Google Maps Fails: କଟିଗଲା ନେଟୱାର୍କ, କାମ କଲାନି ଗୁଗୁଲ ମ୍ୟାପ୍ ....ସିଧା ପହଞ୍ଚିଗଲେ ମରଣ ମୁହଁରେ

ବାଟବଣା କଲା କି ଗୁଗୁଲ ମ୍ୟାପ୍ ? ହଠାତ୍ ନେଟୱାର୍କ କଟିଯିବାରୁ କାମ କରିନଥିଲା ମ୍ୟାପ୍ । ଅନ୍ଧାର ରାସ୍ତାରେ ଆଉ ବାଟ ପାଇ ନଥିଲେ ଡ୍ରାଇଭର। ଶେଷରେ ଘାଟି ତଳକୁ ଖସି ପଡ଼ିଥିଲା ବନ୍ଧା କୋବି ବୋଝେଇ ଟ୍ରକ।

କନ୍ଧମାଳ-ଗଞ୍ଜାମ ସୀମାନ୍ତ ଗାଜଲବାଡ଼ି ଘାଟିରେ ଘଟିଛି ଏହି ଦୁର୍ଘଟଣା । ଏଥିରେ ଟ୍ରକ ଡ୍ରାଇଭରଙ୍କ ସହ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ପ୍ରଥମେ ଦାରିଙ୍ଗବାଡ଼ି ହସ୍ପିଟାଲ ପରେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।

ଦାରିଙ୍ଗବାଡ଼ି ଅଗ୍ନିଶମ ବାହିନୀ ଦେବଦୂତ ସାଜି ଗୁରୁତର ଡ୍ରାଇଭର ଓ ହେଲପରଙ୍କୁ ଉଦ୍ଧାର କରିଥିଲେ । ମଧ୍ୟପ୍ରଦେଶରୁ ଟ୍ରକଟି ବନ୍ଧା କୋବି ବୋଝେଇ କରି ୫୯ ନମ୍ବର ଜାତୀୟ ରାଜପଥ ଘାଟି ରାସ୍ତା ଦେଇ ଗଞ୍ଜାମ ହିଞ୍ଜିଲିକାଟୁ ଅଭିମୁଖେ ଯାଉଥିଲା। ହଠାତ୍ ନେଟୱାର୍କ ସମସ୍ୟା ଯୋଗୁଁ ଗୁଗୁଲ ମ୍ୟାପ୍ ଧୋକା ଦେଇଥିଲା । ଡ୍ରାଇଭର ଜଣକ ଅନ୍ଧାର ରାତିରେ ବୁଲାଣି ରାସ୍ତାରେ ଭାରସାମ୍ୟ ହରାଇବାରୁ ଟ୍ରକଟି ଘାଟି ତଳକୁ ଖସି ପଡ଼ିଛି। 

ବନ୍ଧା କୋବି ଦେଖି ଯିଏ ପାରିଲା ବୋହି ନେଲା ବସ୍ତା ବସ୍ତା କୋବି। କିଏ ବ୍ୟାଗରେ କିଏ ବସ୍ତାରେ ବୋହିଲେ । ବନ୍ଧା କୋବି ନେବାକୁ ଏକ ପ୍ରତିଯୋଗିତା ଆରମ୍ଭ ହୋଇଯାଇଥିଲା ।

ବାଟବଣା କଲା କି ଗୁଗୁଲ ମ୍ୟାପ୍ ? 
ଗାଜଲବାଡ଼ି ଘାଟିରେ ତଳକୁ ଖସିଲା ବନ୍ଧାକୋବି ବୋଝେଇ ଟ୍ରକ୍
ଡ୍ରାଇଭରଙ୍କ ସହ ଅନ୍ୟ ୨ ଜଣ ଗୁରୁତର, ବ୍ରହ୍ମପୁର ମେଡିକାଲରେ ଭର୍ତ୍ତି
ନେଟୱର୍କ କଟିଯିବାରୁ କାମ କରିନଥିଲା ଗୁଗୁଲ୍ ମ୍ୟାପ୍ 
ଅନ୍ଧାରରେ ଘାଟି ତଳକୁ ଖସି ପଡ଼ିଥିଲା ବନ୍ଧା କୋବି ବୋଝେଇ ଟ୍ରକ