Lisa Sthalekar: ମାଆ ବାପା ପିଙ୍ଗିଥିଲେ ଅଳିଆ ଗଦାରେ, ବନିଗଲେ ଶ୍ରେଷ୍ଠ ମହିଳା ଦଳର କ୍ୟାପଟେନ୍

ବିଶ୍ୱର ସର୍ବଶ୍ରେଷ୍ଠ ମହିଳା କ୍ରିକେଟ ଅଲରାଉଣ୍ଡରଙ୍କ ମଧ୍ୟରୁ ଜଣେ ଲିସା ସ୍ଥାଲେକରଙ୍କର। ଜଣେ ଝିଅ ଯାହାକୁ ପିତାମାତାଙ୍କ ଦ୍ୱାରା ଅନାଥ ଆଶ୍ରମ ସମ୍ମୁଖରେ ଥିବା ଅଳିଆ ଗଦାରେ ଫିଙ୍ଗି ଦିଆଯାଇଥିଲା, ସେ ପରବର୍ତ୍ତୀ ସମୟରେ ଅଷ୍ଟ୍ରେଲିଆ କ୍ରିକେଟ୍ ଦଳର ସୁପରଷ୍ଟାର ହୋଇଗଲେ। ଲିସା ୧୩ ଅଗଷ୍ଟ ୧୯୭୯ରେ ପୁଣେରେ ଜନ୍ମ ହୋଇଥିଲେ। ତାଙ୍କ ପିତାମାତା ତାଙ୍କୁ ପୁଣେର ଶ୍ରୀବତ୍ସ ଅନାଥାଶ୍ରମ ବାହାରେ ଏକ ଅଳିଆ ଡବାରେ ଫୋପାଡ଼ି ଦେଇଥିଲେ। କାହାର ଆଶା ନଥିଲା ସେ ବଞ୍ଚିବେ। ହେଲେ ଅନାଥାଶ୍ରମ ତାଙ୍କୁ ଉଦ୍ଧାର କରି ନାମ ଦେଇଥିଲା ଲୈଲା। ସେଠାରୁ ଭାରତୀୟ ବଂଶୋଦ୍ଭବ ଡକ୍ଟର ହରେନ ଏବଂ ତାଙ୍କ ପତ୍ନୀ ସୁ ତାଙ୍କୁ ଗ୍ରହଣ କରି ଆମେରିକା ନେଇଥିଲେ ଆଉ ନାମ ଦେଇଥିଲେ ଲିସା। 
ସିଡନୀରେ, ଏହି ଦମ୍ପତିଙ୍କ ଘରେ ଲିସା ପାଠ ପଢା ସହ କ୍ରିକେଟ ଖେଳିବା ଆରମ୍ଭ କଲେ। ଆଉ ୨୦୦୧ ରେ ଏକ ODI ରେ ଅଷ୍ଟ୍ରେଲିଆ ଟିମ୍ ପାଇଁ ତାଙ୍କର ଅନ୍ତର୍ଜାତୀୟ ଡେବ୍ୟୁ କରିଥିଲେ। ଲିସା ଧୀରେ ଧୀରେ ଅଷ୍ଟ୍ରେଲିଆ ଦଳରେ ନିଜକୁ ପ୍ରତିଷ୍ଠିତ କଲେ ଏବଂ ତିନୋଟି ଫର୍ମାଟ୍ ଖେଳିପାରୁଥିବା ଖେଳାଳି ହେଲେ। ୨୦୦୬ ମସିହାରେ ସେ ଅଷ୍ଟ୍ରେଲିଆ ଦଳର ଅଧିନାୟକା ମଧ୍ୟ ହୋଇଥିଲେ। ଆଉ ୨୦୧୩ ମସିହାରେ ଅବସର ନେଇଥିଲେ। 
ତାଙ୍କର ୧୨ ବର୍ଷର ଅନ୍ତର୍ଜାତୀୟ କ୍ୟାରିଅର୍ ମଧ୍ୟରେ, ଲିସା ଅଷ୍ଟ୍ରେଲିଆ ପାଇଁ ୮ ଟେଷ୍ଟ, ୧୨୫ ଦିନିକିଆ ଏବଂ ୫୪ ଟି୨୦ ଅନ୍ତର୍ଜାତୀୟ ଖେଳିଥିଲେ। ୧୫ ଟେଷ୍ଟ ଇନିଂସରେ, ସେ ୩୨.୦୦ ହାରରେ ୪୧୬ ରନ କରିଥିଲେ ଏବଂ ୨୦.୯୫ ହାରରେ ୨୩ ୱିକେଟ୍ ନେଇଥିଲେ। ଏହା ବ୍ୟତୀତ, ୧୧୧ ଦିନିକିଆ ଇନିଂସରେ, ଲିସା ୩୦.୬୫ ହାରରେ ୨୭୨୮ ରନ କରିଥିଲେ, ଯେଉଁଥିରେ ୨ ଶତକ ଏବଂ ୧୬ ଅର୍ଦ୍ଧଶତକ ଅନ୍ତର୍ଭୁକ୍ତ। ଏହା ସହିତ, ସେ ODI ରେ 24.97 ହାରରେ ୧୪୬ ୱିକେଟ୍ ନେଇଥିଲେ।
୫୦ ଟି-20 ଇନିଂସରେ, ସେ ୨୧.୩୬ ହାରରେ ଏବଂ ୧୦୯.୭୦ ଷ୍ଟ୍ରାଇକ୍ ରେଟ୍ ସହିତ ୭୬୯ ରନ୍ କରିଥିଲେ, ଯେଉଁଥିରେ ଗୋଟିଏ ଅର୍ଦ୍ଧଶତକ ମଧ୍ୟ ସାମିଲ ଥିଲା। ସେ ୧୯.୩୫ ହାରରେ ୬୦ ୱିକେଟ୍ ମଧ୍ୟ ନେଇଥିଲେ। ଲିସା ସ୍ଥାଲେକର ପ୍ରଥମ ମହିଳା କ୍ରିକେଟର ଯିଏ ୧୦୦୦ ରନ ଏବଂ ୧୦୦ ୱିକେଟ୍ ନେଇଛନ୍ତି। ସେ ତାଙ୍କ କ୍ୟାରିଅର୍ ମଧ୍ୟରେ ICC ରାଙ୍କିଙ୍ଗରେ ମଧ୍ୟ ପ୍ରଥମ ସ୍ଥାନ ହାସଲ କରିଥିଲେ ।  

ଅଧିକ ଦେଖନ୍ତୁ: