ଜମ୍ମୁ ଓ କାଶ୍ମୀରରେ ସାଧାରଣ ନାଗରିକଙ୍କୁ ହତ୍ୟା ଘଟଣାକୁ ନେଇ ଅମିତ ଶାହାଙ୍କ ବୈଠକ

ଜମ୍ମୁ ଓ କାଶ୍ମୀରରେ ଟାର୍ଗେଟ କିଲିଂ ବା ନିର୍ଦ୍ଦିଷ୍ଟ ସଂପ୍ରଦାୟର ଲୋକଙ୍କୁ ହତ୍ୟାକୁ ନେଇ ଉଚ୍ଚସ୍ତରୀୟ ବୈଠକ । ଏନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଜମ୍ମୁ ଓ କାଶ୍ମୀର ଉପରାଜ୍ୟପାଳ ମନୋଜ ସିହ୍ନା, ଜମ୍ମୁ ଓ କାଶ୍ମୀର ପ୍ରଶାସନର ଉଚ୍ଚ ଅଧିକାରୀ, ଜାତୀୟ ସୁରକ୍ଷା ପରାମର୍ଶଦାତା, ରାଜ୍ୟ ପୋଲିସ ମହାନିର୍ଦ୍ଦେଶକ ଏବଂ ସେନାଧିକାରୀଙ୍କ ସହ ସମୀକ୍ଷା କରିଛନ୍ତି ।

ଦିନକୁ ଦିନ ଆତଙ୍କବାଦୀଙ୍କ ବର୍ବରାତା କାଣ୍ଡ ବଢ଼ିବାରେ ଲାଗିଛି । ଦେଖନ୍ତୁ ଗତ କିଛି ଦିନ ମଧ୍ୟରେ ଆତଙ୍କବାଦୀମାନେ କିପରି ଭାବରେ ଲୋକଙ୍କୁ ନିର୍ମମ ଭାବେ ହତ୍ୟା କରିଛନ୍ତି । 

• ଆଜି ବୁଧଗାମ ଜିଲ୍ଲା ଚାଡୋରାରେ ଜଣେ ଜଣେ ଶ୍ରମିକଙ୍କୁ ଆତଙ୍କବାଦୀମାନେ ଗୁଳି କରି ହତ୍ୟା କରିଛନ୍ତି ।
• ଗତକାଲି କୁଲଗାମରେ ଜଣେ ବ୍ୟାଙ୍କ ମ୍ୟାନେଜରଙ୍କୁ ଆତଙ୍କବାଦୀମାନେ ଗୁଳି କରି ହତ୍ୟା କରିଥିଲେ ।
• ଗତ ମେ ମାସ ୩୧ ତାରିଖ ଦିନ ଦ୍ୱିପ୍ରହରରେ ଆତଙ୍କବାଦୀ ସ୍କୁଲ ଭିତରକୁ ପଶି ମହିଳା ଶିକ୍ଷୟିତ୍ରୀଙ୍କୁ ନିର୍ମମ ଭାବେ ଗୁଳି କରି ହତ୍ୟା କରିଥିଲେ ।
• ପୂର୍ବରୁ ମଧ୍ୟ ମେ ମାସ ୨୬ ତାରିଖ ଦିନ ଜମ୍ମୁ କଶ୍ମୀରର ଜଣେ ୩୫ ବର୍ଷୀୟ ଜଣାଶୁଣା ଟିକଟକ ଷ୍ଟାରଙ୍କୁ ଆତଙ୍କୀ ଗୁଳି କରି ହତ୍ୟା କରିଥିଲେ ।
• ମେ ମାସ ୨୪ ତାରିଖରେ ମଧ୍ୟ ଶ୍ରୀନଗର ସୌର ଅଞ୍ଚଳରେ ଆତଙ୍କୀଙ୍କ ଆଖିବୁଜା ଗୁଳିରେ ଜଣେ ପୋଲିସ ଯବାନ ସହିଦ ହୋଇଥିଲେ ।
•  ଏହା ପୂର୍ବରୁ କାଶ୍ମୀରର ଜଣେ ପଣ୍ଡିତଙ୍କୁ ତହସିଲ୍‌ଦାର ଅଫିସ୍‌ ଭିତରେ ପଶି ଆତଙ୍କବାଦୀମାନେ ଗୁଳିକରି ହତ୍ୟା କରିଥିଲେ ।