ମିସାଇଲ୍‌ ମ୍ୟାନ୍‌ଙ୍କ ଜନ୍ମ ବାର୍ଷିକ; ମନେ ପକାଉଛି ସାରା ଦେଶ

ନୂଆଦିଲ୍ଲୀ: ଆଜି ହେଉଛି ଦେଶର ୧୧ ତମ ରାଷ୍ଟ୍ରପତି ଏପିଜେ ଅବଦୁଲ୍‌ କଲାମଙ୍କ ଜନ୍ମ ଜୟନ୍ତୀ । ଜନ୍ମ ଦିନ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍‌ ଯୋଗେ ଡକ୍ଟର କଲାମଙ୍କ ମନେପକାଇଛନ୍ତି । ୧୯୩୧ ମସିହା ଅକ୍ଟୋବର ୧୫ରେ ତାମିଲନାଡୁର ରଆମେଶ୍ୱରମ୍‌ରେ ଏକ ମୁସଲମାନ ସମ୍ପ୍ରଦାୟ ପରିବାରରେ ଡକ୍ଟର କଲାମ ଜନ୍ମ ଗ୍ରହଣ କରିଥିଲେ । ସାରା ବିଶ୍ୱ ତାଙ୍କଠାରୁ ଅଧିକ ତାଙ୍କ କାମକୁ ଜାଣିଥାଏ । ଭାରତରେ ଆଧୁନିକ ସ୍ୱଦେଶୀ କ୍ଷେପଣାସ୍ତ୍ର ନିର୍ମାଣରେ ସକ୍ଷମ ହୋଇଥିବାରୁ ତାଙ୍କୁ ମିସାଇଲ୍‌ ମ୍ୟାନ୍‌ ମଧ୍ୟ କୁହାଯାଉଥିଲା ଡକ୍ଟର କଲାମ ଏକ ପ୍ରେରଣାଦାୟକ ବ୍ୟକ୍ତିତ୍ୱ ଥିବାସହ ତାଙ୍କ ଜୀବନରେ ସେ ସାରା ଦେଶବାସୀଙ୍କ ପାଇଁ ଏକ ବଡ଼ ପ୍ରେରଣା ଥିଲେ। ଯାହା କାରଣରୁ ଏବେ ପର୍ଯ୍ୟନ୍ତ ମଧ୍ୟ ଡକ୍ଟର କଲାମଙ୍କୁ ସମଗ୍ର ଦେଶ ମନେ ରଖିଛି ।

मिसाइल मैन के रूप में विख्यात देश के पूर्व राष्ट्रपति डॉ. एपीजे अब्दुल कलाम जी को उनकी जयंती पर सादर नमन। उन्होंने अपना जीवन भारत को सशक्त, समृद्ध और सामर्थ्यवान बनाने में समर्पित कर दिया। देशवासियों के लिए वे हमेशा प्रेरणास्रोत बने रहेंगे। pic.twitter.com/Pn2tF73Md6

— Narendra Modi (@narendramodi) October 15, 2021

ପରିବାରକୁ ସାହାଯ୍ୟ କରିବା ପାଇଁ ବିକ୍ରି କରୁଥିଲେ ଖବର କାଗଜ

ଡକ୍ଟର କଲାମ ହେଉଛନ୍ତି ଭାରତର ଏକମାତ୍ର ରାଷ୍ଟ୍ରପତି ଯିଏ ଏକ ବୈଜ୍ଞାନିକ ଭାବରେ ବେଶ୍‌ ଜଣାଶୁଣା ଥିଲେ । କିନ୍ତୁ ଏହି ସଫଳତା ପାଇବା ପୂର୍ବରୁ ସେ ବହୁତ ସଂଘର୍ଷ କରିଥିଲେ । ମୁସଲମାନ ପରିବାରରେ ଜନ୍ମଗ୍ରହଣ କରିଥିବାରୁ ତାଙ୍କ ପିତା ଡଙ୍ଗାରେ ହିନ୍ଦୁମାନଙ୍କ ପାଇଁ ତୀର୍ଥଯାତ୍ରା କରୁଥିଲେ। ପିଲାଦିନରେ କଲାମଙ୍କ ପରିବାର ସମୃଦ୍ଧ ନଥିଲା, ସେ ନିଜ ପରିବାରର ସାହାଯ୍ୟ କରିବା ପାଇଁ ଖବରକାଗଜ ବିକ୍ରି କରୁଥିଲେ । ଏବଂ ସେଠାରୁ ହିଁ ସେ ମିଶାଇଲ୍‌ ମ୍ୟାନ୍‌ ହେବାକୁ ଯାତ୍ରା ଆରମ୍ଭ କରିଥିଲେ।

