ପର୍ଥରେ ଭାରତର ଐତିହାସିକ ବିଜୟ । ପ୍ରଥମ ଦଳ ଭାବେ ପର୍ଥରେ ଅଷ୍ଟ୍ରେଲିଆକୁ ହରାଇଲା ଭାରତ । ୨୯୫ ରନ୍ରେ ଅଷ୍ଟ୍ରେଲିଆକୁ ହରାଇଲା ଭାରତ । ଏହି ବିଜୟ ସହ ବର୍ଡର-ଗାଭାସ୍କର ଟ୍ରଫି ୨୦୨୪-୨୫ର ୫ ଟିକିଆ ସିରିଜ୍ରେ ୧-୦ରେ ଆଗୁଆ ରହିଛି ଟିମ୍ ଇଣ୍ଡିଆ । ଏଥି ସହ ପର୍ଥର ଅପ୍ଟସ ଷ୍ଟାଡିୟମରେ ହୋଇଥିବା ଟେଷ୍ଟରେ ଅଷ୍ଟ୍ରେଲିଆ ପ୍ରଥମ ଥର ପାଇଁ ପରାଜୟର ସମ୍ମୁଖୀନ ହୋଇଛି । ଏହା ପୂର୍ବରୁ ଅଷ୍ଟ୍ରେଲିଆ ଏହି ଗ୍ରାଉଣ୍ଡରେ ଚାରିଟି ମ୍ୟାଚ୍ ଖେଳିଥିଲା ଏବଂ ସବୁ ମ୍ୟାଚ୍ରେ ବିଜୟଲାଭ କରିଥିଲା । ଜାନୁୟାରୀ ୧୯, ୨୦୨୧ରେ ଗାବାରେ ଅଷ୍ଟ୍ରେଲିଆ ବିପକ୍ଷରେ ଭାରତ ଏକ ଐତିହାସିକ ବିଜୟ ହାସଲ କରିଥିଲା । ୩୧ ବର୍ଷ ପରେ ଅଷ୍ଟ୍ରେଲିଆକୁ ଗାବାରେ ହରାଇ କଙ୍ଗାରୁ ଦଳର ଗର୍ବ ଭାଙ୍ଗିଥିବାବେଳେ ବର୍ତ୍ତମାନ ଭାରତୀୟ ଦଳ ପର୍ଥର ଅପ୍ଟସ ଷ୍ଟାଡିୟମରେ କଙ୍ଗାରୁ ଅପରାଜୟ ରହିବାର ଗର୍ବକୁ ମଧ୍ୟ ଭାଙ୍ଗି ଦେଇଛି ।
Also Read
ସୂଚନା ଅନୁସାରେ ଭାରତ-ଅଷ୍ଟ୍ରେଲିଆ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ପର୍ଥର ଅପ୍ଟସ୍ ଷ୍ଟାଡିୟମରେ ଖେଳାଯାଇଥିଲା । ଏହି ମ୍ୟାଚ୍ରେ ଭାରତୀୟ ଦଳ ୨୯୫ ରନ୍ରେ ବିଜୟଲାଭ କରିଛି । ଏହି ମ୍ୟାଚରେ ଘରୋଇ ଦଳ ଅଷ୍ଟ୍ରେଲିଆକୁ ସାମ୍ନାରେ ପାଇଁ ୫୩୪ ରନ୍ର ପର୍ବତ ସଦୃଶ ଲକ୍ଷ୍ୟ ରଖିଥିଲା ଭାରତ । ଯାହାକୁ ଚେସ୍ କରିବା ଏକ ପ୍ରକାର ଅସମ୍ଭବ ଥିଲା । ତେବେ ଅଷ୍ଟ୍ରେଲିଆ ଦଳର ଦ୍ୱିତୀୟ ଇନିଂସରେ ମାତ୍ର ୨୩୮ ରନ୍ରେ ଅଲଆଉଟ୍ ହୋଇଥିଲା । ଏହି ବିଜୟ ସହିତ ଭାରତୀୟ ଦଳ ଟେଷ୍ଟ ସିରିଜରେ ୧-୦ରେ ଆଗୁଆ ରହିଛି ।
ଅଧିକ ପଢ଼ନ୍ତୁ: ବଦଳିପାରେ ୧୦୦ରୁ ଅଧିକ ଖେଳାଳିଙ୍କ ଭାଗ୍ୟ, ୧୦ ଟିମ୍ ପାଖରେ ରହିଛି ୧୭୩ କୋଟି
