Sofia Targets Debashis : ୱକଫ୍ ସଂଶୋଧନ ବିଲକୁ ନେଇ କଟକ ରାଜନୀତି ସରଗରମ, ସୋଫିଆ-ଦେବାଶିଷ ମୁହାଁମୁହିଁ

ସଂସଦରେ ୱକଫ୍ ସଂଶୋଧନ ବିଲକୁ ନେଇ ସାଂସଦ ଦେବାଶିଷ ସାମନ୍ତରାୟଙ୍କୁ ଟାର୍ଗେଟ୍‌ କଲେ ବିଧାୟିକା ସୋଫିଆ ଫିର୍ଦୋସ ।

ୱକ୍‌ଫ ବିଲ୍‌ ଭୋଟ୍‌ ବେଳେ ୱାକଆଉଟ୍‌କୁ ଦେବାଶିଷଙ୍କୁ କଡା ସମାଲୋଚନା କଲେ ବାରବାଟୀ କଟକ କଂଗ୍ରେସ ବିଧାୟିକା ସୋଫିଆ । କହିଲେ, ଦେବାଶିଷ ବାବୁ ବିଜେପିକୁ ସମର୍ଥନ କରିଛନ୍ତି । ଗୋଟିଏ ଭୋଟର ବି ମୂଲ୍ୟ ଥାଏ, ବିରୋଧରୁ ଗୋଟିଏ ଭୋଟ କମିଲା ମାନେ ବିଜେପିର ସଂଖ୍ୟା ଗଣିତରେ ଗୋଟିଏ ବଢିଲା । ଏହାଦ୍ୱାରା ବିଜେପିର ୱେଟେଜ୍ ବଢ଼ିଲା । ଏହି ଘଟଣାରେ ବାରବାଟୀ କଟକ ଲୋକେ ତାଙ୍କ ନିଷ୍ପତ୍ତିରେ ଦୁଃଖିତ ଥିବା କହିଛନ୍ତି ସୋଫିଆ । ସୋଫିଆଙ୍କ ମତରେ, ଯଦି ବାରବାଟୀ ଲୋକଙ୍କ ସହ ଭାବାବେଗ ଥାଆନ୍ତା ତେବେ ଦେବାଶିଷ ବାବୁ ରାଜ୍ୟସଭାରେ ବିଲକୁ ବିରୋଧ କରିଥାନ୍ତେ । ନିଜକୁ ବଞ୍ଚାଇବା ପାଇଁ ବିରୋଧ ନ କରି ୱାକଆଉଟ୍‌ କରିଛନ୍ତି ।

ଅଧିକ ପଢ଼ନ୍ତୁ: ଟ୍ୱିଟ୍ ପରଠୁ ଧରାଛୁଆଁ ଦେଉନାହାନ୍ତି ସସ୍ମିତ, ବିଷ ଉଗାଳିଲେ ମୁନା ଖାନ୍

ନିଜକୁ ବଞ୍ଚାଇବା ପାଇଁ ବିଜେପି ସହ ଶହେ ପ୍ରତିଶତ ଡିଲ୍‌ କରିଛନ୍ତି । ସୋଫିଆ ଅଭିଯୋଗ କରିଛନ୍ତି, ୨୪ ବର୍ଷର ସ୍କାମ୍‌ ଧୋଇବାକୁ ସବୁକ୍ଷେତ୍ରରେ ବିଜେପିକୁ ସମର୍ଥନ କରୁଛି ବିଜେଡି । କଟକର ମୁସଲିମ ଲୋକଙ୍କ ସହ ଦେବାଶିଷ ବାବୁ ପ୍ରତାରଣା କରିଛନ୍ତି । ବିଜେଡି ଗତ ୧୦ ମାସ ଭିତରେ ରାଜ୍ୟରେ ବିଭିନ୍ନ ପ୍ରସଙ୍ଗରେ ମଧ୍ୟ ବିଜେପି ସରକାରକୁ ସମର୍ଥନ କରିଆସୁଥିବା ସେ କହିଛନ୍ତି । ମହିଳା ନିର୍ଯାତନା ପ୍ରସଙ୍ଗରେ କଂଗ୍ରେସ ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରୁଥିବା ବେଳେ ବିଜେଡି କିନ୍ତୁ ଏହି ପ୍ରସଙ୍ଗକୁ ସମର୍ଥନ କରିନଥିଲା ।

ସୋଫିଆଙ୍କ ଏହି ଦୋଷାରୋପ ଉପରେ ଦେବାଶିଷ ସାମନ୍ତରାୟ କହିଛନ୍ତି, ସୋଫିଆଙ୍କ କଥାରେ ଟିପ୍ପଣୀ ଦେଇ ମୁଁ ମୋର ସ୍ତର କମାଇବାକୁ ଚାହୁଁନାହିଁ । ସୋଫିଆ ନୂଆ ନୂଆ ରାଜନୀତିକୁ ଆସିଛନ୍ତି । ସେ ଓ ତାଙ୍କ ବାପା କଟକ ପାଇଁ କିଛି କରିନାହାନ୍ତି । ମୁଁ ଭୋଟଦାନରୁ ବିରତ ରହିବା ଅର୍ଥ ମୁଁ ଆମ ଦଳ ବିରୋଧରେ ଯାଇଛି । କାରଣ ବିବେକାନୁମୋଦିତ ଭୋଟ କଥାକୁ ମୁଁ ସମର୍ଥନ କରିନାହିଁ ।

ଅଧିକ ପଢ଼ନ୍ତୁ: 'ପାଣ୍ଡିଆନ୍ ହଟାଅ, ବିଜେଡି ବଞ୍ଚାଅ'