Viral Video: ପ୍ରଦର୍ଶନୀ ବୁଲିବାକୁ ଆସିଲେ, ଆମ୍ବ ନେଇକି ଚାଲିଗଲେ

ଲକ୍ଷ୍ନୋରେ ଆମ୍ବ ପ୍ରଦର୍ଶନୀର ଆୟୋଜନ କରାଯାଇଥିଲା । ଜୁଲାଇ ୭ରେ ଏହାର ଅନ୍ତିମ ଦିନ ଥିଲା । କିନ୍ତୁ ପ୍ରଦର୍ଶନୀରେ ଯାହା ଘଟିଗଲା ତାହା ଭଦ୍ରଲୋକଙ୍କ ମୁଖା ଖୋଲିଦେଲା । ଖୋଲାଖୋଲି ଭାବେ ଲୋକମାନେ ପ୍ରଦର୍ଶନୀରୁ ଆମ୍ବ ଚୋରି କରିନେଇଥିଲେ । କହିବାକୁ ଗଲେ ଆମ୍ବର ଲୁଟ୍ ହୋଇଥିଲା ।

ଶେଷ ଦିନରେ ଲୋକଙ୍କ ପ୍ରବଳ ଭିଡ଼ ହୋଇଥିଲା । ଲୋକମାନେ ପ୍ରଦର୍ଶନୀରେ ରଖାଯାଇଥିବା ଆମ୍ବକୁ କାହାକୁ ନପଚାରି ନେବାକୁ ଲାଗିଲେ । ସ୍ଥିତି ଏଭଳି ହେଲା ଭିଡ଼କୁ ସମ୍ଭାଳିହେଲାନି । ପ୍ରଦର୍ଶନୀରେ ଯେଉଁଠୁ ଲୋକମାନେ ଆମ୍ବ ନେଇଥିଲେ ତାହା କେବଳ ପ୍ରଦର୍ଶନ ପାଇଁ ଥିଲା । ବାହାରେ ଆମ୍ବ ବିକିବା ପାଇଁ ଅଲଗା ଷ୍ଟଲ ଥିଲା ।

Last day of Mango festival in Lucknow.

This is our civic sense. No wonder, other countries don't want Indians on their land. pic.twitter.com/iFFjM7RGvp

— Tarun Gautam (@TARUNspeakss) July 7, 2025

ପ୍ରଦର୍ଶନୀରେ ବିଭିନ୍ନ ରକମର ଆମ୍ବ ରଖାଯାଇଥିଲା ଲୋକଙ୍କ ଦେଖିବା ପାଇଁ । କିନ୍ତୁ ଶେଷ ସମୟରେ ପ୍ରଶାସନର ଢ଼ିଲା ନୀତି ଓ ଭିଡ ନିୟନ୍ତ୍ରଣ ହେଇନପାରିବାରୁ ଏଭଳି ଅବସ୍ଥା ଉପୁଜିଥିଲା ।

ପ୍ରତ୍ୟେକ୍ଷଦର୍ଶୀଙ୍କ କହିବା କଥା ଲୁଟ ସମୟରେ କୌଣସି ସୁରକ୍ଷାକର୍ମୀ ନଥିଲେ । ସେଥିପାଇଁ ଲୋକମାନେ ବିନା ଡ଼ରରେ ଆମ୍ବ ନେଇଯାଇଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଲୋକମାନେ ବ୍ୟାଗରେ ଆମ୍ବ ନେଇକି ଯାଉଥିବାର ଦେଖିବାକୁ ମିଳିଛି ।

ଅଧିକ ପଢ଼ନ୍ତୁ: ସବୁଦିନ ଭଳି ଜିମ୍ ଆସିଥିଲେ, କିଛି ସମୟ ଏକ୍ସରସାଇଜ କରିଥିଲେ...ହଠାତ ଏଭଳି ଘଟିଗଲା