ଭାରତ-ଅଷ୍ଟ୍ରେଲିଆ ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ପର୍ଥର ଅପ୍ଟସ୍ ଷ୍ଟାଡିୟମରେ ଖେଳାଯାଇଥିଲା । ଏହି ମ୍ୟାଚ୍ରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଭାରତ । ପ୍ରଥମ ଇନିଂସରେ ମାତ୍ର ୧୫୦ ରନ୍ରେ ଅଲଆଉଟ ହୋଇଥିଲା ଟିମ୍ ଇଣ୍ଡିଆ । ଭାରତ ପକ୍ଷରୁ ନୀତିଶ ରେଡ୍ଡୀ ୪୨ ଓ ଋଷଭ ପନ୍ତ ୩୭ ରନ୍ କରିଥିଲେ । ଅଷ୍ଟେଲିଆ ପକ୍ଷରୁ ଜୋସ୍ ହେଜେଲଉଡ୍ ୪ଟି ୱିକେଟ୍ ଅକ୍ତିଆର କରିଥିଲେ ।
ଭାରତ ପ୍ରଥମ ଇନିଂସରେ ଖରାପ ବ୍ୟାଟିଂ କରିଥିଲା । କିନ୍ତୁ ବୋଲି ବିଭାଗରେ ଚମକ ଦେଖାଇଥିଲେ ଭାରତୀୟ ବୋଲର । ଭାରତ ପ୍ରଥମ ଇନିଂସରେ ୧୫୦ ରନରେ ଅଲଆଉଟ୍ ହେବା ପରେ ଅଷ୍ଟ୍ରେଲିଆକୁ ମାତ୍ର ୧୦୪ ରନ୍ରେ ଅଲଆଉଟ କରିଦେଇଥିଲା ଭାରତ । ଯାହାଫଳରେ ଭାରତ ୪୭ ରନ୍ର ଲିଡ୍ରେ ରହିଥିଲା । ଟିମ୍ ଇଣ୍ଡିଆ ପକ୍ଷରୁ ଅଧିନାୟକ ଯଶପ୍ରୀତ ବୁମ୍ରା ୫ଟି ୱିକେଟ୍ ନେଇଥିଲେ ।
ଅଧିକ ପଢ଼ନ୍ତୁ: ରେକର୍ଡ ଭାଙ୍ଗିଲେ ରିଷଭ; IPL ଇତିହାସରେ ପାଲଟିଲେ ସବୁଠୁ ଦାମୀ ଖେଳାଳି
ପ୍ରଥମ ଇନିଂସରେ ଭାରତର ବ୍ୟାଟିଂ ବିଫଳତା ପରେ ଦ୍ୱିତୀୟ ଇନିଂସରେ ଏହାକୁ ସୁଧାରିଥିଲା ଭାରତ । କେଏଲ ରାହୁଲ ଓ ଯଶସ୍ୱୀ ଜୟସ୍ୱାଲ ଦମଦାର ବ୍ୟାଟିଂ କରିଥିଲେ । ଉଭୟ ପ୍ରଥମ ୱିକେଟ୍ ପାଇଁ ୨୦୧ ରନ୍ର ପାର୍ଟନରସିପ୍ କରିଥିଲେ । ତେବେ ଦ୍ୱିତୀୟ ଇନିଂସରେ ପ୍ରଥମେ ଜୟସ୍ୱାଲ ୧୬୧ ରନ୍ ପରେ ବିରାଟ କୋହଲିଙ୍କ ଶତକ ବଳରେ ଭାରତ ୪୮୭ ରନ୍ର ବିଶାଳ ସ୍କୋର କରିଥିଲା ।
ତେବେ ୫୩୪ ରନ୍ର ବିରାଟ ବିଜୟ ଲକ୍ଷ୍ୟ ନେଇ ପଡ଼ିଆକୁ ଓହ୍ଲାଇଥିବା ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍ କିନ୍ତୁ ଭାରତୀୟ ବୋଲରଙ୍କ ସାମ୍ନାରେ ଅଧିକ ସମୟ ତିଷ୍ଠି ପାରିନଥିଲେ । ଭାରତୀୟ ବୋଲରଙ୍କ ଆକ୍ରମଣାତ୍ମକ ବୋଲିଂ ଆଗରେ ଅଷ୍ଟ୍ରେଲିଆ ମାତ୍ର ୨୩୮ ରନ୍ କରି ଅଲଆଉଟ୍ ହୋଇଥିଲା । ଯାହାଫଳରେ ଏହି ମ୍ୟାଚ୍କୁ ଭାରତ ୨୯୫ ରନ୍ରେ ନିଜ ନାମରେ କରିଛି । ଭାରତ ପକ୍ଷରୁ ଯଶପ୍ରୀତ ବୁମ୍ରା ଓ ମହମ୍ମଦ ସିରାଜ ୩ଟି ଲେଖାଏଁ ୱିକେଟ୍ ନେଇଥିଲେ । ସେପଟେ ଏହି ଏହି ୫ ଟିକିଆ ସିରିଜ୍ର ଦ୍ୱିତୀୟ ମ୍ୟାଚ୍ ଡିସେମ୍ବର ୬ରୁ ଆଡିଲେଡ୍ରେ ଖେଳାଯିବ ।