Ahmedabad Plane Crash: ଶୋଇ ପାରୁନାହାନ୍ତି, କାହା ସହ କଥା ହେଉନାହାନ୍ତି

ବିଶ୍ବାସ କୁମାର ରମେଶ । ଅହମଦାବାଦ ବିମାନ ଦୁର୍ଘଟଣାରେ ବଞ୍ଚିଯାଇଥିବା ଏକମାତ୍ର ବ୍ୟକ୍ତି । ସେ ଏବେ ବି ଟ୍ରମାରୁ ବାହାରି ପାରିନାହାନ୍ତି । ତାଙ୍କ ସଂପର୍କୀୟ ଭାଇ କହିଛନ୍ତି ବିଶ୍ବାସ ଏହି ଘଟଣାକୁ ଭୁଲିବା ପାଇଁ ମନସ୍ତତ୍ତ୍ବବିତଙ୍କ ସାହାଯ୍ୟ ନେଉଛନ୍ତି ।

ଜୁନ ୧୨ରେ ଏୟାର ଇଣ୍ଡିଆର ବିମାନ AI171 ଅମହମାବାଦ ଏୟାରପୋର୍ଟରୁ ଉଡାଣ ଭରିଥିଲା । ଏଥିରେ ପାଇଲଟ ଓ କ୍ରୁ ମେମ୍ବରଙ୍କ ସମେତ ୨୪୨ଜଣ ଯାତ୍ରୀ ଥିଲେ । କିଛି ସେକେଣ୍ଡ ପରେ ବିମାନଟି କ୍ରାସ୍ ହୋଇଯାଇଥିଲା ।

ପ୍ଲେନରେ ଥିବା ୨୪୧ଜଣଙ୍କ ମୃତ୍ୟୁ ଘଟିଥିଲା। ବିଶ୍ବାସ କୁମାର, ଯିଏ ସିଟ୍ 11A ରେ ବସିଥିଲେ, ଏକ ଚମତ୍କାର ଭାବେ ବଞ୍ଚିଥିଯାଇଥିଲେ । ତାଙ୍କ ବୟସ ୪୦ବର୍ଷ । ଏହି ଦୁର୍ଘଟଣାରେ ବିଶ୍ବାସଙ୍କ ଭାଇ ଅଜୟଙ୍କ ମୃତ୍ୟୁ ହୋଇଛି ।

ଅଧିକ ପଢ଼ନ୍ତୁ: ୨୪ ଘଣ୍ଟାରେ ୪ ଜଣଙ୍କୁ ହତ୍ୟା, ଓକିଲଙ୍କୁ ମାରି ଫେରାର୍ ହୋଇଗଲେ

ସଂପର୍କୀୟ ଭାଇ କହିଛନ୍ତି ବିଶ୍ବାସ କାହା ସହ କଥା ହେଉ ନାହାନ୍ତି । ରାତିରେ ଠିକରେ ଶୋଇ ପାରୁନାହାନ୍ତି । ବିଦେଶରେ ରହୁଥିବା ସଂପର୍କୀୟ ମାନେ ଫୋନ କରୁଛନ୍ତି ବିଶ୍ବାସଙ୍କ କଥା ପଚାରିବା ପାଇଁ । କିନ୍ତୁ ବିଶ୍ବାସ କାହା ସହ କଥା ହେଉନାହାନ୍ତି ।

ନିଜ ଭାଇର ମୃତ୍ୟୁ ଆଘାତରୁ ବି ସେ ବାହାରି ପାରିନାହାନ୍ତି । ସେ ଏବେବି ଲଣ୍ଡନ ଫେରିବା କଥା ଭାବିନାହାନ୍ତି । ତାଙ୍କର ଏବେ ଚିକିତ୍ସା ଚାଲିଛି ।

୧୭ ଜୁନରେ ବିଶ୍ବାସଙ୍କୁ ହସପିଟାଲରୁ ଡିସଚାର୍ଜ କରାଯାଇଥିଲା । ଡିଏନଏ ମ୍ୟାଚ କରିବା ପରେ ସେହି ଦିନ ତାଙ୍କ ଭାଇଙ୍କ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା ।

୨ଭାଇ ପରିବାର ଲୋକଙ୍କୁ ଭେଟି ଲଣ୍ଡନ ଫେରୁଥିଲେ । କିନ୍ତୁ ବିମାନ ଦୁର୍ଘଟଣା ସବୁ କିଛି ବଦଳାଇଦେଲା । ହସପିଟାଲରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ବାସ କୁମାରଙ୍କୁ ଭେଟିଥିଲେ ।

ଅଧିକ ପଢ଼ନ୍ତୁ: ନଦୀକୁ ଠେଲିଦେଲା ପତ୍ନୀ, ମରୁ ମରୁ ବଞ୍ଚିଗଲେ ସ୍ୱାମୀ