Check PF Balance Without Internet: ବିନା ଇଣ୍ଟରନେଟ୍‌ରେ ଚେକ୍‌ କରନ୍ତୁ PF ବାଲାନ୍ସ ଜାଣନ୍ତୁ ସହଜ ଓ ସରଳ ଉପାୟ...

ଆପଣଙ୍କର ପିଏଫ୍‌ ଆକାଉଣ୍ଟ ଅଛି କି ? ବାଲାନ୍ସ ଚେକ୍‌ କରିବାରେ ସମସ୍ୟା ହେଉଛି କି ? ଆଉ ରହିବନି ଏହି ସମସ୍ୟା ଆସନ୍ତୁ ଜାଣିବା ସହଜ ଓ ସରଳ ଉପାୟ...ପବ୍ଲିକ ପ୍ରୋଭିଡେଣ୍ଟ ଫଣ୍ଡ କିମ୍ବା କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ ହେଉଛି ଏକ ସରକାରୀ ସୁରକ୍ଷା ଯୋଜନା ଯାହାକି EPFO ​​(କର୍ମଚାରୀ ପ୍ରୋଭିଡେଣ୍ଟ ଫଣ୍ଡ ସଂଗଠନ) ଦ୍ୱାରା ପରିଚାଳିତ ହୁଏ । ଏହି ପାଣ୍ଠିରେ, ଦରମା ପ୍ରାପ୍ତ ବ୍ୟକ୍ତିଙ୍କ ବେତନରୁ PF କଟାଯାଇ ସଞ୍ଚୟ କରାଯାଇଥାଏ । ଯେଉଁଠାରେ ସଞ୍ଚୟ ଉଦ୍ଦେଶ୍ୟରେ ଲୋକମାନେ ପିପିଏଫ୍ ଆକାଉଣ୍ଟ ମଧ୍ୟ ଖୋଲନ୍ତି। ଏହି ପାଣ୍ଠିରେ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ଆପଣଙ୍କ ଆକାଉଣ୍ଟରୁ ଟଙ୍କା କଟାଯାଇଥାଏ।

ଯଦି ଆପଣ PF ଆକାଉଣ୍ଟର KYC କରିସାରିଛନ୍ତି, ତେବେ ପ୍ରତି ମାସରେ PF କଟାଯିବା ପରେ ଆପଣ ନିଜ ଫୋନରେ ଆପଣଙ୍କର ବାଲାନ୍ସ ବିଷୟରେ ଜାଣିପାରିବେ । ଆପଣ ମଧ୍ୟ ସମୟ ସମୟରେ ନିଜ PF ବାଲାନ୍ସକୁ ଯାଞ୍ଚ କରିପାରିବେ। ତେବେ ଆପଣ ବି ଇଣ୍ଟରନେଟ୍‌ ସାହାର୍ଯ୍ୟ ରେ ମଧ୍ୟ ବାଲାନ୍ସ ଚେକ୍‌ କରିପାରିବେ। ତେବେ କେମିତି ଚେକ୍‌ କରିବେ ଆସନ୍ତୁ ଜାଣିବା...

ଅଧିକ ପଢ଼ନ୍ତୁ: WhatsAppରେ କରନ୍ତୁ ଏମିତି; ଆପଣଙ୍କୁ କେହି କୌଣସି ଗ୍ରୁପ୍‌ରେ ଆଡ୍ କରିପାରିବେ ନାହିଁ

ମିସ୍‌ କଲ୍‌ ମାଧ୍ୟମରେ ବାଲାନ୍ସ ଜାଣିପାରିବେ...

ଆପଣ ପଞ୍ଜୀକୃତ ମୋବାଇଲ୍ ନମ୍ବରରୁ 011-22901406 ରେ ଏକ ମିସ୍ କଲ ଦେଇ ଆପଣ ବାଲାନ୍ସ ଯାଞ୍ଚ କରିପାରିବେ । ଯଦି UAN ଆପଣଙ୍କର କୌଣସି ବ୍ୟାଙ୍କ ଆକାଉଣ୍ଟ ନମ୍ବର, ଆଧାର, ଏବଂ ପାନ୍ ନମ୍ବର ସହିତ ସଂଯୁକ୍ତ, ତେବେ ଆପଣ ଆପଣଙ୍କର PF ବାଲାନ୍ସ ସହିତ ଶେଷ ଅବଦାନ ସୂଚନା ମଧ୍ୟ ପାଇପାରିବେ । ୟୁନିଫାଏଡ୍ ପୋର୍ଟାଲରେ UAN ସହିତ ଆପଣଙ୍କର ମୋବାଇଲ୍ ନମ୍ବର ସକ୍ରିୟ ହେବା ଆବଶ୍ୟକତା ରହିଛି । ତେବେ ଏଥି ପାଇଁ କୌଣସି ଇଣ୍ଟର୍‌ନେଟ୍‌ ଆବଶ୍ୟକ ନାହିଁ। 

