LIVE TV
ବାଂଲାଦେଶ ରାଜଧାନୀ ଢାକାରେ ପୁଣି ଅଶାନ୍ତି । ରାତିରେ ହାସିନା ବିରୋଧୀଙ୍କ ତୁମୁଳକାଣ୍ଡ। ବଙ୍ଗବନ୍ଧୁ ମୁଜିବୁର ରେହମାନଙ୍କ ଧାନମଣ୍ଡି-୩୨ ସ୍ଥିତ ଘରେ ନିଆଁ ଲଗାଇଦେଲେ ଆନ୍ଦୋଳନକାରୀ। ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହାସିନାଙ୍କ ବାପା ତଥା ବାଂଲାଦେଶର ପ୍ରଥମ ରାଷ୍ଟ୍ରପତି ଶେଖ୍ ମୁଜିବୁର ରହମାନଙ୍କ ଘର ତଥା ମେମୋରିଆଲ୍ ମ୍ୟୁଜିୟମରେ ନିଆଁ ଲଗାଯିବା ସହ ଭଙ୍ଗାରୁଜା ହୋଇଛି।
ଗତରାତିରେ ହଜାର ହଜାର ସଂଖ୍ୟାରେ ଆନ୍ଦୋଳନକାରୀ ଏକାଠି ହୋଇ ଫାଟକ ପଟେ ଧସେଇ ପଶିବା ସହ ବ୍ୟାପକ ଭଙ୍ଗାରୁଜା କରିଛନ୍ତି । ସୂଚନା ଅନୁସାରେ, ହାସିନାଙ୍କ ଏକ ଅନଲାଇନ୍ ଅଭିଭାଷଣକୁ ବିରୋଧ କରି ଏହି ହିଂସାକାଣ୍ଡ ହୋଇଛି। ହାସିନାଙ୍କ ଦଳ ଆୱାମୀ ଲିଗ୍ ବ୍ୟାନ୍ କରିବା ଦାବିରେ ବୁଲଡୋଜର୍ ଶୋଭାଯାତ୍ରା ପାଇଁ ସୋସିଆଲ ମିଡିଆରେ ଆହ୍ବାନ ଦେଇଥିଲେ ଆନ୍ଦୋଳନକାରୀ । ଏହାପରେ ବୁଲଡୋଜର ଚଢ଼ାଇ ମୁଜିବୁରଙ୍କ ବାସଭବନ ଭାଙ୍ଗିବାକୁ ଚେଷ୍ଟା କରିଥିଲେ ।
Also Read
ଅଧିକ ପଢନ୍ତୁ: ଲୁଚିଛପି ଯାଇଥିଲେ ବିଦେଶ; ଚାଟାର୍ଡ ଫ୍ଲାଇଟ୍ରେ ବିଦା କଲା ଆମେରିକା
ସୂଚନା ଯୋଗ୍ୟ ଯେ, ୭୭ ବର୍ଷୀୟା ଶେଖ୍ ହାସିନା ଗତବର୍ଷ ଅଗଷ୍ଟ ୫ରେ ଢାକା ଛାଡ଼ିବା ପରେ ଭାରତରେ ରହିଆସୁଛନ୍ତି । ବାଂଲାଦେଶରେ ତାଙ୍କ ବିରୋଧରେ ଆରେଷ୍ଟ ୱାରେଣ୍ଟ ଜାରି ହୋଇଛି ।
ତେବେ ଏବେ ବଡ଼ ପ୍ରଶ୍ନ ଦ୍ରୋହର ନିଆଁରେ ଜଳୁଥିବା ବାଂଲାଦେଶରେ କେବେ ଫେରିବ ଶାନ୍ତି ? ଅସ୍ଥିର, ଅଶାନ୍ତ, ହିଂସାରେ ଲାଗିବ କି ଲଗାମ ? ଆୟତ୍ତରେ ଆସିବ କି ଅଣାୟତ ସ୍ଥିତି ? ସୁଧୁରିବ କି ଦେଶରେ ସୀମା ଲଙ୍ଘିଥିବା ଅରାଜକତା ?
ଅଧିକ ପଢନ୍ତୁ: ଆମେରିକା ରାଷ୍ଟ୍ରପତିଙ୍କ କଡ଼ା ନିଷ୍ପତ୍ତି, ୩ଟି ଦେଶ ଉପରେ ଆମଦାନୀ ଟାରିଫ୍ ଲଗାଇଲେ ଟ୍ରମ୍ପ
#ପୁଣି_ଅଶାନ୍ତ_ବାଂଲାଦେଶ
— ଓଟିଭି (@otvkhabar) February 6, 2025
-ପୁଣି ବାଂଲାଦେଶ ଅଶାନ୍ତ; ଶେଖ୍ ହାସିନାଙ୍କ ଭାଷଣକୁ ନେଇ ତୁମୁଳକାଣ୍ଡ
-ଅନ୍ଲାଇନ୍ରେ ବିବାଦୀୟ ଭାଷଣକୁ ନେଇ ଟାର୍ଗେଟରେ ହାସିନା
-ଶେଖ୍ ହାସିନାଙ୍କ ବାପା ମୁଜିବୁର ରେହମାନ୍ଙ୍କ ଘରେ ନିଆଁ ଲଗାଇଲେ ବିକ୍ଷୋଭକାରୀ
-ଘରେ ପଶି ଭଙ୍ଗାରୁଜା କଲେ ହଜାର ହଜାର ଆନ୍ଦୋଳନକାରୀ
-ହାସିନାଙ୍କ ଦଳ ଆୱାମୀ ଲିଗ୍ ବ୍ୟାନ୍… pic.twitter.com/Ssi92GwX78
