Baaghi 4 Trailer:କେତେବେଳେ ଗଜନୀ ତ କେତେବେଳେ ଆନିମଲ...ଟାଇଗରଙ୍କ ଏଭଳି ଆକ୍ସନ ପୂର୍ବରୁ କେବେ ଦେଖିନଥିବେ

ବଲିଉଡ୍ ଅଭିନେତା ଟାଇଗର ଶ୍ରଫଙ୍କ ବହୁ ପ୍ରତୀକ୍ଷିତ ଫିଲ୍ମ 'ବାଗୀ ୪'ର ଟ୍ରେଲର ରିଲିଜ୍ ହୋଇଛି। ଟାଇଗର ଶ୍ରଫ ଏହାକୁ ତାଙ୍କ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି। ଏହା ସହିତ ସେ ଲେଖିଛନ୍ତି, "ଏହିଠୁ ଆରମ୍ଭ ହେଉଛି ବର୍ଷର ସବୁଠାରୁ ରକ୍ତାକ୍ତ ପ୍ରେମ କାହାଣୀ... ଏଠାରେ ପ୍ରତ୍ୟେକ ପ୍ରେମିକ ଜଣେ ଖଳନାୟକ।" ଟ୍ରେଲରର ଆରମ୍ଭ ଏକ ଆକର୍ଷଣୀୟ ସଂଳାପରୁ ହେଉଛି, "ପ୍ରେମ କାହାଣୀ ତ ଶୁଣିଥିଲି, ପଢ଼ିଥିଲି, କିନ୍ତୁ ଏପରି ଆକ୍ସନ-ପ୍ୟାକ୍ ପ୍ରେମ କାହାଣୀ ଜୀବନରେ ପ୍ରଥମ ଥର ଦେଖିଲି। ରୋମିଓ... ମଜନୁ... ରାଞ୍ଝା... ସମସ୍ତଙ୍କୁ ବିଫଳ କରିଦେଲା... ଜଣେ ବାଗୀ।" ଏହି ସଂଳାପରରେ ଟାଇଗରଙ୍କର ଦମଦାର ଆକ୍ସନ ଦେଖିବାକୁ ମିଳୁଛି, ଯାହା ତାଙ୍କ ପ୍ରଶଂସକଙ୍କ ପାଇଁ ଏକ ଉପହାର ଠାରୁ କମ୍ ନୁହେ।

ଟାଇଗର ଏହି ଚଳଚ୍ଚିତ୍ରରେ 'ରନି' ନାମକ ଜଣେ ଯୁବକର ଚରିତ୍ରରେ ଅଭିନୟ କରୁଛନ୍ତି, ଯିଏ ହୃଦୟରୁ ଅତ୍ୟନ୍ତ ଆବେଗପ୍ରବଣ ଏବଂ ପ୍ରେମ ପାଇଁ ଯେକୌଣସି ସୀମା ପାର କରିବାକୁ ପ୍ରସ୍ତୁତ । ରନି ଅଲିଶା ନାମକ ଜଣେ ଝିଅକୁ ଭଲ ପାଉଛି, ଯାହାଙ୍କ ଚରିତ୍ରରେ ମିସ୍ ୟୁନିଭର୍ସ ୨୦୨୧ର ହରନାଜ ସାନ୍ଧୁ ଅଭିନୟ କରିଛନ୍ତି।

ଅନ୍ୟପକ୍ଷରେ, ସୋନମ ବାଜୱା ରନିର ବନ୍ଧୁ ଭାବରେ ଦେଖାଦେଇଛନ୍ତି, ଯିଏ କାହାଣୀରେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛନ୍ତି। ଟ୍ରେଲରରେ ଟାଇଗରଙ୍କର ଆଉ ଏକ ଦମଦାର ସଂଳାପ ରହିଛି, ଯେତେବେଳେ କେହି ତାଙ୍କୁ ପଚାରିଛି, "ତୋର ମୁଣ୍ଡ ହଲି ଯାଇଛି କି? ଟାଇଗର ଉତ୍ତର ଦେଇଛନ୍ତି ମନ ନୁହେ... ହୃଦୟ।

