LIVE TV
ସମ୍ବର ଦକ୍ଷିଣ ଭାରତର ଏକ ଲୋକପ୍ରିୟ ଖାଦ୍ୟ । ଏହାକୁ ଭାତ, ଇଟଲି, ଉପମା, ବରା ସହ ଖାଇପାରିବେ । ଏଥିରେ ବିଭିନ୍ନ ପ୍ରକାରର ପରିବା ପଡୁଥିବାରୁ ଏହା ସ୍ବାସ୍ଥ୍ୟ ପାଇଁ ଖୁବ ଉପକାରୀ । ଯେଉଁମାନେ ଖଟାପ୍ରିୟ ସେମାନଙ୍କ ପାଇଁ ସମ୍ବର ଏକ ବେଷ୍ଟ ଡିସ୍ ।
ଅଧିକ ପଢନ୍ତୁ: ରୁଟି ଓ ଭାତ ସହ ଖାଇପାରିବେ, ବନାଇବା ବି ଖୁବ ସହଜ
ଆବଶ୍ୟକୀୟ ସାମଗ୍ରୀ
Also Read
--------
ଅଧା କପ୍ ହରଡ ଡାଲି
ଗୋଟିଏ ମଧ୍ୟମ ଆକାର ବାଇଗଣ
କିଛି ଭେଣ୍ଡି
୨ଟି ଛୁଇଁ
ଫାଳେ ଛୋଟ ଭଣ୍ଡା
୧୦୦ ଗ୍ରାମ କଖାରୁ
ଗୋଟିଏ ଆଳୁ
ଗୋଟିଏ ପିଆଜ
ଗୋଟିଏ ଟମାଟୋ
୩ ଚାମଚ ସମ୍ବର ପାଉଡର
୩ଟି ଶୁଖିଲା ଲଙ୍କା
କିଛି ତେନ୍ତୁଳି ରସ
୩ ଚାମଚ ତେଲ
ଗୋଟିଏ ଚାମଚ ସୋରିଷ
ଟିକିଏ ହେଙ୍ଗୁ
ସ୍ବାଦ ଅନୁଯାୟୀ ଲୁଣ
ଭୃଷଙ୍ଗ ପତ୍ର
ପ୍ରସ୍ତୁତି ପ୍ରଣାଳି
ଭେଣ୍ଡିକୁ ଛାଡି ସବୁ ପନିପରିବାକୁ ପ୍ରେସର କୁକରରେ ରଖନ୍ତୁ । ଡାଲି, ହଳଦି, ଲୁଣ ଏବଂ ପନିପରିବାକୁ ଢ଼ାଙ୍କିବା ପାଇଁ ଯଥେଷ୍ଟ ହେଉଥିବା ପାଣି ମିଶାନ୍ତୁ ।
୨ଟି ହୁଇସିଲ୍ ପରେ ତୁରନ୍ତ ଚୁଲା ବନ୍ଦ କରି ଦିଅନ୍ତୁ ଏବଂ ପ୍ରେସର ବାହାରିଯିବା ପର୍ଯ୍ୟନ୍ତ ହଲଚଲ କରନ୍ତୁ ନାହିଁ ।ପ୍ରେସର ବାହାରିଗଲା ପରେ, କୁକର ଖୋଲନ୍ତୁ ।
ଆଗରୁ ଭାଜି ରଖିଥିବା ଭେଣ୍ଡିକୁ ମିଶାନ୍ତୁ । ୨ କିମ୍ବା ୩ ଚାମଚ ସମ୍ବର ପାଉଡର, ତେନ୍ତୁଳି ରସ ଏବଂ ହେଙ୍ଗୁ ପକାନ୍ତୁ । ଗୋଳାଇ ଦିଅନ୍ତୁ ।
ଏହା ପରେ ଦୁଇ ମିନିଟ ପର୍ଯ୍ୟନ୍ତ ଗରମ କରନ୍ତୁ । ଅନ୍ୟ ଏକ କଡେଇରେ ସୋରିଷ, ଶୁଖିଲା ଲଙ୍କା ଏବଂ ଭୃଷଙ୍ଗ ପତ୍ର ତେଲରେ ଫୁଟାଇ ଦିଅନ୍ତୁ ।
ଏହାକୁ କୁକରରେ ଥିବା ସମ୍ବରରେ ଢ଼ାଳିଦେଇ କିଛି ସମୟ ଘୋଡାଇ ରଖନ୍ତୁ । ଏବେ ଗରମ ଗରମ ପରଷନ୍ତୁ ।
