ଇଏ ସେହି ଶୁଭ ମୂହୁର୍ତ୍ତ, ଦିଲ୍ଲୀରୁ ଭର୍ଚୁଆଲରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବୁଜ ପତାକା ଦେଖାଇବା ପରେ ଜଗନ୍ନାଥଙ୍କ ଧାମ ପୁରୀରୁ ପଶ୍ଚିମବଙ୍ଗର ହାୱଡ଼ା ଅଭିମୁଖେ ଗଡ଼ିଥିଲା ବନ୍ଦେ ଭାରତ ଏକ୍ସପ୍ରେସ। ଏଣିକି ପୁରୀ-କୋଲକାତା ଯାତ୍ରା କେବଳ ସାଢ଼େ ୬ ଘଣ୍ଟା ହୋଇଯିବ ଓ ଏହାଦ୍ୱାରା ସମୟ ବଞ୍ଚିବ, କାରବାର ବି ବଢ଼ିବ।
ଲ୍ୟାଣ୍ଡଫଲ ସମୟରେ ପବନର ବେଗ ଘଣ୍ଟାପ୍ରତି ୧୮୦ରୁ ୧୯୫ କିଲୋମିଟର ରହିଥିଲା । ସମୟ ସମୟେ ଏହା ୨୨୦ କିମି ଛୁଇଁଥିଲା। ବାତ୍ୟା ସିନା ଚାଲିଗଲା, ହେଲେ ଦେଇଦେଲା ଅନେକ ଦୁଃଖ.... କାହା ଘରର ଛପର ଉଡାଇ ଦେଲା, ଆଉ କାହା ଘରକୁ ମାଟିରେ ମିଶାଇ ଦେଲା। ଆଉ ପ୍ରକୃତିର ତାଣ୍ଡବ ଦେଖିବା ପରେ ଏବେ ଅଣ୍ଟା ସଳଖୁଛନ୍ତି ବାତ୍ୟା ପ୍ରପୀଡିତ
କାହା ମଥାରେ ଲଗାଇ ଦିଆଯାଉଛି ଫୁଲ ଚନ୍ଦନ...ତ ଆଉ କାହା ଉପରେ କରାଯାଉଛି ପାଣି ସ୍ପ୍ରେ। ହାତରେ ପରିଚୟପତ୍ର ଖଣ୍ଡେ ଖଣ୍ଡେ ଧରି ଲମ୍ବା ଧାଡ଼ିରେ ଅପେକ୍ଷାରତ ଝାରସୁଗୁଡ଼ା ନିର୍ବାଚନମଣ୍ଡଳୀର ମତଦାତା। ଯୁବଠୁ ବୟସ୍କ ଅବା ଦିବ୍ୟାଙ୍ଗ ଭୋଟର। ୪୦ ଡିଗ୍ରୀରୁ ଅଧିକ ତାତିରେ ବି ଉତ୍ସାହର ସହ ନିଜକୁ ସାମିଲ କରିଛନ୍ତି ଗଣତନ୍ତ୍ରର ମହାନ ପର୍ବରେ।
୩ ଦିନିଆ ଓଡ଼ିଶା ଗସ୍ତ ଅବସରରେ ଆସି ଜନ୍ମମାଟି ମୟୁରଭଞ୍ଜରେ ପାଦ ଦେଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ପାହାଡ଼ପୁର ଗାଁରେ ପହଞ୍ଚିଛନ୍ତି ମାଟିର ଝିଅ। ପରିବାର, ବନ୍ଧୁବାନ୍ଧବ, ଆତ୍ମୀୟ ସ୍ବଜନଙ୍କ ସହ ଆପଣାର ଲୋକ ମାନଙ୍କୁ ଭେଟି ଭାବବିହ୍ୱଳ ହୋଇଛନ୍ତି ମାଡାମ ପ୍ରେସିଡେଣ୍ଟ। ପାଖରେ ପାଇ କିଏ ତାଙ୍କୁ ଡାକୁଥିଲେ ଭଉଣୀ ତ ଆଉ ସମ୍ବୋଧନ କରୁଥିଲେ ଭାଣିଜୀ ବୋଲି...
