା, ଚଷମା ଆଦି ରହିଛି । ଏତେ ପରିମାଣରେ ଜନିଷ ରହିଛି ଯେ ଗୋଟିଏ ଆଲମାରୀ ମଧ୍ୟ ଯଥେଷ୍ଟ ନୁହେଁ ତେଣୁ ଆଉ ଏକ ଆଲମାରୀର ଆବଶ୍ୟକତା ରହିଛି ବୋଲି କହିଛନ୍ତି ଲାଭି ରୋଜ ।
।