ଘଣ୍ଟା ଘଣ୍ଟା ଧରି ଗଣିତ ଅଧ୍ୟୟନ କରୁଥିଲେ

ପରିବାରର ଆର୍ଥିକ ପ୍ରତିବନ୍ଧକ ପରେ ମଧ୍ୟ କଲାମ ଅଧ୍ୟୟନ ପ୍ରତି ନିଜ ଆଗ୍ରହକୁ ରୋକି ପାରି ନଥିଲେ । ସେ ଗଣିତ ଏବଂ ପଦାର୍ଥ ବିଜ୍ଞାନ ପ୍ରତି ବହୁତ ଆଗ୍ରହୀ ଥିଲେ । ତେଣୁ ସେ ଗଣିତକୁ ବହୁତ ସମୟ ଧରି ଅଧ୍ୟୟନ କରୁଥିଲେ । ରାମନାଥପୁରମରେ ଡକ୍ଟର କଲାମ ତାଙ୍କ ପାଠପଢା ଶେଷ କରି ତ୍ରିଚିରାପାଲିରେ ଥିବା ସେଣ୍ଟ ଷ୍ଟିଫେନ୍ସ କଲେଜରେ ଆଡିମ୍‌ସନ୍‌ କରି ୧୯୫୪ ମସିହାରେ ମସିହାରେ ସେ ପଦାର୍ଥ ବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିଥିଲେ । କଲାମଙ୍କର ସ୍ୱପ୍ନ ଥିଲା ଯେ, ସେ ଯୁଦ୍ଧ ବିମାନର ପାଇଲଟ ହେବେ । ଯେଉଁଥିପାଇଁ ସେ ସାରା ଜୀବନ ଭାରତୀୟ ବାୟୁସେନାରେ ନିଯୁକ୍ତି ହେବା ପାଇଁ ପ୍ରବେଶିକା ପରୀକ୍ଷା ଦେଇଥିଲେ । ପରୀକ୍ଷାରେ ସେ ନବମ ସ୍ଥାନରେ ମଧ୍ୟ ରହିଥିଲେ । ହେଲେ ସେହି ପରୀକ୍ଷାରେ କେବଳ ୮ ଜଣ ପ୍ରାର୍ଥୀଙ୍କୁ ହିଁ ଚୟନ କରାଯାଇଥିଲା । ଅବଦୁଲ୍‌ କଲାମ୍‌ଙ୍କ ସଫଳତା ପରେ ସେ ସବୁବେଳେ ଏହି ଘଟଣାକୁ ନେଇ କହୁଥିଲେ ଯଦି ଆପଣମାନେ କେବେ ବିଫଳ ହୁଅନ୍ତି ତେବେ ନିରାଶ ହୁଅନ୍ତୁ ନାହିଁ, କାରଣ ବିଫଳତାର ଅର୍ଥ ହେଉଛି 'ଶିକ୍ଷଣରେ ପ୍ରଥମ ପ୍ରୟାସ' ।

ବୈଜ୍ଞାନିକ ଭାବରେ ଅବଦୁଲ୍‌ କଲାମଙ୍କ ଯାତ୍ରା 

ବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିବା ପରେ ଡକ୍ଟର କଲାମ ମାଡ୍ରାସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ଏରୋସ୍ପେସ୍ ଇଞ୍ଜିନିୟରିଂରେ ଅଧ୍ୟୟନ କରିଥିଲେ । ଯାହା ପରେ , ଭାରତୀୟ ଅନ୍ତରିକ୍ଷ ଅନୁସନ୍ଧାନ ସଂସ୍ଥାରେ ଏରୋନେଟିକାଲ୍ ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟରେ ବୈଜ୍ଞାନିକ ଭାବରେ ଇଣ୍ଡିଆନ୍ ସ୍ପେସ୍ ରିସର୍ଚ୍ଚ ଇନଷ୍ଟିଚ୍ୟୁଟ୍ର ଯୋଗ ଦେଇଥିଲେ । ଯେଉଁଥିରେ ସେ ଏକ ଛୋଟ ହୋଭର କ୍ରାଫ୍ଟର ଡିଜାଇନ୍ କରି ନିଜ କ୍ୟାରିଅର ଆରମ୍ଭ କରିଥିଲେ ।