ମହିଳାଙ୍କ ପ୍ରତି ହେଉଥିବା ଅତ୍ୟାଚାର ଏବଂ ଅପରାଧ ସହ ଜଡିତ ଖବର ନିତି ପ୍ରତିଦିନ ଶୁଣିବା ପାଇଁ ମିଳେ । ଦୁନିଆର କୋଣ ଅନୁକୋଣରେ କେଉଁଠି ନା କେହଁଠି ଅତ୍ୟାଚାର ଏବଂ ଅପରାଧ ହେତୁ ଅନେକ ଯନ୍ତ୍ରଣାଦାୟକ କାହାଣୀ ଏପର୍ଯ୍ୟନ୍ତ ପୋତି ହୋଇ ରହିଛି । କେତେବେଳେ ଲୋକଲଜ୍ଜାରେ ତ କେତେବଳେ ସମାଜ ଭୟରେ ନାରୀମାନେ ଚୁପଚାପ୍ ନିର୍ଯାତନା ସିହଯାଆନ୍ତି । ଆଉ ସେଇଥି ପାଇଁ ବୋଧହୁଏ ମହିଳାଙ୍କୁ ଅପମାନିତ କରିବା ଏବଂ ସେମାନଙ୍କ ଉପରେ ହାତ ଉଠାଇବା ପୁରୁଷଙ୍କ ପାଇଁ ଅତି ସାଧାରଣ ମନେ ହୁଏ । ବର୍ତ୍ତମାନ ଇଣ୍ଟରନେଟରେ ଏପରି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ବିବାହ ରୀତିନୀତି ଚାଲିଥିବା ବେଳେ ମଞ୍ଚ ଉପରେ ସର୍ବସାଧାରଣରେ କନ୍ୟାକୁ ଚାପୁଡ଼ା ମାରିଛି ବର ।
Also Read
In Uzbekistan, groom hit the bride right at the wedding in front if guests, relatives, families from both sides. Noone stopped him, noone to defend her.
Footage shows the couple participated in game, after which he hit her.We need an @WomanTreaty urgently pic.twitter.com/rgjtc4qM2W— Leila Nazgul Seiitbek💙💛🇰🇬🌻 (@l_seiitbek) June 12, 2022
ଭାଇରାଲ୍ ଭିଡିଓ ଟି ଉଜବେକିସ୍ତାନର ବୋଲି କୁହାଯାଉଛି । ବାହାବେଦୀ ଉପରେ ସର୍ବସାଧାରଣରେ କନ୍ୟାକୁ ଚାପୁଡ଼ା ମାରୁଛି ବର । ଆଉ ଏଥିରେ କନ୍ୟା ଜଣକ ପୁରା ସ୍ତବ୍ଧ ହୋଇଯାଉଛନ୍ତି । କାରଣ ଯାହାର ହାତ ଧରି ସେ ଜନ୍ମଜନ୍ମାନ୍ତର ଜୀବନ ବିତାଇବା ପାଇଁ ଚାହୁଁଥିଲେ, ସେ ହିଁ ମାନ ରଖିଲାନି । ତେବେ ବରର ଏତାଦୃଶ କାମରେ କନ୍ୟାକୁ ଛାଡ଼ି ଅନ୍ୟମାନେ ଜୋରରେ ହସିବା ଆରମ୍ଭ କରିଥିଲେ।
ଅଧିକ ପଢ଼ନ୍ତୁ: ନିଶାରେ ବେଦୀ ଉପରେ ଶୋଇପଡ଼ିଲା ବର, କନ୍ୟା ଦେଖି ଛାନିଆ..! ଦେଖନ୍ତୁ ଭିଡିଓ
ସୂଚନା ଅନୁସାରେ, ବିବାହ ରୀତିନୀତି ଅନୁସାରେ ମଞ୍ଚ ଉପରେ ବରକନ୍ୟା ମଧ୍ୟରେ ଏକ ଖେଳ ଚାଲିଥିଲା । ଆଉ ବର ବାବୁ ଖେଳରେ ହାରିଯିବା ପରେ ହିତାହିତ ଜ୍ଞାନ ହରାଇ ବସିଥିଲେ । ଆଉ ସମସ୍ତଙ୍କ ସାମ୍ନାରେ ସ୍ତ୍ରୀକୁ ଚାପୁଡ଼ା ମାରି ରାଗ ଶୁଝାଇବାକୁ ଚେଷ୍ଟା କରିଥିଲେ ।
ଆଶ୍ଚର୍ଯ୍ୟର କଥା ଏଥିରେ କନ୍ୟା ଘର ଲୋକ ମଧ୍ୟ କିଛି କହିନଥିଲେ । କନ୍ୟା ବି ବିବାହ ବଞ୍ଚାଇବା ପାଇଁ ଚୁପ୍ ରହିଥିଲେ । ନିଜର ଅଧିକାର ପାଇଁ ସ୍ୱର ଉତ୍ତୋଳନ କରିପାରିନଥିଲେ ।
ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ @l_seiitbek ନାମକ ଆଇଡିରୁ ସେୟାର କରାଯାଇଛି । ମାତ୍ର ୩୦ ସେକେଣ୍ଡର ଏହି ଭିଡିଓ ଏପର୍ଯ୍ୟନ୍ତ ୧.୭ ମିଲିୟନ୍ ଥର ଦେଖାଯାଇଥିବାବେଳେ ୭୭,୦୦୦ ରୁ ଅଧିକ ଲୋକ ଏହି ଭିଡିଓକୁ ଲାଇକ୍ କରିଛନ୍ତି । ତେବେ ଏହି ଭିଡିଓ ନୂଆ ନୁହେଁ ଏକ ପୁରୁଣା ଭିଡିଓ । ଗତ ବର୍ଷ ଜୁନ୍ ୧୩ରେ ଏହି ଭିଡିଓକୁ ସେୟାର କରାଯାଇଥିଲା । ତେବେ ବର୍ତ୍ତମାନ ଏହି ଭିଡିଓ ପୁଣି ଥରେ ଭାଇରାଲ୍ ହେଉଛି।
ଅନ୍ୟପକ୍ଷରେ ଭିଡିଓ ଦେଖିବା ପରେ ଅନେକ ୟୁଜର ନିଜର ଅସନ୍ତୋଷ ପ୍ରକାଶ କରିଛନ୍ତି । ବାହାବେଦୀରେ ହିଂସା ଘଟାଇଥିବା ବର ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରାଯାଇଛି । ଜଣେ ୟୁଜର ଲେଖିଛନ୍ତି, ଯଦି ଜୀବନର ସବୁଠାରୁ ସୁନ୍ଦର ମୁହୂର୍ତ୍ତ ଏପରି ଘଟଣାରୁ ଆରମ୍ଭ ହୁଏ ତେବେ ବାକି ଜୀବନ କିପରି ଯିବ ? ଅନ୍ୟ ଜଣେ ୟୁଜର୍ ଲେଖିଛନ୍ତି, 'କନ୍ୟା ତୁରନ୍ତ ଏହି ବିବାହ ଭାଙ୍ଗିଦେବା ଉଚିତ୍।'