LIVE TV
ସକାଳୁ ସକାଳୁ ବଡ଼ ଦୁର୍ଘଟଣାରେ ଚାଲିଗଲା ୧୯ଜଣଙ୍କ ଜୀବନ । ବିମାନ ଦୁର୍ଘଟଣା ଫଳରେ ଏମିତି ଘଟିଥିବା ଜଣାପଡିଛି । ଆମେରିକୀୟ ଯାତ୍ରୀବାହୀ ବିମାନ ସହ ଆମେରିକୀୟ ସେନା ହେଲିକପ୍ଟର ଧକ୍କାହେବାରୁ ଏମିତି ଭୟଙ୍କର ଦୁର୍ଘଟଣା ଘଟିଛି । ଯାତ୍ରୀ ବିମାନ ଅବତରଣ ବେଳେ ଏମିତି ଭୟଙ୍କର ଦୁର୍ଘଟଣା ଘଟିଥିବା ସୂଚନା ମିଳିଛି । ଯାତ୍ରୀବାହୀ ବିମାନ ଅବତରଣ ବେଳେ ସେନାର ବ୍ଲାକ ହକ୍ ହେଲିକପଟର ସହ ଧକ୍କା ହୋଇଛି । ଦୁଇଟି ବିମାନ ଧକ୍କାହେବା ଫଳରେ ଆକାଶରେ ଭୟଙ୍କର ଆଲୋକ ଦେଖିବାକୁ ମିଳିଥିଲା ।
ବିମାନଟି ୱାଶିଂଟନ ବିମାନ ବନ୍ଦରକୁ ଆସିବାବେଳେ ଏମିତି ଦୁର୍ଘଟଣା ଘଟିଥିଲା । ଏହାପରେ ଉଦ୍ଧାରକାର୍ଯ୍ୟ ପାଇଁ ସମସ୍ତ ବିମାନକୁ ବାତିଲ କରାଯାଇଛି । ଦୁର୍ଘଟଣାପରେ ପୋଟମ୍ୟାକ ନଦୀ (Potomac River) ନିକଟରୁ ୧୯ଟି ମୃତ ଶରୀର ଉଦ୍ଧାର କରାଯାଇଛି । ଦୁଇଟି ଫ୍ଲାଇଟରେ ପ୍ରାୟ 70 ଜଣ ଯାତ୍ରୀ ଥିବା ନେଇ ସୂଚନା ମିଳିଛି । ଉଦ୍ଧାର କାର୍ଯ୍ୟରେ ବିଭିନ୍ନ ଏଜେନ୍ସି ବିନିଯୋଗ ହୋଇଛନ୍ତି । ଏହି ଘଟଣାରେ ଦୁଃଖ ପ୍ରକାଶ କରିବା ସହ ସ୍ଥିତି ଉପରେ ନଜର ରଖାଯାଇଛି ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।
Also Read
#ହେଲିକପ୍ଟର_ଦୁର୍ଘଟଣାଗ୍ରସ୍ତ
— ଓଟିଭି (@otvkhabar) January 30, 2025
-ଆମେରିକାରେ ହେଲିକପ୍ଟର ଦୁର୍ଘଟଣାଗ୍ରସ୍ତ
-ୱାଶିଂଟନ୍ ଅନ୍ତର୍ଜାତୀୟ ବିମାନବନ୍ଦରରେ ଦୁର୍ଘଟଣା
-ଅବତରଣ ବେଳେ ଦୁର୍ଘଟଣା, ମୃତାହତ ସୂଚନା ମିଳିନି
-ଉଡ଼ାଣ ଭରିବାକୁ ଥିବା ସମସ୍ତ ବିମାନ ବାତିଲ, ଉଦ୍ଧାର କାର୍ଯ୍ୟ ଜାରି#HelecopterCrash #Washington #OTV pic.twitter.com/MaVxM6dsXI
