Rajkummar Rao:‍ ‍ବଙ୍ଗାଳୀ ଭାଷା ଶିଖୁଛନ୍ତି, ଚରିତ୍ରକୁ ନେଇ ନର୍ଭସ...କହିଲେ ମଜା ଆସିବ

ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କ ଜୀବନୀ ଦେଖିବାକୁ ମିଳିବ ବଡ ପରଦାରେ । ଗାଙ୍ଗୁଲିଙ୍କ ଫ୍ୟାନ୍ସ ପାଇଁ ଏହା ଏକ ବଡ଼ ଖବର । ବଲିଉଡରେ ଏବେ ଚାଲିଛି ବାୟୋପିକ ନିର୍ମାଣର ଟ୍ରେଣ୍ଡ । ଆଉ ଏଥିରେ ସାମିଲ ହୋଇଛନ୍ତି ଦାଦା ।

ଫିଲ୍ମର ଲିଡ ରୋଲରେ ଅଭିନୟ କରିବେ ବଲିଉଡ ଅଭିନେତା ରାଜକୁମାର ରାଓ । ଗାଙ୍ଗୁଲି କେବଳ ଭାରତୀୟ କ୍ରିକେଟରେ ନୁହନ୍ତି ବରଂ ବିଶ୍ବ କ୍ରିକେଟରେ ଜଣେ ମହାନ ଖେଳାଳି ଭାବେ ଜଣାଶୁଣା । ବାୟୋପିକରେ ଅଭିନୟ କରୁଥିବା ନେଇ ରାଜକୁମାର ଘୋଷଣା କରିଛନ୍ତି । ବିକ୍ରମାଦିତ୍ୟ ମୋଟୱାନୀ ଫିଲ୍ମର ନିର୍ଦ୍ଦେଶନା ଦେବେ । 

ଅଧିକ ପଢ଼ନ୍ତୁ: ବିଫଳ ନାୟକ, ସଫଳ ବିଜନେସମ୍ୟାନ, ଆମୀରଙ୍କ ଠାରୁ ବି ଧନୀ

ଗାଙ୍ଗୁଲିଙ୍କ ବାୟୋପିକକୁ ନେଇ କିଛି ମାସ ଧରି ଚର୍ଚ୍ଚା ଜାରି ରହିଥିଲା । ଏବେ ଏହି ଚର୍ଚ୍ଚ।ରେ ବିରାମ ଲଗାଇଛନ୍ତି ନିଜେ ରାଜକୁମାର ରାଓ । ନିକଟରେ ଏକ ସାକ୍ଷାତକାରରେ ମଧ୍ୟ ରାଜକୁମାର ଏନେଇ ସ୍ପଷ୍ଟ କରିଥିଲେ ।

ତେବେ ଏହି ଚରିତ୍ରକୁ ନେଇ ସେ ନର୍ଭସ ଅଛନ୍ତି । ଏଥସହିତ ନୂଆ ଚ୍ୟାଲେଞ୍ଜ ପାଇଁ ସେ ବହୁତ ଉତ୍ସାହିତ । ଏହା ଏକ ବଡ଼ ଦାୟିତ୍ବ ହୋଇଥିଲେ ହେଁ ସେଥିରେ ବହୁତ ମଜା ଆସିବ ବୋଲି ରାଜକୁମାର କହିଛନ୍ତି । ଗାଙ୍ଗୁଲିଙ୍କ ଭୂମିକା ଠିକରେ ପରଦାରେ କରିବା ପାଇଁ ରାଜକୁମାର ତାଙ୍କର ସବୁ ଅଙ୍ଗଭଙ୍ଗୀ, ଠାଣି ଶିଖିବା ସହ ବଙ୍ଗାଳି ଭାଷା ଶିଖୁଛନ୍ତି ।

ବଲିଉଡରେ ଏବେ ସଫଳ ନାୟକ ହେଉଛନ୍ତି ରାଜକୁମାର ରାଓ । ସ୍ତ୍ରୀ-ଟୁର ସଫଳତା ପରେ ତାଙ୍କ ଡିମାଣ୍ଡ ଆକାଶଛୁଆଁ ହୋଇଯାଇଛି । ଗାଙ୍ଗୁଲିଙ୍କ ବାୟୋପିକରେ ଅନ୍ୟ କେଉଁ ଅଭିନେତା ଓ ଅଭିନେତ୍ରୀ ଅଭିନୟ କରିବେ ସେନେଇ କୌଣସି ସୂଚନା ମିଳିନି ।

ଅଧିକ ପଢ଼ନ୍ତୁ: ଗୋବିନ୍ଦା ଦେଲେ ଖୁସି ଖବର; ବଡ଼ ପରଦାକୁ ରିଟର୍ନ… କରିବେ ଏହି ଫିଲ୍ମ୍