ଲାଞ୍ଚ ନେଇ ସସ୍‌ପେଣ୍ଡ ହେଲେ ଫରେଷ୍ଟର ଓ ଫରେଷ୍ଟ ଗାର୍ଡ

ମହଙ୍ଗା ପଡ଼ିଲା ଲାଞ୍ଚ ନେବା । ଲାଞ୍ଚ ଅଭିଯୋଗରେ ବଲାଙ୍ଗିର ଫରେଷ୍ଟର ଓ ଫରେଷ୍ଟ ଗାର୍ଡ ନିଲମ୍ବିତ ହୋଇଛନ୍ତି। ନିଲମ୍ବିତ ହୋଇଥିବା ଫରେଷ୍ଟର ଭଗବତିଆ ଦାଶ ହୋଇଥିବାବେଳେ ଫରେଷ୍ଟ ଗାର୍ଡ ଗୋପଳ ଗଡ଼ତିଆ ହୋଇଥିବା ସୂଚନା ମିଳିଛି । ଫରେଷ୍ଟର ଭଗବତିଆ ଦାଶ ଓ ଫରେଷ୍ଟ ଗାର୍ଡ ଗୋପଳ ଗଡ଼ତିଆଙ୍କ ନାଁରେ ଲାଞ୍ଚ ନେବା ଅଭିଯୋଗ ଆସିଥିଲା । ଏହାପରେ କାର୍ଯ୍ୟାନୁଷ୍ଠାନ ଗ୍ରହଣ କରି ଉଭୟଙ୍କୁ ବଲାଙ୍ଗିର DFO ନିଲମ୍ବିତ କରିଛନ୍ତି ।

କାଠ ବୋଝେଇ ଟ୍ରାରକୁ ମୁକୁଳାଇବା ପାଇଁ ଫରେଷ୍ଟର ୨୦ ହଜାର ଓ ଫରେଷ୍ଟ ଗାର୍ଡ ୫ ହଜାର ଟଙ୍କା ମାଗିଥିବା ଅଭିଯୋଗ ହୋଇଥିଲା । ଏସମ୍ପର୍କରେ ଏକ ଅଡିଓ ବି ସାମ୍ନାକୁ ଆସିଥିଲା । ଏହାପରେ କାର୍ଯ୍ୟାନୁଷ୍ଠାନ ଗହଣ କରାଯାଇଛି । ଲାଞ୍ଚ ନେବାର ଅଡିଓ ବାର୍ତ୍ତାଳପ ଓଟିଭିରେ ପ୍ରସାରଣ ହୋଇଥିଲା ।

ଏହାପରେ ଆକ୍ସନ୍ ମୋଡ୍‌ରେ ଆସିଛି ବନ ବିଭାଗ ।