Jaat: ଟପ୍ ୱାନ୍‌ରେ ଟ୍ରେଣ୍ଡିଂ କରୁଛି ସନ୍ନି ଦେଓଲଙ୍କ 'ଜାଟ୍‌'; ପଛରେ ସଲମାନ୍-ଅକ୍ଷୟ

ବଲିଉଡ୍‌ର ଆକ୍ସନ ଷ୍ଟାର୍‌ ସନ୍ନି ଦେଓଲଙ୍କ 'ଜାଟ୍‌'ର ଟ୍ରେଲର ୟୁଟ୍ୟୁବରେ ହଙ୍ଗାମା ସୃଷ୍ଟି କରୁଛି। ସୋମବାର ମୁକ୍ତିଲାଭ କରିଥିବା ଏହି ଟ୍ରେଲର୍‌ ୧୫ ମିଲିୟନରୁ ଅଧିକ (୧ କୋଟି ୫୦ ଲକ୍ଷ) ଭିୟୁ ପାଇସାରିଛି ଏବଂ ଶୀର୍ଷ ଟ୍ରେଣ୍ଡିଂ ତାଲିକାରେ ପ୍ରଥମ ସ୍ଥାନରେ ରହିଛି।

View this post on Instagram

A post shared by Sunny Deol (@iamsunnydeol)

‘ଜାଟ୍‌’ରେ ସନି ଦେଓଲ, ରଣଦୀପ ହୁଡା, ଜଗପତି ବାବୁ ଏବଂ ଭିନୀତ କୁମାର ସିଂହ ମୁଖ୍ୟ ଭୂମିକାରେ ଅଛନ୍ତି। ‘ଜାଟ୍‌’ର ଟ୍ରେଲର୍‌ ଲଞ୍ଚ୍‌ ଇଭେଣ୍ଟ୍‌ ମୁମ୍ବାଇ ଏବଂ ଜୟପୁରରେ ଅନୁଷ୍ଠିତ ହୋଇଥିଲା ଯେଉଁଠାରେ ‘ଜାଟ୍‌’ ବକ୍ସ ଅଫିସରେ ଧୂମ୍‌ ମଚାଇବ ବୋଲି ସୂଚିତ କରାଯାଇଥିଲା।

'ଜାଟ୍' ହେଉଛି ଏକ ଆକ୍ସନ୍-ପ୍ୟାକ୍ ଫିଲ୍ମ, ଯେଉଁଥିରେ ସନ୍ନି ଦେଓଲ୍ ତାଙ୍କର 'ଢାଇ କିଲୋ କା ହାଥ୍'ର କରାମତି ଦେଖାଉଥିବାର ନଜର ଆସିଛନ୍ତି। ସେ ଟ୍ରେଲର୍‌ରେ ସୂଚାଇ ଦେଇଛନ୍ତି ଯେ ଏଥର ହାତ ଉତ୍ତର ସହିତ ଦକ୍ଷିଣରେ ମଧ୍ୟ ସ୍ୱର ଉଠାଇବ। ଏହି ଫିଲ୍ମରେ ରଣଦୀପ ହୁଡା  ରାଣାତୁଙ୍ଗା ଭୂମିକାରେ ଭିଲେନ୍ ହୋଇଛନ୍ତି।

ଅଧିକ ପଢ଼ନ୍ତୁ: ଅଢେଇ କିଲିଆ ହାତର ଶକ୍ତି ଏବେ ସାଉଥ୍ ଦେଖିବ; ଜାଟ୍ ହୋଇ ରଣଦୀପଙ୍କ ସହ ଲଢିବେ ସନ୍ନି

ସୋମୁଲୁ ଭୂମିକାରେ ଭିନୀତ କୁମାର ସିଂହ ମଧ୍ୟ ନଜର ଆସିଛନ୍ତି। ‘ଜାଟ୍‌’ ଟ୍ରେଲରରେ ଚମତ୍କାର ଆକ୍ସନ୍ ସିକ୍ୱେନ୍ସ, ଦମଦାର ଡାଏଲଗ୍ ଏବଂ ସାଉଥ୍ ସିନେମାର ମସଲାର ମିଶ୍ରଣ ଦେଖିବାକୁ ମିଳିଛି।

ଏହି ଫିଲ୍ମକୁ ତେଲୁଗୁ ଚଳଚ୍ଚିତ୍ର ନିର୍ମାତା ଗୋପୀଚାନ୍ଦ ମାଲିନେନୀ ନିର୍ଦ୍ଦେଶନା ଦେଇଛନ୍ତି ଏବଂ ମୈତ୍ରୀ ମୁଭି ମେକର୍ସ ଏହାକୁ ପ୍ରଡ୍ୟୁସ କରିଛି। ୧୦ ଏପ୍ରିଲ୍ ୨୦୨୫ରେ ପ୍ରେକ୍ଷାଳୟରେ 'ଜାଟ୍' ମୁକ୍ତିଲାଭ କରିବ, ଯାହା ମହାବୀର ଜୟନ୍ତୀ ଅବସରରେ ଚାରି ଦିନିଆ ଲମ୍ବା ୱିକେଣ୍ଡର ଫାଇଦା ଉଠାଇବ।

ଟ୍ରେଲର୍‌ ଲଞ୍ଚରେ ସନ୍ନି ଦେଓଲ କହିଛନ୍ତି, 'ପୂରା ସାଉଥ୍ ମୋର ଅଢେଇ କିଲିଆ ହାତର ଶକ୍ତି ଦେଖିଛି, ବର୍ତ୍ତମାନ ସାଉଥ୍ ମଧ୍ୟ ଏହାକୁ ଦେଖିବ।” 'ଗଦର ୨'ର ସଫଳତା ପରେ ଏହା ସନ୍ନି ଦେଓଲଙ୍କ ପରବର୍ତ୍ତୀ ରିଲିଜ୍। ଏଭଳି ପରିସ୍ଥିତିରେ ବକ୍ସ ଅଫିସରେ ଏହା କିପରି ହଙ୍ଗାମା କରିବ ତାହା ଦେଖିବା ବାକି ରହିଲା।

ଅଧିକ ପଢ଼ନ୍ତୁ: ଭିଲେନ ହେବାକୁ ରଣଦୀପ ହୁଡା ପରିବର୍ତ୍ତନ କରିଦେଲେ ଶରୀର ଆଉ ସ୍ୱର; ଦେଖିଲେ ବିଶ୍ୱାସ କରିପାରିବେନି