୧୨ରୁ ବଢ଼ିବ ଶୀତ; କୋରାପୁଟ ଓ କନ୍ଧମାଳରେ ସର୍ବାଧିକ ଥଣ୍ତା

ଖସିବ ରାତି ତାପମାତ୍ରା, ବଢ଼ିବ ଶୀତ । ରାଜ୍ୟରେ ଥଣ୍ଡାର ପରିମାଣ ବଢ଼ିବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ଆସନ୍ତା ୧୨ ତାରିଖ ପରେ ରାତିରେ ତାପମାତ୍ରା ଖସିବ, ଫଳରେ ଶୀତର ପରିମାଣ ବି ବଢ଼ିବ। ସେପଟେ ଭୁବନେଶ୍ୱର, କଟକ ସମେତ ଉପକୂଳ ଏବଂ ଅଭ୍ୟନ୍ତରୀଣ ଜିଲ୍ଲାରେ ଥଣ୍ତାର ପରିମାଣ ବଢ଼ିଛି। 

ବିଶେଷ ଭାବେ କୋରାପୁଟ ଓ କନ୍ଧମାଳ ରେ ଅଧିକ ଥଣ୍ଡା ଅନୁଭୂତ ହେଉଛି । ଗତକାଲି ରାତିରେ ରାଜ୍ୟର ସବୁଠୁ ଥଣ୍ଡା ସହର ଥିଲା ସିମିଲିଗୁଡ଼ା । କୋରାପୁଟ ସିମିଲିଗୁଡ଼ାରେ ୧୨ ଦଶମିକ ୮ ଡିଗ୍ରୀ ରେକର୍ଡ ହୋଇଥିବା ବେଳେ କନ୍ଧମାଳ ଜି ଉଦୟଗିରିରେ ୧୩.୪ ଡିଗ୍ରୀ, କୋରାପୁଟ ୧୪ ଏବଂ ଦାରିଙ୍ଗବାଡ଼ିରେ ୧୪.୫ ଡିଗ୍ରୀ ରେକର୍ଡ କରାଯାଇଛି ।