Miscellaneous Updates

ଗତକାଲି ପୋଖରୀରୁ ନାବାଳିକାର ଲେଗିଙ୍ଗ୍‌ସ ବାହାରିବା ପରେ ଯଦୁପୁରରେ ପହଞ୍ଚିଛନ୍ତି SIT ମୁଖ୍ୟ। ସେଠାରେ ପହଞ୍ଚିବା ପରେ ଓଡ୍ରାଫ୍ ଟିମ୍ ସହ ଆଲୋଚନା ମଧ୍ୟ କରିଛନ୍ତି ବୋଥ୍ରା। 

ଯଦୁପୁର ନାବାଳିକା ଦୁଷ୍କର୍ମ ଓ ହତ୍ୟା ମାମଲାରେ ଗିରଫ ସରୋଜ ସେଠୀର ଭଉଣୀଙ୍କ ବି ନିଜ ଭାଇକୁ ନିର୍ଦ୍ଦୋଷ ବୋଲି ବାରମ୍ବାର କହୁଛନ୍ତି। ମାଆ ବି କହୁଛନ୍ତି ପୁଅ ନିର୍ଦ୍ଦୋଷ। ସରୋଜ ସେଠୀର ଗିରଫଦାରୀ ପରଠୁ ଗୋଟିଏ କଥା ହିଁ କହିଆସୁଛନ୍ତି ଉଭୟେ।

ବର୍ବର, ଜଘନ୍ୟ, ବୀଭତ୍ସ ଓ ବିରଳ। ବହୁ ଚର୍ଚ୍ଚିତ ଯଦୁପୁର ନାବାଳିକା ହତ୍ୟା ଓ ଦୁଷ୍କର୍ମ ମାମଲାକୁ ନେଇ ସାଙ୍ଘାତିକ ତଥ୍ୟ ପଦାକୁ ଆଣିଛି ସ୍ପେଶାଲ୍ ଇନଭେଷ୍ଟିଗେସନ୍ ଟିମ, SIT। ପ୍ରେସମିଟରେ ଏହି ଜଘନ୍ୟ କାଣ୍ଡର ଅଡୁଆ ସୂତାକୁ ଫିଟାଇଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା

କେନ୍ଦୁଝର ଜିଲ୍ଲା ମୁଖ୍ୟାଳୟରେ ଆଜି ସାର୍ଣ୍ଣ। ଧର୍ମକୁ ମାନ୍ୟତା ଦାବିକରି ଆଦିବାସୀମାନେ ବିରାଟ ରାଲି କରି ଜିଲ୍ଲାପାଳଙ୍କ ଜରିଆରେ ରାଷ୍ଟ୍ରପତିଙ୍କୁ ୮ ଦଫା ଦାବିପତ୍ର ପ୍ରଦାନ କରିଛନ୍ତି। ସମ୍ବିଧାନ ଅଧିକାର ପାଇବା ଦାବି ସହ ଆସନ୍ତା ବର୍ଷଠାରୁ ଜନଗଣନାରେ ସାର୍ଣ୍ଣା ଧର୍ମକୁ ସ୍ୱତନ୍ତ୍ର ସ୍ଥାନ ଦେବା ଲାଗି ସେମାନେ ଦାବି କରିଛନ୍ତି।

ଧାନ କିଣା ପାଇଁ ରାସ୍ତା ରୋକ । ସ୍ୱୟଂ ସହାୟକ ଗୋଷ୍ଠୀ ବଦଳରେ ସେବା ସମବାୟ ସମିତିରେ ଧାନ ବିକ୍ରୟ ଅନୁମତି ଦାବିରେ ରାସ୍ତା ରୋକ । ରାସ୍ତା ଉପରେ ଧାନ ବସ୍ତା ଓ ଧାନ ବୋଝେଇ ଟ୍ରାକ୍ଟର ରଖି ରାସ୍ତା ରୋକ କରିଛନ୍ତି ଶତାଧିକ ଚାଷୀ ।

