Sonu Nigam: ସୋନୁ ନିଗମ ଦେଲେ ପିଜ୍ଜା ଅର୍ଡର, ଷ୍ଟାଫ ରଖିଲେ ଅଜବ ସର୍ତ୍ତ...ଦେଖନ୍ତୁ ଏହି ଭିଡିଓ

ସୋସିଆଲ ମିଡିଆରେ ଏପରି ଅନେକ ଭିଡିଓ ଭାଇରାଲ ହୁଏ, ଯାହା ଦେଖିବାକୁ ବହୁତ ମଜାଦାର ହୋଇଥାଏ। ଏହି ଭିଡିଓଗୁଡ଼ିକରେ ନା ନାଚ ଥାଏ ନା କୌଣସି ଅଭିନୟ। ତଥାପି, ଏହି ଭିଡିଓଗୁଡ଼ିକୁ ଶେଷ ପର୍ଯ୍ୟନ୍ତ ଦେଖିବା ପାଇଁ ୟୁଜର୍ସମାନେ ବାଧ୍ୟ ହୁଅନ୍ତି। ଏଗୁଡ଼ିକୁ ପ୍ରାଙ୍କ ଭିଡିଓ କୁହାଯାଏ। ଏପରି ଏକ ପ୍ରାଙ୍କ ଭିଡିଓ ସାମ୍ନାକୁ ଆସିଛି, ଯାହାକୁ ଆପଣ ନିଶ୍ଚିତ ଦୁଇ ଥର ଦେଖିବେ।

ଗାୟକ ସୋନୁ ନିଗମ ପିଜ୍ଜା ଅର୍ଡର କରିବା ପାଇଁ ଫୋନ କରିଥିଲେ ଏବଂ ଯେତେବେଳେ ଅର୍ଡର ନେଉଥିବା ଝିଅଟି ଜାଣିଲା ଯେ ସେ ସୋନୁ ନିଗମଙ୍କ ପିଜ୍ଜା ଅର୍ଡର ନେଉଛି, ତାଙ୍କର ଖୁସିର ସୀମା ନଥିଲା। ଆସନ୍ତୁ ଜାଣିବା ଭିଡିଓରେ କ’ଣ କ’ଣ ହୋଇଥିଲା?

ଏହି ଭିଡିଓରେ ଆପଣ ଜଣେ ଯୁବକଙ୍କୁ ଦେଖିବେ ଯିଏ ସୋନୁ ନିଗମଙ୍କ ସ୍ୱରରେ ପିଜ୍ଜା ଅର୍ଡର କରୁଛନ୍ତି। ହଁ, ଅସଲି ସୋନୁ ନିଗମ ନୁହେଁ, ବରଂ ତାଙ୍କ ସ୍ୱରର ନକଲ କରୁଥିବା ଜଣେ ବ୍ୟକ୍ତି ପିଜ୍ଜା ଅର୍ଡର କରିଥିଲେ। ସେହି ବ୍ୟକ୍ତି ତାଙ୍କ ଫୋନକୁ ସ୍ପିକରରେ ରଖି ପିଜ୍ଜା ଷ୍ଟାଫ ସଦସ୍ୟଙ୍କ ସହ କଥା ହୋଇଥିଲେ। ଯେତେବେଳେ ଷ୍ଟାଫ ସଦସ୍ୟ ନାମ ପଚାରିଲେ ତେବେ ସେ କହିଲେ ସୋନୁ ନିଗମ।

ଷ୍ଟାଫ ସଦସ୍ୟ କହିଲେ, ସୋନୁ ନିଗମ, ମାନେ ଗାୟକ ସୋନୁ ନିଗମ, ତେବେ ଏହା ଉପରେ ସେହି ବ୍ୟକ୍ତି କହିଲେ ହଁ, ହଁ, ତେବେ ଏତିକି ଶୁଣି ଷ୍ଟାଫ ସଦସ୍ୟ ଖୁସି ହୋଇଯାଇଥିଲେ ଏବଂ ସୋନୁ ନିଗମଙ୍କ ସ୍ୱର ନକଲ କରୁଥିବା ଏହି ବ୍ୟକ୍ତିଙ୍କୁ ଗୋଟିଏ ଗୀତ ଶୁଣାଇବାକୁ କହିଲେ । ଏହି ବ୍ୟକ୍ତି ମଧ୍ୟ ଗାୟକଙ୍କ ସ୍ୱରରେ ଫିଲ୍ମ ପରମ ସୁନ୍ଦରୀର ଗୀତଟି ଏତେ ସୁନ୍ଦର ଭାବେ ଗାଇଲେ ଯେ ଷ୍ଟାଫ ସଦସ୍ୟଙ୍କୁ ବିଶ୍ୱାସ ହେଲା ଯେ ସେ ସୋନୁ ନିଗମ

View this post on Instagram

A post shared by Shivang Upadhyay (@shivofi)

ଏବେ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଉଛି ଏବଂ ଲୋକମାନେ ଏହାକୁ ବହୁତ ଲାଇକ୍ କରୁଛନ୍ତି। ଏହି ଭିଡିଓରେ ବର୍ତ୍ତମାନ ୬୦ ହଜାରରୁ ଅଧିକ ଲାଇକ୍ ଏବଂ ୯ ଲକ୍ଷରୁ ଅଧିକ ଭ୍ୟୁ ହୋଇଛି।

ଶିବ ନାମକ ଏହି କଣ୍ଟେଣ୍ଟ କ୍ରିଏଟର ଅନେକ ଗାୟକଙ୍କ ଅନ୍ଦାଜରେ ଗୀତ ଗାଇବା ପାଇଁ ଲୋକପ୍ରିୟ । ଏହି ପ୍ରାଙ୍କ ଭିଡିଓରେ ଜଣେ ୟୁଜର୍ସ ଲେଖିଛନ୍ତି, 'ସ୍କ୍ରିପ୍ଟେଡ୍, କିନ୍ତୁ ଭଲ ଅଛି'। ଦ୍ୱିତୀୟ ୟୁଜର୍ସ ଲେଖିଛନ୍ତି, 'ସ୍କ୍ରିପ୍ଟ ଭଲ ନଥିଲା, କିନ୍ତୁ ଗାଇଥିବା ଗୀତ ବହୁତ ମଜାଦାର ଥିଲା ଭାଇ'। ତୃତୀୟ ୟୁଜର୍ସ ଲେଖୁଛନ୍ତି କିଏ ବିଶ୍ୱାସ କରିବ ନାହିଁ ଯେ ଏହା ସୋନୁ ନିଗମ ନୁହେଁ'। ଆଉ ଜଣେ ଲେଖିଛନ୍ତି, 'ପୁଅଠୁ ଭଲ ଅଭିନୟ ଝିଅର ଲାଗିଲା, କିନ୍ତୁ ସ୍ୱରରେ ଦମ୍ ଅଛି ଭାଇର'।