Water Crisis: ସିନ୍ଧୁ ଚୁକ୍ତି ସ୍ଥଗିତ ପରେ ପାକିସ୍ତାନରେ ଦେଖା ଦେଲାଣି ମରୁଡ଼ି, ପାଣି ଅଭାବରୁ ଶୁଖି ଗଲାଣି ଚାଷ ଜମି

ପାଣି ପାଇଁ ପାକିସ୍ତାନରେ ହାହାକାର । ସିନ୍ଧୁ ଚୁକ୍ତି ସ୍ଥଗିତ ଓ ଚେନାବ ନଦୀର ପାଣିକୁ ଭାରତ ନିୟନ୍ତ୍ରଣ କରିବା ପରେ ଏବେ ପାକିସ୍ତାନରେ ଦେଖା ଦେଲାଣି ମରୁଡ଼ି ସ୍ଥିତି । ପାକିସ୍ତାନର ଝେଲମ ନଦୀରେ ଥିବା ମଙ୍ଗଳା ଡ୍ୟାମ ଓ ତରବେଲା ଡ୍ୟାମରେ ଏବେ କମିଯାଇଛି ଜଳସ୍ତର । ଫଳରେ ପାକିସ୍ତାନର ଖରିଫ ଚାଷ ପ୍ରଭାବିତ ହୋଇଛି ।

ପାଣି ଅଭାବରୁ ଚାଷ ଜମି ଶୁଖି ଗଲାଣି । ଆସନ୍ତା ମାସ ବେଳକୁ ପାକିସ୍ତାନର ଦୁଇଟି ବଡ଼ ଡ୍ୟାମ ଆହୁରି ଶୁଖିଯିବ ବୋଲି ଆକଳନ କରାଯାଉଛି । ପାଣି ଅଭାବ ଯୋଗୁ ପାକିସ୍ତାନର ପଞ୍ଜାବ ଓ ସିନ୍ଧ ପ୍ରଦେଶ ବିଶେଷ ପ୍ରଭାବିତ ହୋଇଛି । କେବଳ ଚାଷ ନୁହେଁ ବିଜୁଳି ଉତ୍ପାଦନ ମଧ୍ୟ ବାଧାପ୍ରାପ୍ତ ହୋଇଛି । ତେବେ ପାକିସ୍ତାନ ଏବେ ମୌସୁମୀକୁ ଚାହିଁ ବସିଛି । ବର୍ଷା ଆସିଲେ କିଛି ପରିମାଣରେ ଜଳାଭାବ ଦୂର ହେବ ବୋଲି ଆତଙ୍କୀସ୍ତାନ ଅନେଇ ବସିଛି ।

ପହଲଗାମ ଆକ୍ରମଣ ପରେ ସିନ୍ଧୁ ଜଳ ଚୁକ୍ତି ସ୍ଥଗିତ କରିବା ସହ ପାକିସ୍ତାନକୁ ପାଣି ଦେବା ବନ୍ଦ କରିଦେଇଛି ଭାରତ । ଫଳରେ ପାଣି ଅଭାବରୁ ଏବେ ପାକିସ୍ତାନରେ ଛଟପଟ ସ୍ଥିତି ସୃଷ୍ଟି ହୋଇଛି । ମଙ୍ଗଳା ଓ ତରବେଲା ଡ୍ୟାମରେ ମାତ୍ର ୫୦ ପ୍ରତିଶତ ପାଣି ରହିଛି । ତେବେ ଭାରତ ଚୁକ୍ତି ସ୍ଥଗିତ କରିଥିବାରୁ ବନ୍ୟା ସ୍ଥିତି ନେଇ ମଧ୍ୟ ପାକିସ୍ତାନକୁ ସୂଚନା ଦେବ ନାହିଁ । ତେଣୁ ମୌସୁମୀ ବର୍ଷା ବେଳେ ଭାରତ ଯଦି ଚେନାବ ଡ୍ୟାମ ଖୋଲିଦିଏ ତେବେ ପାକିସ୍ତାନରେ ବନ୍ୟାର ତାଣ୍ଡବ ଦେଖିବାକୁ ମିଳିବ ।

ଅଧିକ ପଢ଼ନ୍ତୁ: ଆଲଜେରିଆରେ ପହଲଗାମ୍ ଆତଙ୍କୀ ହମଲା ମୃତକଙ୍କୁ ଶ୍ରଦ୍ଧାଞ୍ଜଳି ଦେଲେ ସର୍ବଦଳୀୟ ପ୍ରତିନିଧି ମଣ୍ଡଳୀ