Donald Trump: ଆମେରିକା ରାଷ୍ଟ୍ରପତିଙ୍କ କଡ଼ା ନିଷ୍ପତ୍ତି, ୩ଟି ଦେଶ ଉପରେ ଆମଦାନୀ ଟାରିଫ୍ ଲଗାଇଲେ ଟ୍ରମ୍ପ

କଡ଼ା ନିଷ୍ପତ୍ତି ନେଇ ପୁଣିଥରେ ଚର୍ଚ୍ଚାରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରଂପ । ପୁଣି ରାଷ୍ଟ୍ରପତି ହେବା ପରେ ଅନେକ ଚର୍ଚ୍ଚିତ ନିଷ୍ପତ୍ତି ନେଉଛନ୍ତି ଟ୍ରଂପ । ୩ଟି ଦେଶ ଉପରେ ଚଳିତ ମାସ ୧ ରୁ ଆମଦାନୀ ଟାରିଫ୍ ଲାଗୁ କରିଛନ୍ତି ଡୋନାଲ୍ଡ୍ ଟ୍ରମ୍ପ । କାନାଡା, ମେକ୍ସିକୋରୁ ଆସୁଥିବା ସାମଗ୍ରୀ ଉପରେ ୨୫ ପ୍ରତିଶତ ଟାରିଫ୍ ଏବଂ ଚୀନ୍ ଉପରେ ୧୦ ପ୍ରତିଶତ ଟାରିଫ୍ ଲାଗୁ କରିଛନ୍ତି ଟ୍ରମ୍ପ ସରକାର । ଏନେଇ ହ୍ବାଇଟ୍ ହାଉସ୍ ପକ୍ଷରୁ ସୂଚନା ଦିଆଯାଇଛି ।

ତେବେ ଆମେରିକାର ନିଜସ୍ବ ଘରୋଇ ମାନୁଫାକଚରିଂକୁ ଆଗକୁ ବଢାଇବା ଏବଂ ବାହାର ଦେଶରୁ ନିଶା ସାମଗ୍ରୀ ଚାଲାଣ ଉପରେ ରୋକ୍ ଲଗାଇବାକୁ ଟ୍ରମ୍ପ ସରକାର ଏଭଳି ନିଷ୍ପତ୍ତି ନେଇଥିବା କୁହାଯାଉଛି । ତେଣେ ଆମେରିକା ୪.୬ ମିଲିୟନ ବ୍ୟାରେଲ୍ ତେଲ କାନାଡାରୁ ଏବଂ ୫୬୩ ହଜାର ବ୍ୟାରେଲ୍ ତେଲ ମେକ୍ସିକୋରୁ ଆମଦାନୀ କରିଥାଏ ।

ଅଧିକ ପଢ଼ନ୍ତୁ: ଯୁଦ୍ଧ ନିଆଁରେ ମାଲାମାଲ ହେଉଛି ଆମେରିକା, ଏତେ ଟଙ୍କାର ବେପାର କରୁଛି ଯେମିତି ଦେଶ କିଣି ଦେବ

ସେଇଭଳି ଚୀନରୁ ଇଲେକ୍ଟ୍ରୋନିକ୍ସ, କପଡ଼ା ଏବଂ ଅନ୍ୟ ସାମଗ୍ରୀ ଆମଦାନୀ କରିଥାଏ ଆମେରିକା । ଏବେ ଟ୍ରଂପଙ୍କ ଏଭଳି ନିଷ୍ପତ୍ତି ପରେ ଆମେରିକାରେ ଦରଦାମ ବଢିବା ଆଶଙ୍କା କରାଯାଉଛି । ସେପଟେ ଟ୍ରଂପଙ୍କ ଏଭଳି ନିଷ୍ପତ୍ତିକୁ ନାପସନ୍ଦ କରିଛନ୍ତି କାନାଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋ ।

ଅନ୍ୟପଟେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରଂପଙ୍କ ୩ ଦେଶକୁ ଟାରିଫ୍ ଲାଗୁ ଘୋଷଣା ପରେ ଆରମ୍ଭ ହୋଇଛି ଟ୍ରେଡ୍ ୱାର୍ । ଆମେରିକାର ଆମଦାନୀ ଶୁଳ୍କର ଜବାବ ଦେଲା କାନାଡା । ଆମେରିକାରୁ କାନାଡାକୁ ଆମଦାନୀ ହେଉଥିବା ୧୦୬ ବିଲିୟନ ଡଲାରର ବିଭିନ୍ନ ସାମଗ୍ରୀ ଉପରେ ୨୫ ପ୍ରତିଶତ ଶୁଳ୍କ ଲଗାଇଛନ୍ତି କାନାଡା ଟ୍ରୁଡୋ ସରକାର । ଏନେଇ କାନାଡା ପିଏମ୍ ଜଷ୍ଟିନ୍ ଟ୍ରୁଡୋ ଘୋଷଣା କରିଛନ୍ତି ।

କାନାଡା ପିଏମ୍ ଜଷ୍ଟିନ୍ ଟ୍ରୁଡୋ ଘୋଷଣା ପରେ ବିଶ୍ବ ଅର୍ଥନୀତିରେ ହଲଚଲର ଆଶଙ୍କା କରାଯାଉଛି । ଚଳିତ ମାସ ୧ ତାରିଖରୁ କାନାଡା, ମେକ୍ସିକୋରୁ ଆସୁଥିବା ସାମଗ୍ରୀ ଉପରେ ୨୫ ପ୍ରତିଶତ ଏବଂ ଚୀନ ଉପରେ ୧୦ ପ୍ରତିଶତ ଟାରିଫ୍ ଲାଗୁ କରିଥିଲେ ଟ୍ରମ୍ପ ସରକାର । ଏହାର ପ୍ରତି ବଦଳରେ କାନାଡା ପିଏମ୍ ଟ୍ରୁଡୋ ଏଭଳି ନିଷ୍ପତ୍ତି ନେଇଛନ୍ତି ।

ଅଧିକ ପଢ଼ନ୍ତୁ: ୯୦ ପ୍ରତିଶତ ଏୟାର ଟ୍ରାଫିକ କଣ୍ଟ୍ରୋଲରରେ ନାହାନ୍ତି ଆବଶ୍ୟକୀୟ କର୍ମଚାରୀ