IPL Eliminator: ଏଲିମିନେଟର ମ୍ୟାଚ୍‌ରେ ରୋହିତ ଶର୍ମାଙ୍କ ସହ ଓପନିଂ କରିବେ ଏହି ଷ୍ଟାର ବ୍ୟାଟ୍ସମ୍ୟାନ୍‌, ୩ ବର୍ଷ ପରେ IPLରେ ହେଉଛି କମ୍‌ବ୍ୟାକ୍‌

ଆଜି ନ୍ୟୁ ଚଣ୍ଡିଗଡ଼ ଷ୍ଟାଡିୟମରେ ଆଇପିଏଲ ସିଜିନ୍‌ -୧୮ ଏଲିମିନେଟର ମ୍ୟାଚ୍‌ ଖେଳାଯିବ । ମୁମ୍ବାଇ ଇଣ୍ଡିଆନ୍ସ ଓ ଗୁଜରାଟ ଟାଇଟନ୍ସ ମଧ୍ୟରେ ଏହି ମ୍ୟାଚ୍‌ ଖେଳାଯିବ । ତେବେ ଆଜିର ଏହି ହାଇଭୋଲଟେଜ୍‌ ମ୍ୟାଚ୍‌ରେ ମୁମ୍ବାଇ ପକ୍ଷରୁ ରୋହିତ ଶର୍ମାଙ୍କ ସହ ଓପନିଂ କରିପାରନ୍ତି ଜନି ବେୟାରଷ୍ଟୋ । ଯଦି ଆଜିର ମ୍ୟାଚ୍‌ରେ ବେୟାରଷ୍ଟୋଙ୍କୁ ସୁଯୋଗ ମିଳେ ତେବେ ସେ ତିନି ବର୍ଷ ପରେ ପୁଣି ଥରେ ଆଇପିଏଲ ମ୍ୟାଚ୍‌ ଖେଳିବେ ।

ଅଧିକ ପଢ଼ନ୍ତୁ: ୯ ବର୍ଷ ପରେ ଆଇପିଏଲ ଫାଇନାଲରେ RCB

ଆଇପିଏଲ ପ୍ଲେ ଅଫ୍‌ ପୂର୍ବରୁ ମୁମ୍ବାଇକୁ ବଡ଼ ଝଟକା ଲାଗିଥିଲା । ବିଶ୍ୱ ଟେଷ୍ଟ ଚାମ୍ପିଅନ୍‌ସିପ୍‌ ଫାଇନାଲ ପାଇଁ ରିଆନ୍‌ ରିକେଲଟନ୍‌, ୱିଲ୍ ଜ୍ୟାକ୍ସ ଓ କୋର୍ବିନ୍‌ ବୋଶ୍‌ ମୁମ୍ବାଇ ଛାଡ଼ିଥିଲେ । ତେବେ ଏହି ତିନି ଜଣଙ୍କ ବଦଳରେ ମୁମ୍ବାଇ ଜନି ବେୟାରଷ୍ଟୋ, ଚାରିଥ୍ ଅସଲାଙ୍କା ଏବଂ ରିଚାର୍ଡ ଗ୍ଲିସନ୍‌ଙ୍କୁ ଅସ୍ଥାୟୀ ଭାବରେ ଦଳରେ ସାମିଲ କରିଥିଲା ।

ପ୍ଲେ ଅଫ୍ ମ୍ୟାଚ୍ ପାଇଁ ମୁମ୍ବାଇ ଇଣ୍ଡିଆନ୍ସ ଇଂଲଣ୍ଡର ଜନି ବେୟାରଷ୍ଟୋଙ୍କୁ ୫.୨୫ କୋଟି ଟଙ୍କାରେ ନିଜ ଦଳରେ ସାମିଲ କରିଛି। ସେ ତାଙ୍କ ନିଜ ଦେଶର ବ୍ୟାଟ୍ସମ୍ୟାନ୍‌ ୱିଲ୍ ଜ୍ୟାକ୍ସଙ୍କ ସ୍ଥାନ ନେଇଛନ୍ତି । ତେବେ ଆଜି ଏଲିମିନେଟର ମ୍ୟାଚ୍‌ରେ ବେୟାରଷ୍ଟୋଙ୍କୁ ୱିକେଟକିପର ବିକଳ୍ପ ଭାବରେ ଦଳରେ ସାମିଲ କରାଯାଇପାରେ ।

