Newlywed Woman Taken Away by Lover: ବାହାଘରକୁ ମାତ୍ର ଦୁଇ ଦିନ, ନବବଧୂକୁ ଶାଶୁଘରୁ ଉଠାଇନେଲା ପ୍ରେମିକ

ନବ ବିବାହିତାକୁ ମହିଳାଙ୍କୁ ଶାଶୂ ଘରୁ ଉଠାଇନେଲା ପ୍ରେମିକ। ତନାଘନା କରି ପ୍ରେମିକଙ୍କୁ ଧରିଲା ପୋଲିସ। ଏଭଳି ଏକ ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା କଣ୍ଟାମାଳ ଅଂଚଳରେ। ବାହାଘରର ଦୁଇ ଦିନ ପରେ ପ୍ରେମିକାକୁ ତା ଶାଶୁ ଘରୁ ଉଠେଇ ଆଣିଥିଲା ପ୍ରେମିକ। 

ଅଭିଯୋଗ ପରେ ନବବଧୂ ଓ ତାର ପ୍ରେମିକକୁ ଧରି ଥାନାରେ ଅଟକ ରଖିଛି ବୌଦ୍ଧ କଣ୍ଟାମାଳ ଥାନା ପୋଲିସ। ଗତ ୨୨ ତାରିଖରେ ବଲାଙ୍ଗୀର ଜିଲ୍ଲା ଦେଗାଁ ଥାନା ମୁର୍ସିଙ୍ଗ ଗାଁର ତିଲୁ ଭୋଇଙ୍କ ସହ ମହିଳାଙ୍କ ବିବାହ ହୋଇଥିଲା। ତେବେ ବାହାଘରର ଦୁଇ ଦିନ ପରେ ନବବଧୂ କଣ୍ଟାମାଳର ପ୍ରେମିକ ସୁବାସ ଚନ୍ଦ୍ର ସାହୁ ସହ ଫେରାର ମାରିଥିଲା। 

ଏନେଇ ସ୍ୱାମୀ ତିଲୁ ଭୋଇ ଦେଗାଁ ଥାନାରେ ଏକ ଲିଖିତ ଅଭିଯୋଗ କରିଥିଲେ। ଅଭିଯୋଗ ଆଧାରରେ କଣ୍ଟାମାଳ ପୋଲିସ ପ୍ରେମିକ ସୁବାସ ଏବଂ ନବ ବଧୂକୁ ଥାନାକୁ ଆଣିବା ସହ ଦେଗାଁ ପୋଲିସକୁ ହସ୍ତାନ୍ତର କରିଥିବା ଜଣାଯାଇଛି।