LIVE TV
ମଧ୍ୟପ୍ରଦେଶର ଇନ୍ଦୋର ଏବଂ ଗୁଜରାଟର ସୁରତ ଦେଶର ସବୁୁଠୁ ସଫା ସହର ଭାବେ ପୁରସ୍କାର ପାଇଛନ୍ତି । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ପୁରସ୍କାର ପ୍ରଦାନ କରିଛନ୍ତି । ସ୍ୱଚ୍ଛ ସର୍ବେକ୍ଷଣରେ ଉଭୟ ଇନ୍ଦୋର ଓ ସୁରତ ଯୁଗ୍ମ ଭାବେ ପ୍ରଥମ ବିବେଚିତ ହୋଇଛନ୍ତି । ଲଗାତର ସପ୍ତମ ଥର ପାଇଁ ଇନ୍ଦୋର ପ୍ରଥମ ସ୍ଥାନରେ ଥିବା ବେଳେ ସୁରତ ପ୍ରଥମ ଥର ପ୍ରଥମ ସ୍ଥାନରେ ପହଞ୍ଚିଛି ।
ରାଜ୍ୟ ହିସାବରେ ପ୍ରଥମ ୩ଟି ସ୍ଥାନରେ ଅଛନ୍ତି ମହାରାଷ୍ଟ୍ର, ମଧ୍ୟପ୍ରଦେଶ ଓ ଛତିଶଗଡ଼ । ଆବର୍ଜନା ପରିଚାଳନା, ପ୍ଲାଷ୍ଟିକ ଆବର୍ଜନାର ପରିଚାଳନା, ରିସାଇକଲ, ରିୟୁଜ ନୀତିର ପ୍ରୟୋଗ ଏବଂ ସଫେଇ କର୍ମଚାରୀଙ୍କ ସୁରକ୍ଷା ଆଧାରରେ ରାଙ୍କିଂ କରାଯାଇଥାଏ । ୨୦୧୬ରୁ ଦେଶରେ ସ୍ୱଚ୍ଛ ସର୍ବେକ୍ଷଣ କରୁଛନ୍ତି କେନ୍ଦ୍ର ସରକାର। ଏ ବର୍ଷ ୪ ହଜାର ୪୭୭ଟି ସହରକୁ ସର୍ଭେରେ ସାମିଲ କରାଯାଇଥିଲା ।
Also Read
ଓଡ଼ିଶାର ଗୋଟିଏ ବି ସହର ଟପ୍ ଟେନ୍ ରେ ନାହାନ୍ତି । ଭୁବନେଶ୍ୱର ୩୪ ତମ ସ୍ଥାନରେ, ପୁରୀ ୬୨ତମ ସ୍ଥାନରେ, ୯୯ତମ ସ୍ଥାନରେ ବାଲେଶ୍ୱର, ୧୧୧ତମ ସ୍ଥାନରେ ବ୍ରହ୍ମପୁର, ୧୧୯ ସ୍ଥାନରେ ରାଉରକେଲା, ୧୬୩ତମ ସ୍ଥାନରେ ସମ୍ବଲପୁର, ୧୭୨ତମ ସ୍ଥାନରେ କଟକ, ୧୮୫ତମ ସ୍ଥାନରେ ବାରିପଦାଓ ୨୨୯ ତମ ସ୍ଥାନରେ ଭଦ୍ରକ ରହିଛି ।
