Apache helicopters: ଆହୁରି ପାୱାରଫୁଲ୍ ହେବ ଭାରତ, ସୀମା ଜଗିବ ଆପାଚି ଆଟାକ୍ ହେଲିକପ୍ଟର

ପାକିସ୍ତାନ ସୀମାରେ ମୁତୟନ ହୋଇପାରେ ଆପାଚି ଆଟାକ୍ ହେଲିକପ୍ଟର । ଭାରତୀୟ ସ୍ଥଳସେନା ପାଇଁ ଚଳିତ ମାସ ଆମେରିକାରୁ ଆସିବ ଏହାର ପ୍ରଥମ ବ୍ୟାଚ୍ । ଆର୍ମି ଏଭିଏସନ୍ କୋର୍ ପାଇଁ ପ୍ରଥମ ବ୍ୟାଚରେ ୩ଟି ଆପାଚି ହେଲିକପ୍ଟର ଆସିବ। ଅପରେସନ୍ ସିନ୍ଦୂର ପରେ ପାକିସ୍ତାନ ସୀମାରେ ନିଜ ସାମର୍ଥ୍ୟ ଆହୁରି ବଢ଼ାଇବାକୁ ଚାହୁଁଛି ଭାରତୀୟ ସେନା । ଆଧୁନିକ ଆଟାକ୍ ହେଲିକପ୍ଟର ଆପାଚି AH-64E ପାଇଁ ୨୦୨୦ ମସିହାରେ ୬୦ କୋଟି ଡଲାରର ଡିଲ୍ କରିଥିଲା ଭାରତ । ଏହାର ପ୍ରଥମ ବ୍ୟାଚ୍ ୨୦୨୪ ମେ-ଜୁନ୍ ମାସରେ ଏବଂ ପରେ ୨୦୨୪ ଡିସେମ୍ବରରେ ଏହାର ଡେଲିଭରୀ ପାଇଁ ଧାର୍ଯ୍ୟ ହୋଇଥିଲା ।

ସେପଟେ ୨୦୨୪ ମାର୍ଚ୍ଚରେ ଯୋଧପୁରରେ ପ୍ରଥମ ଆପାଚି ସ୍କ୍ବାଡ୍ରନ୍ ପ୍ରସ୍ତୁତ କରିଥିଲା ଆର୍ମି ଏଭିଏସନ୍ କୋର୍ । ଏହାର ପ୍ରାୟ ୧୫ ମାସ ପରେ ବି ବୈଷୟିକ କାରଣ ଯୋଗୁଁ ଆମେରିକା ପକ୍ଷରୁ ଆପାଚି ଆଟାକ୍ ହେଲିକପ୍ଟରର ପ୍ରଥମ ବ୍ୟାଚ୍ ଡେଲିଭରିରେ ବିଳମ୍ବ ହୋଇଛି । ସୂଚନା ଯୋଗ୍ୟ ଯେ, ୨୦୧୫ରେ ହୋଇଥିବା ଅନ୍ୟ ଏକ ଡିଲ୍ ରେ ୨୨ଟି ଆପାଚି ହେଲିକପ୍ଟର ଭାରତୀୟ ବାୟୁସେନାରେ ସାମିଲ ହୋଇସାରିଛି ।

ଅଧିକ ପଢନ୍ତୁ: ଖଣ୍ଡ ଖଣ୍ଡ ହେ।ଇଯିବ ପାକିସ୍ତାନ ! ଆରଏସଏସ ନେତାଙ୍କ ବଡ଼ ବୟାନ