ସାମାନ୍ୟ କଥାରୁ ହତ୍ୟାକାଣ୍ଡ। ନିମିଶକେ ମଧ୍ୟରେ ଚାଲିଲା ଜୀବନ। ଏମିତି ଏକ ବିଭତ୍ସ ହତ୍ୟାକାଣ୍ଡ ଘଟିଛି ସମ୍ବଲପୁର ଜିଲ୍ଲା କିସିଣ୍ଡା ଥାନା ଗୋଗୁଆ ପଞ୍ଚାୟତ ମଙ୍ଗଳପୁର ଗାଁ ରେ। ଭାବି ପାରିଲେ ନାହିଁ ପିଲାଦିନେ ଏକାଠି ବସୁଥିଲେ, ଖେଳୁଥିଲେ କିନ୍ତୁ କ୍ଷଣିକ କ୍ରୋଧ ପାଖରେ ହଜିଗଲା ପିଲାଦିନର ସ୍ମତି ଓ ଭଲ ପାଇବା।

ଯଦୁପୁର ନାବାଳିକା ଦୁଷ୍କର୍ମ ପଛରେ ଅଶ୍ଳୀଳ ଭିଡିଓ ହିଁ କାରଣ। ଆଜି ପ୍ରେସମିଟ୍ କରି କିଛି ଏପରି ମହାଖୁଲାସା କରିଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା। SIT ମୁଖ୍ୟଙ୍କ କହିବା ଅନୁସାରେ, ଅଶ୍ଳୀଳ ଫିଲ୍ମରେ ଏସବୁ ଦେଖି ସେ ଏଭଳି କରିଥିବା କହିଛି ଅଭିଯୁକ୍ତ। ଘଟଣାରେ ଗିରଫ ହୋଇଥିବା ଅଭିଯୁକ୍ତ ସରୋଜ ମୋବାଇଲରେ ଚାଇଲ୍ଡ ପର୍ଣ୍ଣୋଗ୍ରାଫି ଫିଲ୍ମ ରଖି ଦେଖୁଥିଲା।

ପୁରୀ ହାଜତ ମୃତ୍ୟୁକୁ ନେଇ ଅସନ୍ତୋଷ ପ୍ରକାଶ କଲେ ହାଇକୋର୍ଟ। ଘଟଣାର ତଦନ୍ତର ଅଗ୍ରଗତି ନେଇ ଅସନ୍ତୋଷ ପ୍ରକାଶ କଲେ କୋର୍ଟ। ଏହାସହ ପୋଲିସ ବିରୋଧରେ ମାମଲା ରୁଜୁ କରାଯାଇଛି କି ନାହିଁ ତାହା ମଧ୍ୟ ପଚାରିଲେ। କେବଳ ଏତିକି ନୁହେଁ ବରଂ ପୋଲିସଙ୍କ ବିରୋଧରେ ୩୦୨ ଦଫା ଲାଗିଛି କି ନାହିଁ ପଚାରିଲେ ବୁଝିଛନ୍ତି ହାଇକୋର୍ଟ।

ନୟାଗଡ ନାବାଳିକା ଦୁଷ୍କର୍ମ ଘଟଣାରେ ସରୋଜ ସେଠୀ ହିଁ ମୁଖ୍ୟ ଅଭିଯୁକ୍ତ ବୋଲି ପ୍ରେସମିଟ୍ କରି ସୂଚନା ଦେଲେ ଏସଆଇଟି ମୁଖ୍ୟ। ତେବେ ବୋଥ୍ରାଙ୍କ ପ୍ରେସମିଟ୍ ପରେ ପ୍ରତିକ୍ରିୟା ରଖିଛନ୍ତି ନାବାଳିକା ଝିଅର ବାପା ଅଶୋକ ସାହୁ। ଅଶୋକ କହିଛନ୍ତି ଯେ, ସେ ପିଲା ଏପରି ନୁହେଁ , ତାଙ୍କୁ ମୋହରା କରାଯାଉଛି। ଆମେ ଘଟଣାର ସିବିଆଇ ତଦନ୍ତ ଦାବି କରୁଥିବାରୁ ସେମାନେ ଏଭଳି ନାଟକ କରୁଛନ୍ତି।