ଜନ୍ମମାଟି ମୟୂରଭଞ୍ଜ ଜିଲ୍ଲାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ବାଦାମପାହାଡ଼ ଅସ୍ଥାୟୀ ହେଲିପ୍ୟାଡରେ ଓହ୍ଲାଇଲେ ରାଷ୍ଟ୍ରପତି । ହେଲିପ୍ୟାଡରୁ ଓହ୍ଲାଇ ଉପସ୍ଥିତ ଲୋକଙ୍କ ଅଭିବାଦନ ଗ୍ରହଣ କଲେ । ରାଷ୍ଟ୍ରପତି ହେବା ପରେ ଦ୍ରୌପଦୀ ମୁର୍ମୁଙ୍କ ଏହା ପ୍ରଥମ ମୟୂରଭଞ୍ଜ ଗସ୍ତ । ୩ ଦିନିଆ ମୟୂରଭଞ୍ଜ ଜିଲ୍ଲା ଗସ୍ତରେ ଆସିଛନ୍ତି ରାଷ୍ଟ୍ରପତି । ହେଲିପ୍ୟାଡରେ ଓହ୍ଲାଇବା ପରେ ରାଷ୍ଟ୍ରପତିଙ୍କୁ ଜୋରଦାର ସ୍ୱାଗତ ସମ୍ବର୍ଦ୍ଧନା କରାଯାଇଛି । ତାଙ୍କୁ ସ୍ୱାଗତ କରିଛନ୍ତି ରାଜ୍ୟପାଳ ରାଜ୍ୟପାଳ ପ୍ରଫେସର ଗଣେଶୀ ଲାଲ। କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ ମଧ୍ୟ ସ୍ୱାଗତ କରିଛନ୍ତି ।
ରାଜଧାନୀରେ କାଳବୈଶାଖୀ ପାଇଁ ପ୍ରବଳ ବର୍ଷା : ଅସରାଏ ବର୍ଷାରେ ଇସ୍କନ ସାମ୍ନାରେ ଜମିଲା ଆଣ୍ଠୁଏ ଉଚ୍ଚର ପାଣି
ମୁଗୁର ନିହଣର ଠକ୍ ଠକ୍ ଶଦ୍ଦରେ ଭିନ୍ନ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ଶ୍ରୀନଅର ସମ୍ମୁଖ ରଥଖଳାର । ରଥଖଳାରେ ତୁମ୍ବରେ ବିନ୍ଧ ଅନୁକୂଳ କରିବା ପରେ ଆଜି ଗୋଟିଏ ଗୋଟିଏ ତୁମ୍ବରେ ୨୬ଯୋଡା ବା ୩୨ଟି ବିନ୍ଧ କରୁଛନ୍ତି ମହାରଣା ସେବକମାନେ । ତିନିରଥର ୪୨ଟି ତୁମ୍ବରେ ୨୩୪୪ଟି ବିନ୍ଧ କରାଯାଉଛି।
ଆଜି ପୁଣି ଥରେ ଟ୍ରାଏଲ ରନ୍ କରିଛି ବନ୍ଦେ ଭାରତ ଏକ୍ସପ୍ରେସ । ଆଜି ସକାଳ ୬.୧୦ ରୁ ହାୱଡାରୁ ବାହାରି ପୂର୍ହ୍ନବା ୯ ଟାରେ ବାଲେଶ୍ୱର ଷ୍ଟେସନରେ ପହଞ୍ଚିଥିଲା ବନ୍ଦେ ଭାରତ ଏକ୍ସପ୍ରେସ୍ । ହେଲେ ପୂର୍ବ ଥର ଭଳି ଏହା ଆଜି ପୁରି ଯାଇନଥିଲା ବରଂ ଆଜି ଟ୍ରେନ୍ ଭଦ୍ରକ ପର୍ଯ୍ୟନ୍ତ ଯାଇ ସେଠାରୁ ମଧ୍ୟାହ୍ନ ୧୧ଟାରେ ପୁଣି ହାୱଡା ଫେରିଥିଲା
ପୁରୀରେ ପ୍ରବଳ ବର୍ଷା : ରଥଖଳାରେ କାମ ଵନ୍ଦ ହେଲା । ଆଜି ସୁତାବାଡିଆ ଯାଇଥାଆନ୍ତା..ବର୍ଷା ଥମିବା ପରେ ସୂତାବାଡିଆ କାମ ସରିବ