SMS ମାଧ୍ୟମରେ ଏହି ଉପାୟ ଯାଞ୍ଚ କରନ୍ତୁ

ମେସେଜ ମାଧ୍ୟମରେ PF ବାଲାନ୍ସ ମଧ୍ୟ ଯାଞ୍ଚ କରାଯାଇପାରିବ । ଏଥିପାଇଁ ଆପଣଙ୍କୁ EPFO ​​ସହିତ ଆପଣଙ୍କର ପଞ୍ଜୀକୃତ ମୋବାଇଲ୍ ନମ୍ବରରୁ ଏହି ନମ୍ବର 7738299899କୁ ଏକ ମେସେଜ ପଠାଇବାକୁ ପଡିବ। ଆପଣଙ୍କୁ ‘EPFOHO UAN’ ଅର୍ଥାତ୍ ପ୍ରଥମେ EPFOHO ଓ ତାପରେ UANରେ ଦେବାକୁ ପଡିବ । ଏହି ସୁବିଧା ୧୦ ଟି ଭାଷାରେ ଉପଲବ୍ଧ – ଇଂରାଜୀ, ହିନ୍ଦୀ, ପଞ୍ଜାବୀ, ତାମିଲ, ମାଲାୟାଲମ୍, ଗୁଜୁରାଟୀ, ମରାଠୀ, କନ୍ନଡ, ତେଲୁଗୁ ଏବଂ ବଙ୍ଗାଳୀ । ଯଦି ଆପଣ ଇଂରାଜୀ ବ୍ୟତୀତ ଅନ୍ୟ ଭାଷାରେ SMS କରିବାକୁ ଚାହୁଁଛନ୍ତି, UAN ID ପରେ ପ୍ରଥମ ତିନୋଟି ଅକ୍ଷର ଯୋଡନ୍ତୁ । ଉଦାହରଣ ସ୍ୱରୂପ, ଯଦି ଆପଣ ହିନ୍ଦୀରେ ଏକ ମେସେଜ ଚାହୁଁଛନ୍ତି, ତେବେ ଆପଣଙ୍କୁ ଲେଖିବାକୁ ପଡିବ- ‘EPFOHO UAN HIN’। ଏଥି ପାଇଁ ମଧ୍ୟ କୌଣସି ଇଣ୍ଟରନେଟ୍‌ ଆବଶ୍ୟକ ନାହିଁ ।

EPFO ୱେବସାଇଟରେ ମଧ୍ୟ ଯାଞ୍ଚ କରନ୍ତୁ...

ସର୍ବପ୍ରଥମେ ଆପଣଙ୍କୁ EPFO- epfindia.gov.in ର ଅଫିସିଆଲ୍ ୱେବସାଇଟ୍‌କୁ ଲଗ୍ ଇନ୍ କରିବାକୁ ପଡିବ ।

ୱେବସାଇଟ୍‌ର ଉପର ଡାହାଣ ଭାଗରେ, ଆପଣ ଇ-ପାସବୁକ୍‌ର ଲିଙ୍କ୍ ପାଇବେ, ଏଥିରେ କ୍ଲିକ୍ କରନ୍ତୁ ।

ୱେବସାଇଟ୍ ଆପଣଙ୍କୁ EPF ପାସବୁକ୍ ପୃଷ୍ଠା- passbook.epfindia.gov.inକୁ ନେଇଯିବ।

ଏଠାରେ ଆପଣଙ୍କୁ ଆପଣଙ୍କର ୟୁଜର୍ସ ଆଇଡି ‌ଓ ପାସୱାର୍ଡ ଦେବାକୁ ପଡିବ । EPFOରେ ଆପଣଙ୍କର ୟୁଜର ନାମ ହେଉଛି ଆପଣଙ୍କର UAN ଯଥା ୟୁନିଭର୍ସାଲ୍ ଆକାଉଣ୍ଟ୍ ନମ୍ବର।

ଲଗ୍ ଇନ୍ କରିବା ପରେ ଆପଣଙ୍କୁ ଆପଣଙ୍କର ମେମ୍ବର ଆଇଡ଼ିକୁ ଚୟନ କରିବାକୁ ପଡିବ। ଯଦି ଆପଣ ଏକାଧିକ ସଂସ୍ଥାରେ କାର୍ଯ୍ୟ କରିଛନ୍ତି, ଆପଣଙ୍କର ଏକାଧିକ ମେମ୍ବର ଆଇଡ଼ି ରଖିପାରିବେ ।

ମେମ୍ବର ଆଇଡ଼ି ଚୟନ କରି ଆପଣ ଏଠାରେ ଆପଣଙ୍କର EPF ଇ-ପାସବୁକ୍ କିମ୍ବା EPF ପାସବୁକ୍ ଦେଖିପାରିବେ । ଏଥିରେ ଆପଣଙ୍କର PF ବାଲାନ୍ସ ସେଠାରେ ରହିବ।

ଅଧିକ ପଢ଼ନ୍ତୁ: ଏହିସବୁ ଫୋନ୍‌ରେ କାମ କରିବ ନାହିଁ ହ୍ୱାଟ୍ସଆପ୍; ଆପଣ ଏଥିରେ ନାହାନ୍ତି ତ.., ଦେଖନ୍ତୁ ତାଲିକା