Couple Killed In Accident: ବାପାର ଶବ ସତ୍କାର ପାଇଁ ଯାଉଥିଲେ ପୁଅ-ବୋହୂ, ନିଜେ ଶବ ହୋଇଗଲେ...

ସତରେ ଦଇବ କେଡେ ନିଷ୍ଠୁର ! ବାପାର ଦେହାନ୍ତ ଖବର ପାଇ ଗାଁକୁ ଯାଉଥିଲେ ପୁଅ-ବୋହୂ । ହେଲେ ନିଜେ ଶବ ହୋଇଗଲେ । ଏଣେ ପୁଅ ଆସିଲେ ବାପାର ଶବ ସତ୍କାର ପାଇଁ ଚାହିଁ ବସିଛନ୍ତି ପରିବାର । କିନ୍ତୁ ଦୁହେଁ ଘରେ ପହଞ୍ଚିବା ପୂର୍ବରୁ ପହଞ୍ଚିଗଲା ମୃତ୍ୟୁ ଖବର । ଗାଁକୁ ଯିବା ବାଟରେ ସଡ଼କ ଦୁର୍ଘଟଣାରେ ଚାଲିଗଲା ପୁଅ-ବୋହୂଙ୍କ ଜୀବନ । ଏମିତି ଏକ ହୃଦୟ ବିଦାରକ ଘଟଣା ଘଟିଛି ବୌଦ୍ଧ ଜିଲ୍ଲା ଏନ୍‌ଏଚ୍‌ ୫୭ ନୂଆପଡ଼ା ଛକ ନିକଟରେ । 

ଅଧିକ ପଢନ୍ତୁ: ବିଶ୍ୱାସଘାତକ ହେଲପର୍‌, ମାଲିକାଣୀ ଗାଳି କଲେ ବୋଲି ସାଜିଲା ସୈତାନ...

ସୂଚନା ମୁତାବକ, ମୃତକ ହେଲେ ରାଜକିଶୋର ସାହୁ ଓ ପତ୍ନୀ ମିନାକ୍ଷୀ ସାହୁ । ଗତକାଲି ରାତିରେ ହଠାତ୍ ବାପାଙ୍କ ଦେହାନ୍ତ ଖବର ଶୁଣି ସ୍ୱାମୀ-ସ୍ତ୍ରୀ ଦୁହେଁ କାର୍‌ରେ କଳାହାଣ୍ଡି ଜିଲ୍ଲା ନୂଆପଡ଼ାରୁ ନିଜ ଗାଁ ନୟାଗଡ଼ ଜିଲ୍ଲାର ଗଣିଆ ଅଭିମୁଖେ ଯାଉଥିଲେ । ବୌଦ୍ଧ ନୂଆପଡ଼ା ଟୋଲ୍ ଗେଟ୍ ନିକଟରେ ରାସ୍ତା କଡରେ ଛିଡା ହୋଇଥିବା ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା ତାଙ୍କ କାର୍ ।

ଦୁର୍ଘଟଣା ଏତେ ଭୟଙ୍କର ଥିଲା ଯେ, ଘଟଣାସ୍ଥଳରେ ରାଜକିଶୋର ଓ ମିନୀକ୍ଷାଙ୍କ ମୃତ୍ୟୁ ଘଟିଥିଲା । କିଏ ଜାଣିଥିଲା, ବାପାର କୋକେଇ ଉଠିବା ପୂର୍ବରୁ ଏମିତି ଦୁର୍ଘଟଣାରେ ପୁଅ-ବୋହୂଙ୍କ କୋକେଇ ଉଠିବ । ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି ।

ଅଧିକ ପଢନ୍ତୁ: ଅଳିଆ ଭର୍ତ୍ତି ଟ୍ରକରୁ ମିଳିଲା ମହିଳାଙ୍କ ମୃତଦେହ, ୨୦ ଘଣ୍ଟାରେ ଗିରଫ ହେଲା ପ୍ରେମିକ