ସଫଳତାର ସହ ସରିଲା ପ୍ରଥମ ଟ୍ରାଏଲ୍ ରନ୍। ପୂର୍ବ ନିର୍ଦ୍ଧାରିତ ସମୟ ଅନୁଯାୟୀ ହାୱଡାରୁ ପୁରୀ ପହଞ୍ଚିବାକୁ ଏହାକୁ ଲାଗିଥିଲା ୬ ଘଣ୍ଟା ୨୫ ମିନିଟ। ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଏହି ସେମି ହାଇସ୍ପିଡ୍ ଟ୍ରେନରେ ରହିଛି ଅଟୋମେଟେଡ୍ କ୍ଲୋଜିଂ ଡୋରଠୁ ନେଇ ୧୮୦ ଡିଗ୍ରୀ ଘୁରୁଥିବା ସିଟ୍ ଭଳି ଅନେକ ଅତ୍ୟାଧୁନିକ ବ୍ୟବସ୍ଥା...
ଚାପ ଖେଳିବାକୁ ବିରାଟ ପଟୁଆରରେ ପାଲିଙ୍କିରେ ବିରାଜମାନ କରି ଘଣ୍ଟ କାହାଳିର ଶବ୍ଦରେ ଝୁମି ଝୁମି ଶ୍ରୀମନ୍ଦିରରୁ ବାହାରିଛନ୍ତି ମଦନମୋହନ।
ମା ପାର୍ବତୀଙ୍କୁ ସାଙ୍ଗରେ ନେଇ ଅକ୍ଷୟ ତୃତୀୟା ଠାରୁ ଦୀର୍ଘ ୨୨ ଦିନ ଧରି ବିନ୍ଦୁସାଗରରେ ଜଳକ୍ରୀଡ଼ା କରିବେ ମହାପ୍ରଭୁ ଲିଙ୍ଗରାଜ
ଭଦ୍ରକ ଜିଲ୍ଲା ତିହିଡି ବ୍ଲକ କୁବେର ପଞ୍ଚାୟତ କସଟି ଗାଁରେ ବଜ୍ରପାତ ଯୋଗୁଁ ଘର ଜଳି ଯାଇଥିବା ସୂଚନା ମିଳିଛି । ବିଳମ୍ବିତ ରାତିରେ ଘଟିଛି ଏହି ଘଟଣା ।
ଆଜି ପବିତ୍ର ଅକ୍ଷୟ ତୃତୀୟା । ପ୍ରବଳ ଗରମରୁ ରକ୍ଷା ପାଇଁ ୨୧ ଦିନ ଯାଏଁ ଚାପ ଖେଳିବେ ମହାପ୍ରଭୁ...ଶ୍ରୀକ୍ଷେତ୍ରରେ ଭକ୍ତଙ୍କ ପ୍ରବଳ ଗହଳି
ଆତଙ୍କବାଦୀ ଆକ୍ରମଣରେ ସହିଦ ହୋଇଥିବା ଓଡ଼ିଆ ଯବାନ ଦେବାଶିଷ ବିଶ୍ୱାଳଙ୍କ ପାର୍ଥିବ ଶରୀର ଜନ୍ମମାଟିରେ ପହଞ୍ଚିଛି । ପୁରୀ ଜିଲ୍ଲା ସତ୍ୟବାଦୀର ବୀର ଓଡ଼ିଆ ପୁଅ ଦେବାଶିଷ ବିଶ୍ୱାଳଙ୍କୁ ଶ୍ରଦ୍ଧାଞ୍ଜଳି ଦିଆଯାଉଛି । ସେପଟେ ସହିଦ ହୋଇଥିବା ଅନ୍ୟ ୪ଜଣଙ୍କୁ ପଞ୍ଜାବରେ ଶ୍ରଦ୍ଧାଞ୍ଜଳି ଦିଆଯାଉଛି ।
ଅଲିଭ୍ ରିଡଲେ କଇଁଛଙ୍କର ନିଜ ଜନ୍ମସ୍ଥାନ କହିଲେ ସମୁଦ୍ର ବେଳାଭୂମି। ଏବେ ସମୟ ଆସିଛି... ଅଣ୍ଡାରୁ ଫୁଟି ବାହାରିବା ପରେ କୂଳରେ ବିଚରଣ କରୁଛନ୍ତି ଛୋଟ ଛୋଟ ଅଲିଭ ରିଡଲେ। ଦେଖନ୍ତୁ ଋଷିକୂଲ୍ୟା ବେଳାଭୂମିର କିଛି ଝଲକ୍...
