Flight Turbulence: ମଝି ଆକାଶରେ ଘଟିଲା ବଡ଼ ଘଟଣା; କ୍ୟାମେରାରେ କଏଦ୍‌ ହେଲା ଭୟଙ୍କର ଦୃଶ୍ୟ...

ମଝି ଆକାଶରେ ଘଟିଲା ବଡ଼ ଘଟଣା । କ୍ୟାମେରାରେ କଏଦ୍‌ ହେଲେ ଭୟଙ୍କର ଦୃଶ୍ୟ । ଛାନିଆ ହେଲେ ଯାତ୍ରୀ...ଅଳ୍ପକେ ବର୍ତ୍ତିଗଲେ ଶହ ଶହ ଯାତ୍ରୀ । ରାୟପୁରରୁ ଦିଲ୍ଲୀ ଅଭିମୁଖେ ଯାଉଥିବା ଇଣ୍ଡିଗୋ ବିମାନ ଆଜି ଦିଲ୍ଲୀରେ ଅବତରଣ ପୂର୍ବରୁ ଭୟଙ୍କର ଧୂଳିଝଡ଼ର ସମ୍ମୁଖୀନ ହେବାରୁ ବିମାନରେ ଅସ୍ଥିରତା ସୃଷ୍ଟି ହୋଇଥିଲା। ଖରାପ ପାଗ ଓ ଘଣ୍ଟା ପ୍ରତି ୮୦ କିଲୋମିଟର ବେଗରେ ପବନ ବହିବା କାରଣରୁ ବିମାନକୁ ଅବତରଣ ପୂର୍ବରୁ ପୁଣି ଚକ୍କର କାଟିବାକୁ ପଡ଼ିଥିଲା। ଯାହାଫଳରେ ଛାନିଆ ହୋଇଯାଇଥିଲେ ଯାତ୍ରୀ ।

#WATCH | An IndiGo flight number 6E 6313 from Raipur to Delhi experienced turbulence due to a duststorm, prompting the pilot to climb up again when the aircraft was about to touch down at Delhi airport. The aircraft landed safely at Delhi airport after making many circuits in the… pic.twitter.com/TtDUwIH79b

— ANI (@ANI) June 1, 2025

ତେବେ ବିମାନଟି ନିର୍ଦ୍ଧାରିତ ସମୟରେ ରାୟପୁରରୁ ଦିଲ୍ଲୀ ଅଭିମୁଖେ  ଇଣ୍ଡିଗୋର ଏହି ବିମାନ ଉଡ଼ାଣ ଭରିଥିବା ବେଳେ ଦିଲ୍ଲୀ ବିମାନବନ୍ଦରରେ ଅବତରଣ କରିବାକୁ ଯାଉଥିବା ସମୟରେ ହିଁ ପାଗ ହଠାତ୍ ବଦଳି ଯାଇଥିଲା। ଦିଲ୍ଲୀରେ ଧୂଳିଝଡ଼ ଆରମ୍ଭ ହୋଇଥିବାରୁ ରନ୍‌ୱେରେ ଦୃଶ୍ୟମାନତା ବହୁ ମାତ୍ରାରେ ହ୍ରାସ ପାଇଥିଲା। ବିମାନଟି ରନ୍‌ୱେରୁ ମାତ୍ର କିଛି ମିଟର ଉଚ୍ଚରେ ରହି ଅବତରଣ କରିବାକୁ ଯାଉଥିବା ବେଳେ ପାଇଲଟ୍ ଯାତ୍ରୀମାନଙ୍କୁ ଜଣାଇଥିଲେ ଯେ ପାଗ ଅନୁକୂଳ ନାହିଁ ଏବଂ ପବନର ବେଗ ଘଣ୍ଟାପ୍ରତି ୮୦ କିଲୋମିଟର ଛୁଇଁଛି। ତେଣୁ ଅବତରଣ ବାତିଲ କରି ପୁଣି ଉଡ଼ାଣ ଆରମ୍ଭ ହେବ। ଏହାପରେ ପାଇଲଟ ବିମାନକୁ ସୁରକ୍ଷିତ ଉଚ୍ଚତାରେ  ଉଡ଼ାଇଲେ ଏବଂ ବିମାନବନ୍ଦର ଚାରିପଟେ ଅନେକ ଥର ବୁଲାଇଥିଲେ । ଯାହାଫଳରେ ଯାତ୍ରୀମାନଙ୍କ ଭିତରେ ଭୟର ବାତାବରଣ ସୃଷ୍ଟି ହୋଇଥିଲା । ମଝି ଆକାଶରେ କଏଦ ହୋଇଥିବା ଭିଡ଼ିଓ ଏବେ ସୋସିଆଲ୍‌ ମିଡ଼ିଆରେ ଭାଇରାଲ ହେବାରେ ଲାଗିଛି। 

ଅଧିକ ପଢନ୍ତୁ: ପ୍ରକୃତିର କରାଳ ରୂପ; ପ୍ରବଳ ବର୍ଷାରେ ଗଲାଣି ୩୦ ଜୀବନ, ଫସିଛନ୍ତି ଅନେକ

ଏହି ସମୟରେ ଯାତ୍ରୀମାନେ ଭୟଭୀତ ହୋଇପଡ଼ିବାରୁ ପାଇଲଟ୍ ପରିସ୍ଥିତି ନିୟନ୍ତ୍ରଣରେ ଥିବା ଘୋଷଣା କରି ସମସ୍ତଙ୍କୁ ଆଶ୍ୱାସନା ଦେଇଥିଲେ। ପରିସ୍ଥିତି ନିୟନ୍ତ୍ରଣକୁ ଆସିବା ପରେ ପାଇଲଟ ବିମାନର ସୁରକ୍ଷିତ ଭାବରେ ଅବତରଣ କରାଇଥିଲେ। ବିମାନ ଅବତରଣ କରିବା ପରେ ଯାତ୍ରୀମାନେ ଆଶ୍ୱସ୍ତିର ନିଶ୍ୱାସ ନେଇଥିଲେ ଏବଂ ଅନେକ ଯାତ୍ରୀ ପାଇଲଟ ଏବଂ ବିମାନ କର୍ମଚାରୀଙ୍କୁ ଧନ୍ୟବାଦ ଜଣାଇଥିଲେ।

ସୂଚନାଯୋଗ୍ୟ, ଏହା ପୂର୍ବରୁ ମଧ୍ୟ ଦିଲ୍ଲୀରୁ ଶ୍ରୀନଗର ଯାଉଥିବା ଏକ ଇଣ୍ଡିଗୋ ବିମାନ ଖରାପ ପାଗ ଯୋଗୁଁ ବୁଧବାର ବଡ଼ଧରଣର ଅସ୍ଥିରତାର ସମ୍ମୁଖୀନ ହୋଇଥିଲା। ଏହି ବିମାନର ସମ୍ମୁଖ ଭାଗ କ୍ଷତିଗ୍ରସ୍ତ ହୋଇଥିଲା।