China Citizen Arrested: ୪ ଚୀନ ନାଗରିକ ଗିରଫ, ଫ୍ରାନ୍ସର ବଡ଼ ଅଭିଯୋଗ

ସୁଧୁରୁନି ଚୀନ । ନିଜର ହୀନ କାମ ପାଇଁ ସବୁବେଳେ ବଦନାମ ହେଉଛି ଡ୍ରାଗନ୍ । ଏବେ ରାଫେଲର ଗୁପ୍ତଚରି କରି ପୁଣିଥରେ ପଦାରେ ପଡ଼ିଛି ।ଗ୍ରୀସର ତନଗ୍ରା ସହରରେ ୪ଜଣ ଚୀନ ନାଗରିକ ରାଫେଲ ଫାଇଟର ଜେଟର ଗୁପ୍ତଚରି କରିବାର ଉଦ୍ୟମ କରୁଥିଲେ । ସେମାନଙ୍କୁ ଗିରଫ କରାଯାଇଛି । ସେମାନେ ରାଫେଲ ଓ ହେଲେନିକ ଏରୋସ୍ପେସ ଇଣ୍ଡଷ୍ଟ୍ରୀର ଫଟୋ ଉଠାଉଥିଲେ ।

ଏହି ଘଟଣା ସେତେବେଳେ ସାମନାକୁ ଆସିଛି ଯେତେବେଳେ ଫ୍ରାନ୍ସ କହିଛି ଚୀନ ଓ ପାକିସ୍ତାନ ରାଫେଲକୁ ବଦନାମ କରିବାକୁ ଚେଷ୍ଟା କରୁଛନ୍ତି । ଭାରତ ଅପରେସନ ସିନ୍ଦୁରରେ ରାଫେଲ ଫାଇଟର ଜେଟ ବ୍ୟବହାର କରିଥିଲା । ଏହା ପରଠୁ ଏହି ୨ଦେଶ ଲଗାତାର ଭାବ ରାଫେଲ ଉପରେ ବିଭିନ୍ନ ପ୍ରକାରର ଅଯଥା ଦାବି କରୁଛନ୍ତି । ଯେପରିକି ରାଫେଲର ବିକ୍ରି ପ୍ରଭାବିତ ହେବ ।

ଅଧିକ ପଢ଼ନ୍ତୁ: ଆମେରିକା ପାର୍ଟି କେତେ ପ୍ରଭାବଶାଳୀ.... ୟୁଏସରେ ଦୁଇ ପାର୍ଟି ସିଷ୍ଟମକୁ ଶେଷ କରିଦେବେ କି ମସ୍କ ?  

ତନଗ୍ରା ଏୟାର ବେସର ପାଖରୁ ତିନି ଜଣ ପୁରୁଷ ଓ ଜଣେ ମହିଳାଙ୍କୁ ଗିରଫ କରାଯାଇଛି । ସେମାନେ ରାଫେଲ ଜେଟ ଓ ଅନ୍ୟ ସୈନ୍ୟ ସୁବିଧାର ଫଟୋ ଉଠାଉଥିଲେ । ପ୍ରଥମେ ସୁରକ୍ଷାକର୍ମୀ ତାଙ୍କୁ ବାହାରକୁ ଯିବାକୁ କହିଥିଲେ । ଏହାପରେ ବି ସେମାନେ ଫଟୋ ଉଠାଇଥିଲେ । ଏହାପରେ ହେଲେନିକ ଏୟାର ଫୋର୍ସ ପୋଲିସ ସେମାନଙ୍କୁ ଧରିଥିଲା ଓ ତନଗ୍ରା ପୋଲିସ ଷ୍ଟେସନକୁ ହସ୍ତାନ୍ତର କରିଥିଲା ।

ପୋଲିସ ସେମାନଙ୍କ କ୍ୟାମେରାକୁ ଯାଞ୍ଚ କରିଥିଲେ । ସେଥିରୁ ଏମିତି କିଛି ଫଟୋ ବାହାରିଥିଲା ଯାହାକି ସଂଦେହ ବଢ଼ାଇଥିଲା । ସେମାନେ କୌଣସି ଗୁପ୍ତ ଅଭିଯାନର ଅଂଶ କି ନୁହେଁ ସେନେଇ ଯାଞ୍ଚ ହେଉଛି । ସେମାନେ କୌଣସି ସଂଗଠନରେ କାମ କରୁଛନ୍ତି କି ନାହିଁ ସେନେଇ ବି ଯାଞ୍ଚ ହେଉଛି । ଗ୍ରୀସ ଏହାକୁ ନ୍ୟାସନାଲ ସିକ୍ୟୁରିଟିର ମାମଲା କହିଛି । ଏଥିପାଇଁ ଆଲର୍ଟ ବି ଜାରି କରିଛି ।

ଏହି ମାମଲା ପରେ ପ୍ରଶ୍ନ ଉଠୁଛି କି ଚୀନ କଣ ରାଫେଲ ଟେକ୍ନୋଲୋଜି ଚୋରାଇବା ପାଇଁ ଚାହୁଁଛି । ଭାରତ-ଗ୍ରୀସର ସଂପର୍କ କଣ ଖରାପ କରିବାକୁ ଚାହୁଁଛି କି ଚୀନ ?

ଅଧିକ ପଢ଼ନ୍ତୁ: ଏଲନ ମସ୍କଙ୍କ ପ୍ରକଳ୍ପରୁ ଓହରିଲା ବାୟୁସେନା, ଯେ କୌଣସି ଦେଶକୁ ପଠାଇଥାଆନ୍ତା ୯୦ ମିନିଟରେ ୧୦୦ ଟନର କାର୍ଗୋ