କଲବଲ କଲାଣି ଗ୍ରୀଷ୍ମ ପ୍ରବାହ । ୪୦ ଡିଗ୍ରୀ ଉପରେ ରହୁଛି ରାଜଧାନୀ ଭୁବନେଶ୍ୱର ତାପମାତ୍ରା । ତାତିରୁ ଟିକିଏ ଆଶ୍ୱସ୍ତି ପାଇବକୁ ଗଛ ମୂଳ ପାଲଟିଛି ପଥିକଙ୍କ ସାହାରା । କିଏ ଗଛମୂଳରେ ବସି ରହୁଛି ତ ପୁଣି କିଏ ଟିକିଏ ନିଦରେ ଶୋଇପଡ଼ୁଛି ।
ଆଜି ପବିତ୍ର ମହାବିଷୁବ ସଂକ୍ରାନ୍ତି ଉପଲକ୍ଷେ ବିଭିନ୍ନ ଶକ୍ତିପୀଠଗୁଡିକରେ ଝାମୁଯାତ୍ରା ଦେଖିବାକି ମିଳିଥିଲା। ମାନସିକଧାରୀମାନେ ରଡ ନିଆଁରେ ଚାଲିଥିଲେ। ଆସନ୍ତୁ ଭୁବନେଶ୍ୱରର କେଦାରପଲ୍ଲୀ ବାବୁଜିନଗର ଓ ଶିଶୁଭବନର ତାରିଣୀ ମନ୍ଦିରର ସେଭଳି କିଛି ଦୃଶ୍ୟ ଉପରେ ନଜର ପକେଇ ନେବା।
ଭୁବନେଶ୍ୱର ଉପକଣ୍ଠ ମେଣ୍ଢାଶାଳରେ ଧୂଳିଦଣ୍ଡ ଯାତ୍ରା ପାରମ୍ପରିକ ରୀତିନୀତିରେ ଅନୁଷ୍ଠିତ ହୋଇଯାଇଛି। ଢୋଲ ବାଜାରେ ପ୍ରକମ୍ପିତ ହେଉଛି ସାରା ପରିବେଶ...