ସେପଟେ ଜନି ବେୟାରଷ୍ଟୋ ତିନି ବର୍ଷ ପରେ ତାଙ୍କର ପ୍ରଥମ IPL ମ୍ୟାଚ୍ ଖେଳିବାକୁ ପ୍ରସ୍ତୁତ ହେଉଛନ୍ତି । ସେ ୨୦୨୩ ଏବଂ ୨୦୨୪ରେ ପଞ୍ଜାବ କିଙ୍ଗ୍ସ ଦଳରେ ଥିଲେ, କିନ୍ତୁ ତାଙ୍କୁ ଗୋଟିଏ ବି ମ୍ୟାଚ୍ ଖେଳିବାର ସୁଯୋଗ ମିଳିନଥିଲା । ତେବେ ୩୫ ବର୍ଷୀୟ ବେୟାରଷ୍ଟୋଙ୍କର IPLରେ ଏକ ଭଲ ରେକର୍ଡ ଅଛି । ସେ ୨୦୧୯ ରୁ ୨୦୨୧ ମଧ୍ୟରେ ସନରାଇଜର୍ସ ହାଇଦ୍ରାବାଦ ପାଇଁ ତାଙ୍କର ଚମତ୍କାର ପ୍ରଦର୍ଶନ କରିବା ସହିତ ନିଜର ଛାପ ଛାଡ଼ିଥିଲେ।

ବେୟାରଷ୍ଟୋ ୨୦୧୯ ସିଜିନରେ SRH ପାଇଁ ୧୦ଟି ମ୍ୟାଚ୍ ଖେଳି ୪୪୫ ରନ୍ କରିଥିଲେ, ଯେଉଁଥିରେ ଗୋଟିଏ ଶତକ ଏବଂ ଦୁଇଟି ଅର୍ଦ୍ଧଶତକ ସାମିଲ ଥିଲା। ସେହି ସିଜିନରେ ବେୟାରଷ୍ଟୋ ୧୫୭.୧୪ ଷ୍ଟ୍ରାଇକ୍ ରେଟରେ ସ୍କୋର କରିଥିଲେ । ମୋଟାମୋଟି ଭାବରେ, ବେୟାରଷ୍ଟୋ ୩୯ଟି IPL ମ୍ୟାଚ୍‌ ଖେଳି ୩୫.୮୬ ହାରରେ ୧୨୯୧ ରନ୍ କରିଛନ୍ତି ।

ବେୟାରଷ୍ଟୋ ଶେଷ ଥର ପାଇଁ ଫେବୃଆରୀରେ ଜୋବର୍ଗ ସୁପର କିଙ୍ଗ୍ସ ସହିତ ଏକ ଟି-୨୦ ମ୍ୟାଚ୍ ଖେଳିଥିଲେ। ୨୦୨୫ ସଂସ୍କରଣରେ ବେୟାରଷ୍ଟୋ ଜେଏସକେ ପାଇଁ ୧୦ ଇନିଂସରେ ଗୋଟିଏ ଅର୍ଦ୍ଧଶତକ ସହିତ ୨୩୨ ରନ୍ କରିଥିଲେ।

ଅଧିକ ପଢ଼ନ୍ତୁ: ଆଇପିଏଲର ଓଣ୍ଡର କିଡଙ୍କୁ ଭେଟିଲେ ନରେନ୍ଦ୍ର ମୋଦି, ଏକ୍ସରେ କଲେ ପ୍ରଶଂସା