ଯଦୁପୁର ନାବାଳିକା ଦୁଷ୍କର୍ମ ଘଟଣାରେ ଘଣ୍ଟାକୁ ଘଣ୍ଟା କିଛି ନା କିଛି ନୂଆ ଖବର ଆସୁଛି । ତେବେ ଏହାରି ମଧ୍ୟରେ ସରୋଜ ସେଠୀ ହିଁ ମୁଖ୍ୟ ଅଭିଯୁକ୍ତ ବୋଲି ଏସଆଇଟି ମୁଖ୍ୟ ଅରୁଣ ବୋଥ୍ରା ପ୍ରେସମିଟ୍ କରି ସୂଚନା ଦେଇଛନ୍ତି। ତେବେ ଗୁରୁତ୍ୱପୂର୍ଣ୍ଣ କଥା ହେଲା ଯେ, ନାବାଳିକା ଘଟଣାରେ ସରୋଜକୁ କାହିଁକି ସନ୍ଦେହ ଘେରକୁ ଆଣିଥିଲା ଏସଆଇଟି?

ନୟାଗଡ଼ ପରୀ ହତ୍ୟା ମାମଲାରେ ଖୋଳତାଡ ପାଇଁ ଯଦୁପୁରରେ ପହଞ୍ଚିଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା।  ତେବେ ଗିରଫ ହୋଇଥିବା ବ୍ୟକ୍ତିଙ୍କ ସମ୍ପରର୍କରେ ସୂଚନା ଦେଇ ବୋଥ୍ରା କହିଛନ୍ତି ଯେ,  ଅଭିଯୁକ୍ତ ବିରୋଧରେ ଯଥେଷ୍ଟ ପ୍ରମାଣ ଅଛି ।

ନୟାଗଡ଼ ପରୀ ହତ୍ୟା ମାମଲାରେ SITର ଖୋଳତାଡ଼। SITର ୨ ଜଣ ଅଧିକାରୀ ଯଦୁପୁରରେ ପହଞ୍ଚି ସରୋଜ ସେଠୀଙ୍କ ମାଆଙ୍କୁ ପଚରାଉଚରା କରିଛି। ଘଟଣାରେ ପ୍ରମାଣ ଯୋଗାଡ଼ ପାଇଁ ପୋଖରୀକୁ ଶୁଖାଯିବ ବୋଲି ସୂଚନା ମିଳିଛି। ଯଦୁପୁର ଗାଁରେ ଥିବା ପୋଖରୀକୁ ଶୁଖାଯିବା ଲାଗି ଯୋଜନା ହେଉଥିବା ଜଣାପଡ଼ିଛି।

ଏଟିଏମ୍ ଭିତରେ ପଇନ୍ତରା ପରେ ଚାଲାକାର ସହ ଏଟିଏମ୍ ସିସିଟିଭି ବନ୍ଦ କରି ଲୁଟ୍। ଏଭଳି କିଛି ଲୁଟ ଘଟଣା ଘଟିଛି ଢେଙ୍କାନାଳ ମୋଟଙ୍ଗା ଥାନା ଅଞ୍ଚଳରେ। ସ୍ଥାନୀୟ ଅଂଚଳରେ ଥିବା ଏସବିଆଇ ଏଟିଏମରୁ ଗ୍ୟାସ୍ କଟରରେ ଏଟିଏମକୁ କାଟି ଲୁଟ୍ ହୋଇଛି। ଏଟିଏମରୁ ପାଖାପାଖି ୨୬ ଲକ୍ଷ ୫୬ ହଜାର ଟଙ୍କା ଲୁଟ ହୋଇଥିବା ନେଇ ମିଳିଛି ସୂଚନା।

୪ ଦିନିଆ ରିମାଣ୍ଡ ସରିବା ପରେ ଜେଲ୍ ଗଲେ ଆକାଶ ପାଠକ। ଭୁବନେଶ୍ୱର SDJM କୋର୍ଟରେ ହାଜର ପରେ ଜେଲ୍ ଗଲେ ଆକାଶ। ତେବେ ଏହି ସମୟରେ ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଛନ୍ତି ଆକାଶ ପାଠକ। ସେ କହିଛନ୍ତି ମୁଁ ସେମିତି କୌଣସି କଥା ମାନିନାହିଁ।

ବିଜେପିର ପଦଯାତ୍ରା ଓ କଂଗ୍ରେସର ଏସପି ଅଫିସ ଘେରାଉକୁ ନେଇ ପ୍ରତିକ୍ରିୟା ରଖିଛି ବିଜେଡି। ବିଜେଡି ନେତା ତଥା ବିଧାୟକ ପ୍ରତାପ ଦେବ କହିଛନ୍ତି ଯେ, ପରୀ ହତ୍ୟା ଏକ ଅପରାଧ ଘଟଣା ହୋଇଥିବା ବେଳେ ବିଜେପି ଓ କଂଗ୍ରେସ ଏହାକୁ ନେଇ ରାଜନୀତି କରୁଛନ୍ତି।

