LIVE TV
ନବ ଦାସ ହତ୍ୟା ପ୍ରସଙ୍ଗରେ ବିଜେପି ନେତା ତଥା ପୂର୍ବତନ ଡିଜିପି ପ୍ରକାଶ ମିଶ୍ରଙ୍କ ବଡ଼ ପ୍ରଶ୍ନ । ପ୍ରକୃତ ମୃତ୍ୟୁ ସମୟ କାହିଁକି ଲୁଚା ଗଲା ବୋଲି ପ୍ରଶ୍ନ କଲେ ପ୍ରକାଶ । କହିଲେ ଗୋପାଳ ଦାସକୁ ମାନସିକ ରୋଗୀ ପ୍ରମାଣ ପାଇଁ ପ୍ରସ୍ତୁତି ଚଳାଇଛନ୍ତି ସରକାର । ଏହା ଅତ୍ୟନ୍ତ ଆଶ୍ଚର୍ଯ୍ୟର କଥା ଯେ, ପାଗଳ ପ୍ରମାଣ ପାଇଁ ପ୍ରସିକ୍ୟୁସନ ପକ୍ଷରୁ ଚେଷ୍ଟା ଚାଲିଛି ।
Also Read
ସେ ଆହୁରି କହିଛନ୍ତି, ‘ ନବ ଦାସ ଙ୍କ ଛାତିରେ ଗୁଳି ବାଜି ଆରପଟେ ବାହାରି ଯାଇଥିବା କୁହାଯାଉଛି । ଏମିତିକି ଖବର ଅନୁସାରେ ଏପର୍ଯ୍ୟନ୍ତ ସେ ଗୁଳିଟି ମିଳିପାରିନାହିଁ । ହୃତପିଣ୍ଡରେ ଗୁଳି ବାଜିଲେ କିଛି ମିନିଟ ଭିତରେ ମୃତ୍ୟୁ ଘଟିବ । କିନ୍ତୁ ଭୁବନେଶ୍ୱର ରେ ରାତି ୮ଟାରେ ନବ ଦାସଙ୍କ ମୃତ୍ୟୁ ଘଟିଥିବା କୁହାଗଲା । ମୃତ୍ୟୁ ଘୋଷଣାରେ ବିଳମ୍ବ ପାଇଁ ଦାୟୀ କିଏ ବୋଲି ପ୍ରଶ୍ନ କଲେ ପ୍ରକାଶ । ଏହା ପଛରେ କି ଷଡ଼ଯନ୍ତ୍ର ରହିଛି ? ମୃତ୍ୟୁ ସମୟ ଲୁଚା ଯିବା ସଂପର୍କରେ ତଦନ୍ତ କରାଯାଉଛି କି ନାହିଁ ବୋଲି ପ୍ରଶ୍ନ କରିଛନ୍ତି ପ୍ରକାଶ ମିଶ୍ର । ମୃତ୍ୟୁ ସମୟ ଲୁଚାଯିବା ଏକ ଗର୍ହିତ ଅପରାଧ । IPC ୨୦୧ରେ ତାହା ଅପରାଧ ବୋଲି ବିବେଚନା କରାଯାଏ ।
ଅଧିକ ପଢ଼ନ୍ତୁ: ‘ଏବେ ପୋଲିସ ପାଖରେ ବହୁ ଅତ୍ୟାଧୁନିକ ଅସ୍ତ୍ରଶସ୍ତ୍ର, ଶୃଙ୍ଖଳିତ ନହେଲେ ବଡ଼ ଅଘଟଣ ଘଟିପାରେ’
ଖାଲି ସେତିକି ନୁହେଁ ସେ ଆହୁରି କହିଛନ୍ତି, ବିହେଭିୟରାଲ ଷ୍ଟଡି ପାଇଁ FBI ସହାୟତା ନିଆଯିବ କୁହାଯାଉଛି । ଗୋପାଳ କାହିଁକି ମାରିଲା, ତାହା ସ୍ପଷ୍ଟ ହୋଇପାରୁନାହିଁ । ବିହେଭିୟର ଷ୍ଟଡିରେ ସେ କାହିଁକି ମାରିଲା ତାହା ଜଣାପଡ଼ିବ ନାହିଁ । ‘ଯେଉଁଠି ୫/୭ ଜଣଙ୍କୁ ସନ୍ଦେହ କରାଯାଏ, ସେଠି ଏ ଷ୍ଟଡି ହୁଏ । ସନ୍ଦିଗ୍ଧଙ୍କ ଆଚରଣକୁ ତର୍ଜମା କରି ଅପରାଧୀକୁ ଧରାଯାଇଥାଏ । ଏ କ୍ଷେତ୍ରରେ ତ ଗୋପାଳ ଅପରାଧୀ ବୋଲି ଚିହ୍ନଟ ହୋଇସାରିଛି । ସେ କାହିଁକି ମାରିଲା, ତାହା ନାର୍କୋ ଟେଷ୍ଟରୁ ଜଣାପଡ଼ିବ । ନାର୍କୋ ଟେଷ୍ଟରେ କଣ ରିପୋର୍ଟ ଆସିଛି, ତାହା ତ ଜଣାପଡ଼ିନି । ଏଠି ସବୁ ତ ବିଶ୍ୱସ୍ତରୀୟ ହେଉଛି, ସେଥିପାଇଁ ବୋଧେ FBI ସହାୟତା ନିଆଯାଉଛି ବୋଲି କହି ତାତ୍ସଲ୍ୟ କରିଛନ୍ତି ପ୍ରକାଶ ମିଶ୍ର ।