ଟ୍ରେଲରରେ ଅନେକ ଏପରି ମୋଡ଼ ଆସୁଛି, ଯେଉଁଠାରେ ଦର୍ଶକ ଭାବୁଛନ୍ତି ଯେ ଯାହା ଦେଖାଯାଉଛି, ତାହା ବାସ୍ତବ ନା ରନିର ଭ୍ରମ। ଟାଇଗରଙ୍କୁ ଅନେକ ସ୍ଥାନରେ ଭାଙ୍ଗି ପଡୁଥିବା ଏବଂ କାନ୍ଦୁଥିବା ଦେଖାଯାଇଛି, ଯାହାଦ୍ୱାରା ତାଙ୍କର ଆବେଗପ୍ରବଣ ପାର୍ଶ୍ୱ ମଧ୍ୟ ଦେଖାଯାଉଛି।

ଏହା ମଧ୍ୟରେ ହରନାଜଙ୍କର ଏକ ସଂଳାପ ହୃଦୟକୁ ଛୁଇଁଯାଉଛି, ଯେଉଁଥିରେ ସେ କହୁଛନ୍ତି ରନି ମୋତେ ଭୁଲି ପାରିବ ନାହିଁ। ଉଭୟଙ୍କ ମଧ୍ୟରେ ରୋମାନ୍ସ , ରୋମାଣ୍ଟିକ ମୁହୂର୍ତ୍ତଗୁଡ଼ିକ କାହାଣୀକୁ ଆହୁରି ଆକର୍ଷଣୀୟ କରୁଛି। ଆଉ ଏକ ବଡ଼ ସରପ୍ରାଇଜ ହେଉଛନ୍ତି ସଞ୍ଜୟ ଦତ୍ତଙ୍କର ଦମଦାର ଏଣ୍ଟ୍ରି ।

ସୋନମ ବାଜୱା କେବଳ ବନ୍ଧୁ ଚରିତ୍ରରେ ନାହାନ୍ତି, ବରଂ ଆକ୍ସନ କରୁଥିବା ମଧ୍ୟ ଦେଖାଯାଇଛନ୍ତି। ସେ ଶତ୍ରୁମାନଙ୍କ ସହିତ ଲଢୁଛନ୍ତି ଏବଂ ଆକ୍ସନରେ ଟାଇଗରଙ୍କ ସାଙ୍ଗରେ ଦେଖାଯାଉଛନ୍ତି। ଟ୍ରେଲରର ଶେଷ ଭାଗରେ ଟାଇଗରଙ୍କର ଆଉ ଏକ ଦମଦାର ସଂଳାପ ଶୁଣାଯାଉଛି, "ତୁମର ଏହି ଟର୍ଚର ହେଉଛି ମୋର ୱାର୍ମ ଅପ୍।"

ଟ୍ରେଲରରେ ଟାଇଗର ଏକାସାଙ୍ଗରେ ହଜାରେ ଗୁଣ୍ଡାଙ୍କ ସହିତ ଲଢୁଥିବା ଦେଖାଯାଇଛନ୍ତି। ଅନେକ ସ୍ଥାନରେ ସେ ଏତେ ଭୟଙ୍କର ଅନ୍ଦାଜରେ ଲଢୁଛନ୍ତି ଯେ କିଛି ଦୃଶ୍ୟ ଆପଣଙ୍କୁ ରୋମାଞ୍ଚିତ କରିବ । 'ବାଗୀ ୪'ର ନିର୍ମାଣ ସାଜିଦ ନାଦିଆୱାଲା ଏବଂ ନିର୍ଦ୍ଦେଶନା ଏ. ହର୍ଷ କରିଛନ୍ତି। ଏହି ଚଳଚ୍ଚିତ୍ର ସେପ୍ଟେମ୍ବର ୫ ତାରିଖରେ ସିନେମା ହଲ୍‌ରେ ରିଲିଜ୍ ହେବ।