Ekalavya Award: ବ୍ୟାଡମିଣ୍ଟନ ଖେଳାଳି ଶ୍ୱେତାପର୍ଣ୍ଣା ପଣ୍ଡାଙ୍କୁ ଏକଲବ୍ୟ ପୁରସ୍କାର ପ୍ରଦାନ, ଭାରୋତ୍ତୋଳକ ପ୍ରୀତିସ୍ମିତା ଭୋଇ ଓ ଟେନିସ୍ ଖେଳାଳି ଆହାନ ସମ୍ମାନିତ

ବ୍ୟାଡମିଣ୍ଟନ ଜଗତର ଅନନ୍ୟ ପ୍ରତିଭା ଓଡ଼ିଶାର ଶ୍ୱେତାପର୍ଣ୍ଣା ପଣ୍ଡାଙ୍କୁ ଆଜି ଚଳିତ ବର୍ଷର ୩୩ତମ ଏକଲବ୍ୟ ପୁରସ୍କାର ଭୁବନେଶ୍ବରରେ ପ୍ରଦାନ କରାଯାଇଛି । ତାଙ୍କୁ ଟ୍ରଫି ସହିତ ୭ ଲକ୍ଷ ଟଙ୍କାର ନଗଦ ପୁରସ୍କାର ପ୍ରଦାନ କରାଯାଇଛି । 

ଉପ ବିଜେତା ଭାରୋତ୍ତୋଳକ ପ୍ରୀତିସ୍ମିତା ଭୋଇ ଏବଂ ଟେନିସ୍ ଖେଳାଳି ଆହାନଙ୍କୁ ମଧ୍ୟ ଜାତୀୟ ଏବଂ ଅନ୍ତର୍ଜାତୀୟ ସ୍ତରରେ ଉତ୍ତମ ପ୍ରଦର୍ଶନ ପାଇଁ ସମ୍ମାନିତ କରାଯାଇଛି । ମାନପ‌ତ୍ର ବ୍ୟତୀତ, ପୁରସ୍କାର ପ୍ରଦାନ ଉତ୍ସବରେ ସେମାନଙ୍କୁ ୧ଲକ୍ଷ ୫୦ ହଜାର ଟଙ୍କାର ନଗଦ ପୁରସ୍କାର ରାଶି ପ୍ରଦାନ କରାଯାଇଛି I

ଆଡଭୋକେଟ୍ ଜେନେରାଲ ପୀତାମ୍ବର ଆଚାର୍ଯ୍ୟ ଏହି ଉପଲକ୍ଷେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଏବଂ ମୁଖ୍ୟମନ୍ତ୍ରୀଙ୍କ ପରାମର୍ଶଦାତା ତଥା ପୂର୍ବତନ ପୋଲିସ ମହାନିର୍ଦ୍ଦେଶକ ପ୍ରକାଶ ମିଶ୍ର ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ I ଏକଲବ୍ୟ ପୁରସ୍କାର କମିଟି-୨୦୨୫ର ଅଧ୍ୟକ୍ଷ ତଥା ଇମ୍ପାକ୍ଟ ର ଟ୍ରଷ୍ଟି ସାଂସଦ ବୈଜୟନ୍ତ ପଣ୍ଡା ସମ୍ମାନିତ ଜୁରି ସଦସ୍ୟଙ୍କ ସହିତ ଉପସ୍ଥିତ ଥିଲେ I ଇମ୍ପାକ୍ଟର ଟ୍ରଷ୍ଟି ପାରମିତା ପଣ୍ଡା ଏହି କାର୍ଯ୍ୟକ୍ରମରେ ଧନ୍ୟବାଦ ଅର୍ପଣ କରିଥିଲେ । ପୁରସ୍କାର ବିତରଣ ଉତ୍ସବକୁ ଏକଲବ୍ୟ ପୁରସ୍କାର କମିଟି-୨୦୨୫ର ସଂଯୋଜକ ଏବଂ ଇମ୍ଫା କର୍ପୋରେଟ୍ ବ୍ୟାପାର ମୁଖ୍ୟ ଅଶ୍ବିନୀ ପ୍ରସାଦ ମହାନ୍ତି ପରିଚାଳନା କରିଥିଲେ I

୧୯୯୩ ରୁ ଦିଆଯାଉଛି ଏକଲବ୍ୟ ପୁରସ୍କାର 

୧୯୯୩ ମସିହାରେ ଦେଶର ଅଗ୍ରଣୀ ଫେରୋ ଆଲୟ ଉତ୍ପାଦକ ଇମ୍ଫା ଦ୍ବାରା ପରିଚାଳିତ ଇମ୍ପାକ୍ଟ ଦ୍ବାରା ପ୍ରତିଷ୍ଠିତ ଏକଲବ୍ୟ ପୁରସ୍କାର ଓଡ଼ିଶାର ସବୁଠାରୁ ପ୍ରତିଷ୍ଠିତ କ୍ରୀଡା ପୁରସ୍କାର ଭାବରେ ମାନ୍ୟତା ପାଇବା ପାଇଁ ବହୁତ ବାଟ ଅତିକ୍ରମ କରିଛି, ଯାହା ଅନେକ ଜାତୀୟ ପୁରସ୍କାର ସହିତ ସମାନ I

ପୂର୍ବ ପୁରସ୍କାରପ୍ରାପ୍ତଙ୍କ କ୍ୟାରିଅର ଗ୍ରାଫ ଉପରେ କେବଳ ନଜର ପକାଇଲେ ନିଶ୍ଚିତ ହୁଏ ଯେ ବର୍ଷ ବର୍ଷ ଧରି ଏହା ରାଜ୍ୟର ଶ୍ରେଷ୍ଠ କ୍ରୀଡା ପ୍ରତିଭାଙ୍କ ପାଇଁ ଏକ ନୈତିକ ପ୍ରୋତ୍ସାହନକାରୀ ହୋଇଛି I ପ୍ରତିବର୍ଷ ଏହି ପୁରସ୍କାର ଓଡ଼ିଶାର ଯୁବ କ୍ରୀଡାବିତମାନଙ୍କୁ ପୂର୍ବ ଦୁଇ ବର୍ଷରେ ସେମାନଙ୍କ ଉତ୍କୃଷ୍ଟ ପ୍ରଦର୍ଶନ ପାଇଁ ସ୍ବୀକୃତି ସ୍ବରୂପ ପ୍ରଦାନ କରାଯାଏ। ଇମ୍ପାକ୍ଟର ଏହି ପ୍ରତିଭାଶାଳୀ ଖେଳାଳିମାନଙ୍କୁ ସ୍ବୀକୃତି ଭବିଷ୍ୟତ ପିଢ଼ିକୁ କ୍ରୀଡାରେ ଉତ୍କର୍ଷତା ପାଇଁ ପ୍ରୟାସ କରିବାକୁ ପ୍ରେରଣା ଦିଏ ।