ସୁନ୍ଦରଗଡ଼ ଜିଲ୍ଲା କୋଇଡା ଥାନା କାଲଟା ଫାଣ୍ଡି ଅଂଚଳରେ ପୁଣି ଏକ ଜଘନ୍ୟ ହତ୍ୟାକାଣ୍ଡ ଘଟିଛି। ଘରୋଇ କଳହକୁ କେନ୍ଦ୍ରକରି ବାପ ଭୁଲିଗଲା ରକ୍ତ ସମ୍ପର୍କ। ବାପର ଟାଙ୍ଗିଆ ଚୋଟରେ ପୁଅର ମୃତ୍ୟୁ ହେଲା ପରେ ଘଟଣାକୁ ଲୁଚାଇବାକୁ ଯାଇ ବାପା ଓ ସାବତ ମା ମୃତ ପୁଅର ଶରୀରରେ ରଶି ଲଗାଇ ଶବକୁ ନିକଟସ୍ଥ ଜଙ୍ଗଲରେ ଫୋପାଡି ଦେଇଥିଲେ

ନୟାଗଡ଼ ପରୀ ହତ୍ୟା ମାମଲାରେ SITର ଖୋଳତାଡ଼। ଯଦୁପୁରରେ ସରୋଜ ସେଠୀଙ୍କ ଘରେ ପହଞ୍ଚିଛି ୨ ଜଣିଆ SIT ଟିମ୍। ସରୋଜଙ୍କ ମାଆଙ୍କୁ ଏସଆଇଟି ପଚରାଉଚରା କରୁଥିବା ଜଣାପଡିଛି। ସରୋଜଙ୍କ ଘର ଆଗରେ ପୋଲିସ ମୁତୟନ କରାଯାଇଛି।

ପୁରୀ ଘାଟ ଥାନାରେ ୧୬୧ ଧାରାରେ ବର୍ଷା ପ୍ରିୟଦର୍ଶିନୀଙ୍କ ବୟାନ ରେକର୍ଡ କରିଛି ପୋଲିସ। ୩ ଦିନ ତଳେ ରାତିରେ ସେ କାମରେ ଘରୁ ବାହାରକୁ ଯାଇ ଫେରିବାବେଳେ ତାଙ୍କ ରୁମରେ ସ୍ୱାମୀ ଅନୁଭବ ତାଲା ପକାଇ ଦେଇଥିଲେ। ଫଳରେ ତାଙ୍କୁ ଘଣ୍ଟାଏ ଧରି ରାସ୍ତାରେ ଛିଡ଼ା ହେବାକୁ ପଡ଼ିଥିଲା।

ଶୀତ ରୁତୁ ଆସିଲେ ମନେ ପଡ଼େ ପର୍ଯ୍ୟଟନ ସ୍ଥଳୀ। ପର୍ଯ୍ୟଟନର ବିକାଶ ହେଲେ ପର୍ଯ୍ୟଟକଙ୍କ ସୁଅ ଛୁଟେ ବିଭିନ୍ନ ସ୍ଥାନକୁ। ଏଭଳି ଏକ ପର୍ଯ୍ୟଟନୀ ସ୍ଥଳ ହେଲା ମୟୁରଭଞ୍ଜ ଜିଲ୍ଲା ଖୁଣ୍ଟା ବ୍ଲକର ଶିମିଳିପାଳ ଅଭୟାରଣ୍ୟର ପାଦଦେଶରେ ଥିବା ଟୁଙ୍କି ଜଳ ପ୍ରପାତ।

ଭିତରକନିକା ଅଭୟାରଣ୍ୟ ସୀମା ନିର୍ଦ୍ଧାରଣକୁ ନେଇ ବିବାଦ। ଭିତରକନିକାକୁ ଅଭୟାରଣ୍ୟ ମାନ୍ୟତା ମିଳିବା ବେଳେ ୪୧୦ ଟି ଗାଁ ଅଭୟାରଣ୍ୟ ମଧ୍ୟରେ ରହିଥିଲା। ୪ ଦଶନ୍ଧି ପରେ ଭିତରକନିକା ସୀମା ନିର୍ଦ୍ଧାରଣ କରାଯାଇଥିବା ବେଳେ ମାତ୍ର ରାଜନଗର ବ୍ଲକର ୫୨ଟି ଗାଁ ଏଥିରୁ ବାଦ ପଡିଛି