ରାଜଧାନୀ ଭୁବନେଶ୍ୱରକୁ ପୁରିଲା ୭୫ ବର୍ଷ। ୩ ଦିନିଆ ଉତ୍ସବ ସହ ପ୍ରତିଷ୍ଠା ଦିବସ ପାଇଁ ବେଶ୍ ଚଳଚଞ୍ଚଳ ରାଜଧାନୀ।
କ୍ଷୀରରୁ ଛେନା ପ୍ରସ୍ତୁତି ପରେ ଏଥିରେ ଅନ୍ୟାନ୍ୟ ଦ୍ରବ୍ୟ ମିଶାଇ ପ୍ରସ୍ତୁତ ହୋଇଥାଏ ସୁଆଦିଆ ଛେନାପୋଡ଼ l ଭାଗ ମାପରେ ବ୍ୟତିକ୍ରମ ହେଲେ ସ୍ୱାଦ ବି ବଦଳିଯାଏ l ନୟାଗଡ଼ ଜିଲ୍ଲାରୁ ପ୍ରତିଦିନ କୁଇଣ୍ଟାଲ କୁଇଣ୍ଟାଲ ଛେନାପୋଡ଼ ରାଜ୍ୟ ଏବଂ ଅନ୍ୟ ରାଜ୍ୟର ବିଭିନ୍ନ ସ୍ଥାନକୁ ପଠାଯାଇଥାଏ l ଓଡ଼ିଶା ସମେତ ବାହାର ରାଜ୍ୟରେ ମଧ୍ୟ ଏବେ ଛେନାପୋଡ଼ର ଚାହିଦା ଅନେକ ରହିଛି l ପୂର୍ବତନ ପ୍ରଧାନମନ୍ତ୍ରୀ, ବର୍ତ୍ତମାନର ରାଷ୍ଟ୍ରପତି ଏବଂ ବଲିଉଡ଼ ଅଭିନେତା ଆଦି ସଭିଁଙ୍କ ପସନ୍ଦ ଏହି ଛେନାପୋଡ଼।
ଇଷ୍ଟର ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀ ସ୍ଥିତ ସାକ୍ରେଡ୍ ହାର୍ଟ କ୍ୟାଥେଡ୍ରଲ କାଥୋଲିକ୍ ଚର୍ଚ୍ଚ ଗସ୍ତ କରି ପ୍ରଭୁ ଯୀଶୁଙ୍କ ଆଶୀର୍ବାଦ ଭିକ୍ଷା କରିଛନ୍ତି
ପବିତ୍ର ଗୁଡ ଫ୍ରାଇଡେ, ଖ୍ରୀଷ୍ଟ ଧର୍ମାବଲମ୍ବୀଙ୍କ ଲାଗି ପବିତ୍ର ଦିନ। ଆଜିର ଦିନରେ ପ୍ରଭୁ ଯୀଶୁଖ୍ରୀଷ୍ଟଙ୍କୁ କ୍ରୁଶବିଦ୍ଧ କରାଯାଇଥିଲା । ସଂସାରରେ ସୁଖ ଶାନ୍ତି ଲାଗି ପ୍ରଭୁ ଯୀଶୁ ଆଜିର ଦିନରେ ପ୍ରାଣବଳୀ ଦେଇଥିଲେ। ପ୍ରଭୁ ଯୀଶୁଙ୍କ ଦେହାନ୍ତର ଏହି ଦିନକୁ ପବିତ୍ର ଦିନ ଭାବେ ପାଳନ କରନ୍ତି। ଭୁବନେଶ୍ୱର ସତ୍ୟନଗର ସ୍ଥିତ ଚର୍ଚ୍ଚ ଠାରେ ଗୁଡ ଫ୍ରାଇଡେ ପାଳନ କରିଛନ୍ତି ଖ୍ରୀଷ୍ଟଧର୍ମାଲମ୍ବୀ।
କଟକ ବାସିନ୍ଦାଙ୍କୁ ବେହାଲ କରିଛି ପଶ୍ଚିମାଝଡ଼ ପ୍ରଭାବରେ ଅଦିନିଆ ବର୍ଷା। ସହରର ଅନେକ ସ୍ଥାନରେ ପ୍ରବଳ ବର୍ଷାରୁ ରାସ୍ତାରେ ପାଣି ଜମିଥିବା ଦେଖିବାକୁ ମିଳିଛି।
ଓଡ଼ିଶାର କଳାହାଣ୍ଡି ଜିଲ୍ଲାର ସଫଳ ଚାଷୀ ଶ୍ରୀ ପଟାଏତ କୁମାର ସାହୁଙ୍କୁ 'ପଦ୍ମଶ୍ରୀ' ଉପାଧି ପ୍ରଦାନ କରୁଛନ୍ତି ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଶ୍ରୀଯୁକ୍ତ ପଟାଏତ, ଔଷଧୀୟ ବୃକ୍ଷ ରୋପଣ ଏବଂ ୩୫୦ ପ୍ରକାର ଔଷଧୀୟ ବୃକ୍ଷ ଚିହ୍ନଟ କରି ଲୋକପ୍ରିୟ ହୋଇପାରିଛନ୍ତି।