Job Aspirants Protest: ପରୀକ୍ଷାର୍ଥୀଙ୍କ ବୟସସୀମା ବୃଦ୍ଧି ଦାବି, ତତଲା ପିଚୁରେ ପେଟେଇଲେ ବିକ୍ଷୋଭକାରୀ

ରାଜଧାନୀରେ ଡହ ଡହ ତାତି । ଖରା ନୁହେଁ ତ ଆକାଶରୁ ନିଆଁ ବର୍ଷୁଛି । ଆଉ ଏଇ ଭୀଷଣ ଖରାକୁ ଖାତିର୍ ନକରି ତତଲା ପିଚୁରେ ପେଟେଇଛନ୍ତି ଶତାଧିକ ବିକ୍ଷୋଭକାରୀ । IRB ବାଟାଲିୟନ, OSAP, ଫାୟାରମ୍ୟାନ ଓ PMT ଡ୍ରାଇଭର ପରୀକ୍ଷାର୍ଥୀଙ୍କ ବୟସସୀମା ବୃଦ୍ଧି ଦାବିରେ ବିଧାନସଭା ଆଗରେ ଶୋଇ ଶତାଧିକ ଆଶାୟୀ ଏଭଳି ଅଭିନବ ଢଙ୍ଗରେ ପ୍ରତିବାଦ କରିଛନ୍ତି । 'ଷ୍ଟୁଡେଣ୍ଟ ଏଗେନଷ୍ଟ କରପ୍ସନ ପକ୍ଷରୁ' ଏହି ପ୍ରତିବାଦ କରାଯାଇଛି । 

ଅଧିକ ପଢନ୍ତୁ: ୨୦ରୁ ଭିଜାଇବ କାଳବୈଶାଖୀ ! ଆଉ ଦୁଇ ଦିନ ସିଭିୟର ହିଟ୍‌ୱେଭ ୱାର୍ଣ୍ଣିଂ

ପୂର୍ବରୁ IRB ବାଟାଲିଅନ, OSAP, ଫାୟାର ମ୍ୟାନ ଓ PMT ଡ୍ରାଇଭର ନିଯୁକ୍ତ ଲାଗି ବୟସସୀମା ୧୮ରୁ ୨୩ ବର୍ଷ ରହିଥିଲା । ହେଲେ ଗତ ୧୦ ବର୍ଷ ଭିତରେ ଆଉ କୌଣସି ନିଯୁକ୍ତି ବାହାରିନଥିଲା । ଏବେ ୨୦ ବର୍ଷ ପରେ ନିଯୁକ୍ତି ବାହାରିଥିବାରୁ ଅନେକଙ୍କ ବୟସ ଆବେଦନ ପାଇଁ ଉପଯୁକ୍ତ ହେଉନି । ସେଥିପାଇଁ ବହୁ ଚାକିରି ଆଶାୟୀ ବଞ୍ଚିତ ହୋଇଛନ୍ତି । ଯାହାର ପ୍ରତିବାଦ କରି ନ୍ୟାୟ ଦାବିରେ 'Students against Corruption' ପକ୍ଷରୁ ବିଧାନସଭା ଘେରାଉ କରାଯାଇଛି । 

ଏହି ବିକ୍ଷୋଭକାରୀମାନେ ବିଧାନସଭା ଆଡକୁ ଯାଉଥିବା ବେଳେ ପୋଲିସ ସେମାନଙ୍କୁ ଅଟକାଇଥିଲା । ଏହି ସମୟରେ ଆନ୍ଦୋଳନକାରୀ ଓ ପୋଲିସ ମଧ୍ୟରେ ପ୍ରବଳ ଯୁକ୍ତିତର୍କ ହୋଇଥିବା ଦେଖାଯାଇଛି । ଏନେଇ ସରକାରଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନି ।

#ଆମକୁ_ନାଲି_ଆଖି_ଦେଖାଅନି
ଆମକୁ ଧମକଉଛନ୍ତି...ନାଲି ଆଖି ଦେଖାଉଛନ୍ତି...ପୋଲିସରୁ ନକ୍ସଲ ହୋଇଯିବୁ।'#Protest#OSAP#IRB#SI#Exam#Bhubaneswar#Odisha#OTVpic.twitter.com/qUfYu1BvFz

— ଓଟିଭି (@otvkhabar) March 17, 2025

ଏହାକୁ ନେଇ ଜଣେ ବିକ୍ଷୋଭକାରୀ କହିଛନ୍ତି, ''ରାଜ୍ୟରେ ଡବଲ ଇଞ୍ଜନ ସରକାର ଚାଲିଥିବା କଥା କହୁଛନ୍ତି । ହେଲେ ରାଜ୍ୟର ଶାସନ ଇଞ୍ଜିନ ଗୋଟିଏ ଦିଗରେ ଓ ଦେଶର ଶାସନ ଇଞ୍ଜିନ ଅନ୍ୟ ଗୋଟିଏ ଦିଗରେ ଚାଲିଛି । ଦେଶର ଅଧିକାଂଶ ରାଜ୍ୟରେ ନିଯୁକ୍ତି ବୟସସୀମା ବୃଦ୍ଧି ହୋଇଥିଲା ବେଳେ ଓଡ଼ିଶାରେ କାହିଁକି ବୃଦ୍ଧି ହୋଇନାହିଁ ? ୨୦୧୮ରେ ଶେଷ ଥର IRB ବାଟାଲିଅନ, OSAP ନିଯୁକ୍ତି ପରୀକ୍ଷା ବାହାରିଥିଲା ।  ଏବେ ୨୦୨୪ରେ ପୁଣିଥରେ ନିଯୁକ୍ତି ବାହାରିଥିବା ବେଳେ ଯେଉଁ ପିଲାଙ୍କୁ ୧୮ ବର୍ଷ ହୋଇନଥିଲା ଆଜି ସେମାନଙ୍କୁ ୨୩ ବର୍ଷ ଅତିକ୍ରମ ହୋଇସାରିଛି । ସେମାନଙ୍କୁ ଜୀବନରେ ଥରୁଟିଏ ପରୀକ୍ଷା ପାଇଁ ସୁଯୋଗ ମିଳିନି । ଏଣୁ ଏହିସବୁ ପଦବୀରେ ନିଯୁକ୍ତ ପାଇଁ ବୟସ ସୀମା ବୃଦ୍ଧି କରାଯାଉଛି ।

ଅଧିକ ପଢନ୍ତୁ: ରମାକାନ୍ତଙ୍କ ଶେଷ ଦର୍ଶନ କଲେ ମୁଖ୍ୟମନ୍ତ୍ରୀ, ଆଜି ସ୍ୱର୍ଗଦ୍ୱାରରେ ଶେଷକୃତ୍ୟ