Earthquake: ଭୂକମ୍ପ ଝଟକାରେ ଥରି ଉଠିଲା ରାଜଧାନୀ, ଲୋକେ ଭୟଭୀତ

ଶକ୍ତିଶାଳୀ ଭୂକମ୍ପରେ ଥରିଲା ରାଜଧାନୀ ଦିଲ୍ଲୀ । ରିକ୍ଟର ସ୍କେଲରେ ଏହାର ତୀବ୍ରତା ୪.୧ ଥିବା ଜଣାପଡ଼ିଛି । ଫଳରେ ଲୋକେ ଭୟଭୀତ ହୋଇଥିପଡ଼ିଥିଲେ । ଆଜି ସକାଳୁ ସକାଳୁ ଭୂକମ୍ପ ଝଟକା ଅନୁଭୂତ ହୋଇଛି । ଦିଲ୍ଲୀ ଏନସିଆର ସମେତ ଆଖପାଖ ଅଞ୍ଚଳରେ ଭୂକମ୍ପ ଅନୁଭୂତ ହୋଇଛି । ନୋଏଡା, ଗାଜିଆବାଦ, ଗୁରୁଗ୍ରାମ ଓ ଫରିଦାବାଦରେ ଭୂକମ୍ପ ଅନୁଭୂତ ହୋଇଛି ।

ଆଜି ସକାଳ ୯ଟା ୪ ସମୟରେ ଭୂକମ୍ପ ଅନଭୂତ ହୋଇଥିବା ଜଣାପଡ଼ିଛି । ଫଳରେ ଲୋକେ ଭୟଭୀତ ହୋଇ ଘର ବାହାରକୁ ଦୌଡ଼ି ପଳାଇ ଆସିଥିଲେ । ଏହି ଶକ୍ତିଶାଳୀ ଭୂକମ୍ପ ଝଟକା ପରେ ଲୋକେ ଆତଙ୍କିତ ହୋଇପଡିଛନ୍ତି । ପ୍ରାରମ୍ଭିକ ସୂଚନା ଅନୁସାରେ, ସେପରି କିଛି କ୍ଷୟକ୍ଷତି ଆକଳନ କରାଯାଇନାହିଁ । ଏନେଇ ସ୍ଥାନୀୟ ଲୋକେ ପ୍ରତିକ୍ରିୟା ରଖିଛନ୍ତି ଯେ, ଆମେ କିଛି ଭାବିବା ପୂର୍ବରୁ ହଠାତ୍ ସବୁ ଥରି ଉଠିଲା । ସେହିପରି କେତେଜଣ ରାସ୍ତାରେ ଥିବାବେଳେ ସେମାନଙ୍କ ଗାଡ଼ି ଦୋହଲିଯାଇଥିଲା । 

ଅଧିକ ପଢନ୍ତୁ:  ଭୂମିକମ୍ପ ଝଟ୍‌କାରେ ଥରିଲା ପାକିସ୍ତାନ