LIVE TV
ଭିକି କୌଶଲ ଓ ରଶ୍ମିକା ମନ୍ଦାନାଙ୍କ ଫିଲ୍ମ 'ଛାଭା' ବକ୍ସ ଅଫିସରେ ଆଲୋଡ଼ନ ସୃଷ୍ଟି କରିଛି! sacnilkର ରିପୋର୍ଟ ଅନୁଯାୟୀ, ମାତ୍ର ୫ ଦିନରେ ଫିଲ୍ମ ୧୬୫ କୋଟିରୁ ଅଧିକ ରୋଜଗାର କରି 'ପୁଷ୍ପା୨' କୁ ପଛରେ ପକାଇ ଦେଇଛି ଆଉ ୨୦୨୫ର ସବୁଠାରୁ ବଡ ବଲିଉଡ୍ ଚଳଚ୍ଚିତ୍ରରେ ପରିଣତ ହୋଇଛି।
ପ୍ରଥମ ଦିନରେ ହିଁ 'ଛାଭା' ବକ୍ସ ଅଫିସରେ ବହୁତ ଟଙ୍କା ରୋଜଗାର କରିଥିଲା ଏବଂ ପ୍ରଥମ ସପ୍ତାହ ଶେଷରେ ଚମତ୍କାର ପ୍ରଦର୍ଶନ କରିଛି। ଏହି ଫିଲ୍ମଟି ଆଶାଠାରୁ ଅଧିକ ଓପନିଂ କରିଥିଲା ଏବଂ ଲୋକଙ୍କୁ ଆଶ୍ଚର୍ଯ୍ୟ କରିଥିଲା। ଏହି ଫିଲ୍ମଟି ପ୍ରଥମ ସପ୍ତାହ ଶେଷ ସୁଦ୍ଧା ୧୨୧ କୋଟି ଟଙ୍କାର ନେଟ୍ ରୋଜଗାର କରିଛି ଆଉ ଏହାକୁ ବର୍ଷର ସବୁଠାରୁ ବଡ ଓପନିଂ ଫିଲ୍ମ ଭାବରେ ଗଣା ଯାଉଛି।
Also Read
ଅଧିକ ପଢ଼ନ୍ତୁ: ସାଉଥ୍ ଉପରେ ଭାରି ପଡିଲା ବଲିଉଡ୍; ଏଥର କାମ ଦେଲାନି ଦକ୍ଷିଣୀ ଯାଦୁ
ସାଧାରଣତଃ ସୋମବାର ଫିଲ୍ମ ରୋଜଗାରରେ ହ୍ରାସ ଘଟିଥାଏ, କିନ୍ତୁ 'ଛାଭା' ଏହି ଧାରାକୁ ଭାଙ୍ଗି ୨୪ କୋଟି ଟଙ୍କା ରୋଜଗାର କରିଛି। ଏଥିରୁ ଫିଲ୍ମର ଦବଦବା ସହଜରେ ଅନୁମାନ କରାଯାଇପାରେ।
sacnilk ଅନୁଯାୟୀ, ‘ଛାଭା’ ରିଲିଜ୍ ହେବାର ମାତ୍ର ପାଞ୍ଚ ଦିନରେ ୧୬୫.୭୫ କୋଟି ଟଙ୍କା ରୋଜଗାର କରି ଏହାକୁ ୨୦୨୫ର ସବୁଠାରୁ ବଡ ବଲିଉଡ ହିଟ୍ କରିପାରିଛି। ଫିଲ୍ମର ପଞ୍ଚମ ଦିନର ରୋଜଗାର ବିଷୟରେ କହିବାକୁ ଗଲେ ଏହା ୫ ଦିନରେ ୨୫.୨୫% ସଂଗ୍ରହ କରିଛି। ଏହିଭଳି ଭାବେ ଏହା ବକ୍ସ ଅଫିସରେ ଦବଦବା ଜାରି ରଖିଛି।
ଭିକି କୌଶଲଙ୍କ ଏହି ଫିଲ୍ମ ପ୍ରଥମେ ଅକ୍ଷୟ କୁମାରଙ୍କ 'ସ୍କାଏ ଫୋର୍ସ' (୧୩୦ କୋଟି)କୁ ପଛରେ ପକାଇ ଚଳିତ ବର୍ଷର ସର୍ବାଧିକ ଆୟ କରିଥିବା ଫିଲ୍ମ ହେବାର ରେକର୍ଡ ସୃଷ୍ଟି କରିଛି।
ଅଧିକ ପଢ଼ନ୍ତୁ: ଶମ୍ୱାଜୀ ମହାରାଜ କିଏ, ତାଙ୍କ ଉପରେ କାହିଁକି ହେଲା ଫିଲ୍ମ
ଛତ୍ରପତି ଶମ୍ୱାଜୀ ମହାରାଜଙ୍କ କାହାଣୀ ହୋଇଥିବାରୁ ମହାରାଷ୍ଟ୍ରରେ ‘ଛାଭା’ର ଏକ ଭିନ୍ନ କ୍ରେଜ୍ ଅଛି। ଏଠାରେ ଏହା ଅଲୁ ଅର୍ଜୁନଙ୍କ 'ପୁଷ୍ପା ୨' କୁ କାଟି ମହାରାଷ୍ଟ୍ର ସର୍କିଟରେ ସର୍ବାଧିକ ରୋଜଗାର କରିଥିବା ଫିଲ୍ମ ହୋଇପାରିଛି।
ମହାରାଷ୍ଟ୍ରର ଅଗ୍ରଣୀ ସିନେମା ଚେନ୍ ମୁଭିମାକ୍ସରେ ‘ଛାଭା’ ପ୍ରଥମ ରବିବାରରେ ୨.୦୪ କୋଟି ଟଙ୍କା ଆୟ କରିଥିବାବେଳେ 'ପୁଷ୍ପା ୨' (ହିନ୍ଦୀ) ମାତ୍ର ୨.୦୧ କୋଟି ଟଙ୍କା ରୋଜଗାର କରିଥିଲା। ମହାରାଷ୍ଟ୍ରରେ 'ପୁଷ୍ପା ୨' (ହିନ୍ଦୀ) ପ୍ରଥମ ରବିବାରରେ ୨୧.୪୪ କୋଟି ଟଙ୍କା ରୋଜଗାର କରିଥିବାବେଳେ 'ଛାଭା' ୨୩ କୋଟିରୁ ଅଧିକ ଟଙ୍କା ରୋଜଗାର କରି ଏକ ନୂଆ ରେକର୍ଡ ସୃଷ୍ଟି କରିଛି।
