JD Vance: ମହଙ୍ଗା ପଡିଲା ଉପରାଷ୍ଟ୍ରପତିଙ୍କ ମନ୍ତବ୍ୟ.... ସୋସିଆଲ ମିଡିଆରେ ହେଉଛନ୍ତି ଟ୍ରୋଲ୍

ମୋ ପତ୍ନୀ ଜଣେ ହିନ୍ଦୁ…. କିନ୍ତୁ ନିଶ୍ଚିତ ଧର୍ମ ପରିବର୍ତ୍ତନ କରିବେ ଆଉ ଈଶାଇ ହେବେ। ଆମେରିକାର ଉପରାଷ୍ଟ୍ରପତି ଜେଡି ଭାନ୍ସଙ୍କ ଏଭଳି କଥା ଏବେ ତାଙ୍କୁ ଭାରି ପଡିଛି। ଆମେରିକା ଉପରାଷ୍ଟ୍ରପତିଙ୍କ ଏଭଳି ମତକୁ ତାଙ୍କ ପତ୍ନୀ ଉଷାଙ୍କୁ ଖ୍ରୀଷ୍ଟିଆନ୍ ଧର୍ମ ଗ୍ରହଣ କରିବାକୁ ଚାପ ପକାଇବା ଭାବେ ଦେଖାଯାଉଛି। ତାଙ୍କର ଏହି ବୟାନ ଏକ ବିରାଟ ହଇଚଇ ସୃଷ୍ଟି କରିଛି।
ସୋସିଆଲ୍ ମିଡିଆରେ ଏକ ଭିଡିଓ ଭାଇରାଲ୍ ହେଉଛି, ଏଥିରେ ଦେଖାଯାଉଛି ଯେ ପ୍ରଥମେ, ଜେଡି ଭାନ୍ସ କହୁଛନ୍ତି, "ମୁଁ ଆଶା କରୁଛି ଯେ ସେ ଶେଷରେ କୌଣସି ପ୍ରକାରେ ଚର୍ଚ୍ଚ ଦ୍ୱାରା ପ୍ରଭାବିତ ହେବେ। ହଁ, ସତ କହିବାକୁ ଗଲେ, ମୁଁ ତାହା ହିଁ ଚାହୁଁଛି... କାରଣ ମୁଁ ଖ୍ରୀଷ୍ଟିଆନ ବିଚାରରେ ବିଶ୍ୱାସ କରେ। ଏବଂ ମୁଁ ଆଶା କରୁଛି ଯେ ମୋ ପତ୍ନୀ ମଧ୍ୟ ଶେଷରେ ଏହା କରିବେ। ସେ ପୁଣି କହିଛନ୍ତି, ଯଦି ବି ଏହା ନ ହୁଏ, ତେବେ ଈଶ୍ୱର ସମସ୍ତଙ୍କୁ ସ୍ୱାଧୀନ ଇଚ୍ଛା ଦେଇଛନ୍ତି, ତେଣୁ ମୋର ଏଥିରେ କୌଣସି ଅସୁବିଧା ନାହିଁ।" 

ଜେଡି ଭାନ୍ସଙ୍କ ଏହି ମତକୁ ଟ୍ୟାଗ୍ କରି, ଜଣେ କଡା ପ୍ରତିକ୍ରିୟା ଦେଇ ଲେଖିଛନ୍ତି, "ଏ କି ବିଚିତ୍ର ଯେ ଜଣେ ଖ୍ରୀଷ୍ଟିଆନ ଜାତୀୟତାବାଦୀଙ୍କ ମଧ୍ୟରେ ନିଜର ବିଚାରକୁ ବୃଦ୍ଧି କରିବା ପାଇଁ ନିଜ ପତ୍ନୀଙ୍କ ଧର୍ମକୁ ଛୋଟ କରି ଦିଆଯାଇଛି।" ଏଭଳି ପ୍ରତିକ୍ରିୟାକୁ ନେଇ ଜେଡି ରାଗି ଯାଇଛନ୍ତି ଆଉ ଏହାକୁ ଘୃଣ୍ୟ ବୋଲି କହିଛନ୍ତି।
ସେ କହିଛନ୍ତି, "ଏ କି ଘୃଣ୍ୟ ମତ...ଏବଂ ଏପର୍ଯ୍ୟନ୍ତ ଏହାକୁ ନେଇ ଦିଆଯାଇଥିବା ସବୁ ମତ ମଧ୍ୟରୁ ଏହା ସବୁଠାରୁ ଘୃଣ୍ୟ। ସର୍ବ ପ୍ରଥମେ ତ, ମୋର ଅନ୍ତରଧାର୍ମିକ ବିବାହକୁ ନେଇ ପ୍ରଶ୍ନଟି ଏଭଳି ଜଣେ ବ୍ୟକ୍ତିଙ୍କଠାରୁ ଆସିଛି ଯିଏ ହୁଏତ ମୋ ବାମ ପାର୍ଶ୍ୱରେ ଥିଲେ।
ମୁଁ ଜଣେ ସାଧାରଣ ବ୍ୟକ୍ତି, ଏବଂ ମଣିଷ ଜିଜ୍ଞାସୁ ହୋଇଥାଏ, ତେଣୁ ମୁଁ ପ୍ରଶ୍ନଟିକୁ ଏଡାଇବାକୁ ଯାଉ ନଥିଲି। ଦ୍ୱିତୀୟରେ, ମୋର ଖ୍ରୀଷ୍ଟିଆନ ବିଶ୍ୱାସ ମୋତେ କୁହେ ଯେ ଗୋସ୍ପେଲ୍ ସତ୍ୟ ଏବଂ ମାନବଜାତି ପାଇଁ ଭଲ। ଏମିତିରେ ମୋ ପତ୍ନୀ ମୋ ଜୀବନର ସବୁଠାରୁ ଆଶ୍ଚର୍ଯ୍ୟଜନକ ଆଶୀର୍ବାଦ" ବୋଲି ସେ କହିଛନ୍ତି।
ତେବେ ଜେଡି ଭାନ୍ସଙ୍କ ଏହି ମନ୍ତବ୍ୟ ଏପରି ଏକ ସମୟରେ ଆସିଛି ଯେତେବେଳେ ଆମେରିକାରେ H-1B ଭିସା ଏବଂ ଭାରତୀୟ ପ୍ରବାସୀମାନଙ୍କୁ ନେଇ ଜାତିଭେଦ ଏବଂ ଘୃଣାପୂର୍ଣ୍ଣ ଭାଷଣ ବୃଦ୍ଧି ପାଇଛି।