ପେସାରେ ଇଞ୍ଜିନିଅର୍, ହେଲେ ବି ଲୋକେ କିଭଳି ଚାକିରି ପାଇଁ ବାହାରକୁ ନଯାଇ ଘରେ ନିଜର ବୁଦ୍ଧି ଓ କୌଶଳ ଖଟାଇ ସ୍ୱାବଲମ୍ବୀ ହୁଅନ୍ତୁ, କିଛି ଏଭଳି ମହତ୍ ଲକ୍ଷ୍ୟ ରଖିଛନ୍ତି ବାଲେଶ୍ୱରର ମିହିର ପଣ୍ଡା ଏଥିପାଇଁ ତାଙ୍କୁ ଲିମ୍କା ରେକର୍ଡସରେ ସ୍ଥାନ ମିଳିଛି।

ଆଜି ବସିବ ବିଜେଡିର ରାଜ୍ୟ ପରିଷଦ ବୈଠକ।  ଏଥିରେ ରାଜ୍ୟ ପରିଷଦର ସମସ୍ତ ସଦସ୍ୟ ଅର୍ଥାତ୍ ପାଖାପାଖି ୩୭୪ଜଣ ସଦସ୍ୟ ଯୋଗ ଦେବାର ରହିଛି କାର୍ଯ୍ୟକ୍ରମ। ଏଥିରେ ଦଳର ବିଧାୟକ, ସାଂସଦ, ଜିଲ୍ଲା ସଭାପତି ଓ ଅନ୍ୟ ନେତା ମାନେ ଉପସ୍ଥିତ ରହିବେ।

ପରୀ ହତ୍ୟାକାଣ୍ଡ ଏବଂ ରାଜ୍ୟରେ ଶିଶୁ ଚୋରି, ନାବାଳିକାଙ୍କୁ ଦୁଷ୍କର୍ମ ଭଳି ଘଟଣା ଦିନକୁ ଦିନ ବଢୁଥିବାରୁ ଏହାର ପ୍ରତିବାଦ କରିବ କଂଗ୍ରେସ। ଆଜି ରାଜ୍ୟର ସମସ୍ତ ଏସପିଙ୍କ କାର୍ଯ୍ୟାଳୟ ଘେରାଉ କରିବେ କଂଗ୍ରେସ ନେତା ଓ କର୍ମୀ। କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ଏହି ସୂଚନା ଦେଇଛନ୍ତି।

ପରୀକୁ ନ୍ୟାୟ ଓ ସିବିଆଇ ତଦନ୍ତ ଦାବିରେ ବିଜେପିର ପଦଯାତ୍ରା। ପରୀର ଗାଁ ନୟାଗଡ଼ ଯଦୁପୁର ଅଭିମୁଖେ ୫ ଦିନିଆ ପଦଯାତ୍ରା ଆରମ୍ଭ କରିଛି ବିଜେପି। ପରୀ ହତ୍ୟା ମାମଲାର ଅଭିଯୁକ୍ତଙ୍କୁ ଗିରଫ ଦାବିରେ ବାହାରିଛନ୍ତି ବିଜେପିର କର୍ମୀ ଓ ନେତା।

ପରୀ ମାମଲାରେ ଗିରଫଦାରି। ପରୀର ଗାଁ ନୟାଗଡ଼ ଯଦୁପୁରର ଜଣେ ଅଭିଯୁକ୍ତକୁ ଗିରଫ କରାଯାଇଥିବା ସ୍ପଷ୍ଟ କରିଛି କ୍ରାଇମବ୍ରାଞ୍ଚ। ତେବେ ଅଭିଯୁକ୍ତଙ୍କ ନାଁ ପ୍ରକାଶ କରାଯାଇନାହିଁ। ଆଜି ତାଙ୍କୁ ନୟାଗଡ଼ ପକ୍ସୋ କୋର୍ଟରେ ହାଜର କରାଯିବ