LIVE TV
ଆଜିକାଲି ବଜାରରେ କ୍ଷୀରର ଶୁଦ୍ଧତାକୁ ନେଇ ଲୋକଙ୍କ ମଧ୍ୟରେ ବହୁତ ଚିନ୍ତା ଦେଖାଦେଇଛି। କାରଣ କ୍ଷୀର ଆମ ଦୈନନ୍ଦିନ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ। ପିଲାଙ୍କଠାରୁ ବୟସ୍କ ପର୍ଯ୍ୟନ୍ତ ସମସ୍ତେ କ୍ଷୀର ପିଅନ୍ତି, ତେଣୁ ଶୁଦ୍ଧ କ୍ଷୀର ଚିହ୍ନଟ କରିବା ଏକ ଚ୍ୟାଲେଜିଂ ବିଷୟ।
ବଜାରରେ ମିଳୁଥିବା ଅପମିଶ୍ରିତ କ୍ଷୀର ଲୋକଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ ଏବଂ ଅନେକ ଗମ୍ଭୀର ରୋଗର କାରଣ ମଧ୍ୟ ହୋଇଥାଏ। ଏପରି ପରିସ୍ଥିତିରେ, ସବୁଠାରୁ ବଡ଼ ପ୍ରଶ୍ନ ଉଠେ - କ୍ଷୀର ଅସଲି ନା ନକଲି ତାହା କିପରି ଚିହ୍ନିବା? ଘରେ କ୍ଷୀରର ଶୁଦ୍ଧତା ଯାଞ୍ଚ କରିବାର କିଛି ସହଜ ଏବଂ ପ୍ରଭାବଶାଳୀ ଉପାୟ ମଧ୍ୟ ଅଛି। ଆସନ୍ତୁ ଜାଣିବା।
Also Read
ଅଧିକ ପଢ଼ନ୍ତୁ: ଗରମ ଦିନରେ ବିନା ACରେ ବି ଘର ରହିବ ଥଣ୍ଡା; ଏହି ଛୋଟ ଛୋଟ ଉପାୟ ମାନନ୍ତୁ
କ୍ଷୀରକୁ ଗରମ କରି:
ଯେତେବେଳେ ଶୁଦ୍ଧ କ୍ଷୀରକୁ ଫୁଟାଯାଏ, ଏହାର ଉପରେ ଏକ ସର ତିଆରି ହୁଏ। ଯଦି କ୍ଷୀର ଅପମିଶ୍ରିତ ହୋଇଥାଏ, ତେବେ ସର ବହୁତ କମ୍ ପରିମାଣରେ ତିଆରି ହେବ ନଚେତ୍ ଏହା ଆଦୌ ହେବ ନାହିଁ। ଏହା ସବୁଠାରୁ ସହଜ ଘରୋଇ ପରୀକ୍ଷା।
ପାଣି ମିଶିଛି କି ନାଇଁ:
ଗୋଟିଏ କାଚ ଗ୍ଲାସ୍ ନିଅନ୍ତୁ ଏବଂ ସେଥିରେ କିଛି କ୍ଷୀର ଢାଳନ୍ତୁ। ଏବେ ଏହା ଉପରେ ଏକ ବୁନ୍ଦା କ୍ଷୀର ଢାଳନ୍ତୁ। ଯଦି କ୍ଷୀର ସିଧା ତଳେ ବସିଯାଏ ଏବଂ ଏକ ଧଳା ରେଖା ସୃଷ୍ଟି ହୁଏ, ତେବେ କ୍ଷୀର ଶୁଦ୍ଧ। ଯଦି କ୍ଷୀର ପାଣି ପରି ବ୍ୟାପିଯାଏ, ତେବେ ଏଥିରେ ପାଣି ମିଶା ଯାଇଛି। ଏହା ଅପମିଶ୍ରିତ କ୍ଷୀର ଚିହ୍ନଟ କରିବାର ଏକ ପ୍ରଭାବଶାଳୀ ଉପାୟ।
