Khandagiri Jatra: ଅଶ୍ଳୀଳ ନୃତ୍ୟକୁ ନା...ନିୟମ ନମାନିଲେ ଖାଇବେ ପାହାର, ମା’ ବାରଭୁଜାଙ୍କ ପାଖରେ ପୂଜା ହେଲା ୧୦୦ ଠେଙ୍ଗା

ଆସନ୍ତା ୪ ତାରିଖରୁ ଆରମ୍ଭ ହେବ ଖଣ୍ଡଗିରି ମେଳା । ଏନେଇ ଜୋରସୋରରେ ଚାଲିଛି ପ୍ରସ୍ତୁତି । ଖଣ୍ଡଗିରିରେ ସାଧୁସନ୍ଥ ମଧ୍ୟ ପହଞ୍ଚୁଥିବା ଦେଖିବାକୁ ମିଳିଲାଣି । ଯଜ୍ଞ କୁଣ୍ଡ ଓ ସାଧନାସ୍ଥଳ ପ୍ରସ୍ତୁତିରେ ସାଧୁ ଲାଗିଛନ୍ତି । ସେପଟେ ଖଣ୍ଡଗିରି ଯାତ୍ରାରେ ଅଶ୍ଳୀଳ ନୃତ୍ୟ ଓ ଦ୍ବିଅର୍ଥ ବୋଧକ କମେଡିକୁ ପ୍ରଶ୍ରୟ ଦିଆଯିବ ନାହିଁ । ଅଶ୍ଲୀଳତାକୁ ସମ୍ପୂର୍ଣ୍ଣ ବିରୋଧ କରାଯିବ ।

ଅଧିକ ପଢ଼ନ୍ତୁ: ଅନଲାଇନ କାରବାରର ଟେର୍ ମିଳୁନି....ପୋଲିସ୍‌କୁ ଚକ୍‌ମା ଦେଇ କେମିତି ଖସିଯାଉଛି ସଟ୍ଟାଡନ୍ ?

ଅଶ୍ଳୀଳ ପ୍ରଦର୍ଶନ ନେଇ ଯେଉଁମାନେ ଖୋଲା ଚ୍ୟାଲେଞ୍ଜ କରୁଛନ୍ତି ସେମାନଙ୍କୁ ସଠିକ ଜବାବ ଦିଆଯିବ। ଏଥିପାଇଁ ଆଜି ମା’ ବାରଭୁଜାଙ୍କ ପାଖରେ ଏକାମ୍ର ବିଧାୟକଙ୍କ ନେତୃତ୍ବରେ ଶହେ ଠେଙ୍ଗା ପୂଜା କରାଯାଇଛି । କେବଳ ଖଣ୍ଡଗିରି ନୁହେଁ ସାରା ଓଡ଼ିଶାରେ ଯୁବକ ଯୁବତୀଙ୍କ ନେତୃତ୍ୱରେ ଏଭଳି ପଦକ୍ଷେପ ନିଆଯିବ । ଅଶ୍ଲୀଳ ପ୍ରଦର୍ଶନକାରୀଙ୍କୁ ଖଣ୍ଡଗିରିରେ ପଶିବାକୁ ଦିଆଯିବ ନାହିଁ । ସେମାନଙ୍କ ସମେତ ଅନ୍ୟ ଯେଉଁମାନେ ଏଭଳି ଚେଷ୍ଟା କରିବେ ସଠିକ ଉତ୍ତର ପାଇବେ ବୋଲି କହିଛନ୍ତି ବିଧାୟକ ବାବୁ ସିଂ ।

#ନଙ୍ଗଳା_ନାଚ_କଲେ_ବସିବ_ଠେଙ୍ଗା_ପାହାର:
ଖଣ୍ଡଗିରି ଯାତ୍ରାରେ ଅଶ୍ଳୀଳ ନାଚକୁ ବନ୍ଦ କରିବ ଠେଙ୍ଗା। ମଂଚରେ ନଙ୍ଗଳା ନାଚ କଲେ ବସିବ ଠେଙ୍ଗା ପାହାର। ଏଥିପାଇଁ ତିଆରି ହେଲା ଠେଙ୍ଗା ବାହିନୀ। ୧୦୦ ଜଣ ଠେଙ୍ଗାଧାରୀଙ୍କୁ ପ୍ରସ୍ତୁତ କରିଛନ୍ତି ଏକାମ୍ର ଭୁବନେଶ୍ୱର ବିଧାୟକ ବାବୁ ସିଂ। #KhandagiriMela#Bhubaneswar#OTVpic.twitter.com/GqSFi4XY6V

— ଓଟିଭି (@otvkhabar) February 3, 2025

ସେପଟେ ଖଣ୍ଡଗିରି ଯାତ୍ରାରେ ଅଶ୍ଳୀଳ ନୃତ୍ୟକୁ ନେଇ ବିଏମସି କମିଶନର ଚେତାବନୀ ଦେଇଛନ୍ତି । ପରମ୍ପରା ଓ ମର୍ଯ୍ୟାଦା ଭିତରେ ଯାତ୍ରା ପରିବେଶଣ ପାଇଁ ସେ କହିଛନ୍ତି । ସବୁ ଯାତ୍ରା କମିଟି ଏନେଇ ଅବଗତ ରହିଛନ୍ତି । ଆଶା କରୁଛୁ ଗାଇଡଲାଇନ ଅନୁସାରେ ଯାତ୍ରା ହବ ବୋଲି ବିଏମସି କମିଶନର କହିଛନ୍ତି । ଏହା ସହ ଖଣ୍ଡଗିରିରେ ପରିମଳ ବ୍ୟବସ୍ଥା, ସ୍ଥାୟୀ ଆଲୋକୀକରଣ, ପାନୀୟ ଜଳକୁ ଅଧିକ ଗୁରୁତ୍ୱ ଦିଆଯିବ ବୋଲି ସେ କହିଛନ୍ତି । ଅନ୍ୟପକ୍ଷରେ ପଞ୍ଚକୁଣ୍ଡର ଖୁବଶୀଘ୍ର ପୁନରୁଦ୍ଧାର ହେବ ବୋଲି ମଧ୍ୟ ସେ କହିଛନ୍ତି । ୧୦୦ ମିଟରରେ ଜଣେ ଲେଖାଏଁ ସ୍ୱାସ୍ଥ୍ୟକର୍ମୀ ନିୟୋଜିତ ହେବେ । ପରିବେଶ ସଫା ସୁତରା ରଖିବାକୁ ଜନସାଧାରଣଙ୍କୁ ବିଏମସି କମିଶନର ଅନୁରୋଧ କରିଛନ୍ତି ।

ଅଧିକ ପଢ଼ନ୍ତୁ: ସୁଟ୍ ବୁଟ୍ ପିନ୍ଧି ବରଯାତ୍ରୀ ବେଶରେ ଆସିଲେ, ଭୋଜି ଖାଇ ୧୦ ଲକ୍ଷର ସୁନା ଗହଣା ଲୁଟିନେଲେ