LIVE TV
ଧାମନଗରରେ ଆଜି ପ୍ରଚାର ସରୁଥିଲେ ବି ଭୋଟ୍ ପୂର୍ବ ମଝି ଦୁଇ ଦିନରେ ବିପୁଳ ଟଙ୍କା ବାଣ୍ଟିବ ବିଜେଡ଼ି। ମଦ, ମାଂସରେ ଭୋଟରକଙ୍କୁ ଶାସକଦଳ ଲୋକେ ପ୍ରଭାବିତ କରାଇବେ। ଏହାକୁ ରୋକିବାକୁ ପଦକ୍ଷେପ ନିଆଯିବା ସହ ୧୧୩ଟି ସମ୍ବେଦନଶୀଳ ବୁଥ୍ରେ କେନ୍ଦ୍ରୀୟ ଅର୍ଦ୍ଧସାମରିକ ବାହିନୀ ମୁତୟନ ପାଇଁ ଦାବି କରିଛି ବିଜେପି।
ଆଜି ଭୁବନେଶ୍ୱର ରେ ଏକ ସାମ୍ବାଦିକ ସମ୍ମିଳନୀ କରି ରାଜ୍ୟ ବିଜେପି ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ଅଭିଯୋଗ କରିଛନ୍ତି- ଧାମନଗରରେ ଏବେ ସରକାରୀ ଅଫିସର, ଏସଏଚଜି ମହିଳା ଓ ପ୍ରତି ପଞ୍ଚାୟତରେ ସରକାରଙ୍କ ଲିଙ୍କ୍ରେ ଥିବା ୩୦ଜଣ ଲେଖାଏଁ ଲୋକଙ୍କୁ ଲଗାଇ ବିଜେଡ଼ି ଟଙ୍କା ବାଣ୍ଟିବା ଆଶଙ୍କା ରହିଛି।
ଅଧିକ ପଢ଼ନ୍ତୁ: ଧାମନଗର ଉପନିର୍ବାଚନ: ସରିଗଲା ପ୍ରଚାର, ଏବେ ନେତାଙ୍କ ଅନ୍ଧାରି ବିଜେ
#ଟଙ୍କା_ମଦ_ମାଂସରେ_ବୁଡ଼ାଇବ_ବିଜେଡି
— ଓଟିଭି (@otvkhabar) November 1, 2022
-ଧାମନଗର ଉପନିର୍ବାଚନ ନେଇ ଶାସକ ଦଳକୁ ବିଜେପିର ଟାର୍ଗେଟ୍
-ଆଗାମୀ ୨ ଦିନରେ ବିଜେଡି ବ୍ୟାପକ ଟଙ୍କା ବାଣ୍ଟିବା ନେଇ ବିଜେପିର ଆଶଙ୍କା
-୨ ଦିନ ପ୍ରବଳ ଟଙ୍କା ବାଣ୍ଟିବେ, ମଦ ମାଂସରେ ବୁଡ଼ାଇବେ କହିଲା ବିଜେପି#DhamnagarBypoll #BJP #Pressmeet #OTV pic.twitter.com/iTdVanQobj
ଏଥିସହ ବିଜେପି ବିରୋଧରେ ବିଜେଡି ଯେଉଁସବୁ ଅଭିଯୋଗ ନେଇ ସିଇଓଙ୍କ ଅଫିସକୁ ଯାଇଛି, ତାର ତଥ୍ୟ ବି ମାଗିଛି ଦଳ। ତେବେ ବିଜେପି ଯେତେ ସବୁ ଅଭିଯୋଗ ନେଇ ଯାଇଛି ତାହା ସତ୍ୟ ବୋଲି ନିର୍ବାଚନ ଅଧିକାରୀ ମୋହର ମାରିଥିବା କହିଛନ୍ତି ଲେଖାଶ୍ରୀ। ତେବେ ଏନେଇ ଶାସକ ଦଳର ପ୍ରତିକ୍ରିୟା ମିଳିନାହିଁ।
ଧାମମନଗର ଉପ ନିର୍ବାଚନ ପାଇଁ ଆଜି ସରୁଛି ପ୍ରଚାର କାର୍ଯ୍ୟକ୍ରମ। ପ୍ରଚାରର ଶେଷ ଦିନରେ ଭୋଟରଙ୍କୁ ମନାଇବାକୁ ଲାଗି ପଡ଼ିଛନ୍ତି ସବୁ ଦଳ ଓ ସ୍ୱାଧୀନ ପ୍ରାର୍ଥୀ। ଆଜି ପ୍ରଚାରର ଶେଷ ଦିନରେ ତିନି ପ୍ରମୁଖ ଦଳର ପ୍ରାର୍ଥୀଙ୍କ ସହ ସ୍ୱାଧୀନ ପ୍ରାର୍ଥୀ ରାଜେନ୍ଦ୍ର ଦାସଙ୍କ ପକ୍ଷରୁ ମଧ୍ୟ ପ୍ରଚାରକୁ ଜୋରଦାର କରାଯାଇଛି। ଏଥିପାଇଁ ସବୁ ଦଳର ହେଭିୱେଟ ନେତା ଭଦ୍ରକରେ କ୍ୟାମ୍ପ କରିଛନ୍ତି।