ଡିଟରଜେଣ୍ଟ ମିଶା:
ଅନେକ ସମୟରେ ଆପଣ ଲକ୍ଷ୍ୟ କରିଥିବେ ଯେ କ୍ଷୀରରେ ଅଧିକ ଫେଣ ହେଉଛି। ଏହା ଡିଟର୍ଜେଣ୍ଟର ଅପମିଶ୍ରଣ ହୋଇପାରେ। ଏପରି ପରିସ୍ଥିତିରେ, ୫ ମିଲି କ୍ଷୀରକୁ ୫ମିଲି ପାଣିରେ ମିଶାଇ ଜୋରରେ ହଲାନ୍ତୁ। ଯଦି ଏହା ଅତ୍ୟଧିକ ଫେଣ ସୃଷ୍ଟିକରେ ଏବଂ ସାବୁନ ଭଳି ଲାଗେ, ତେବେ ଏଥିରେ ଡିଟରଜେଣ୍ଟ ଥାଇପାରେ। ଏହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଘାତକ ହୋଇପାରେ।
ଷ୍ଟାର୍ଚ ମିଶା:
ଅନେକ ସମୟରେ କ୍ଷୀରରେ ଷ୍ଟାର୍ଚ ଅର୍ଥାତ୍ ମଇଦା କିମ୍ବା ଅଟା ମିଶାଯାଇଥାଏ ଯାହା ଦ୍ୱାରା କ୍ଷୀର ଘନ ଦେଖାଯାଏ ଏବଂ ଦୋକାନୀ ଅଧିକ ମୂଲ୍ୟରେ ବିକ୍ରି କରିପାରେ। ଗୋଟିଏ ଚାମଚ କ୍ଷୀରରେ କିଛି ବୁନ୍ଦା ଆୟୋଡିନ୍ ମିଶାନ୍ତୁ। ଯଦି ରଙ୍ଗ ନୀଳ ହୋଇଯାଏ, ତେବେ ଏଥିରେ ଷ୍ଟାର୍ଚ ମିଶାଯାଇଛି।
ୟୁରିଆ ମିଶ୍ରଣ ଚିହ୍ନଟ:
ୟୁରିଆର ଅପମିଶ୍ରଣ ସ୍ୱାସ୍ଥ୍ୟ ପାଇଁ ବହୁତ ବିପଦପୂର୍ଣ୍ଣ। ୫ ମିଲି କ୍ଷୀର ନିଅନ୍ତୁ ଏବଂ ଏଥିରେ କିଛି ସୋୟାବିନ୍ ପାଉଡର ମିଶାନ୍ତୁ। ତା’ପରେ କିଛି ବୁନ୍ଦା ହାଇଡ୍ରୋକ୍ଲୋରିକ୍ ଏସିଡ୍ ମିଶାନ୍ତୁ। ଯଦି କିଛି ମିନିଟ୍ ମଧ୍ୟରେ ଲାଲ ରଙ୍ଗ ଦେଖାଯାଏ, ତେବେ ଏହା ୟୁରିଆର ଅପମିଶ୍ରଣ।
ସିନ୍ଥେଟିକ୍ କ୍ଷୀର ଚିହ୍ନଟ:
କୃତ୍ରିମ କ୍ଷୀରରେ କୃତ୍ରିମ ରାସାୟନିକ ପଦାର୍ଥ, ଡିଟରଜେଣ୍ଟ, ୟୁରିଆ ଇତ୍ୟାଦି ଥାଏ। ଏହାର ସାମାନ୍ୟ ରାସାୟନିକ ଗନ୍ଧ ଥାଏ ଏବଂ ସ୍ୱାଦ ସାଧାରଣ କ୍ଷୀରଠାରୁ ଭିନ୍ନ। ଯେତେବେଳେ ସିନ୍ଥେଟିକ୍ କ୍ଷୀର ଫୁଟାଯାଏ, ଫେଣ ହୁଏ ଏବଂ ଏଥିରେ ସର ତିଆରି ହୁଏ ନାହିଁ।
