Euthanasia: ଜୀବନଠୁ ବଳିପଡୁଛି କଷ୍ଟ, ଆଉ ବଞ୍ଚିବାକୁ ଚାହୁଁ ନାହାନ୍ତି...

ମଧ୍ୟପ୍ରଦେଶର ଇନ୍ଦୋରରେ ଏକ ସରକାରୀ ବିଦ୍ୟାଳୟରେ ଶିକ୍ଷୟିତ୍ରୀ ଚନ୍ଦ୍ରକାନ୍ତା ଜେଠାନୀ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଏକ ପତ୍ର ଲେଖି ଇଚ୍ଛାମୃତ୍ୟୁର ଅନୁରୋଧ କରିଛନ୍ତି। ଗତ କିଛି ବର୍ଷ ଧରି ସେ ଟ୍ରାଇସାଇକିଲ୍‌ରେ ବସି ପିଲାମାନଙ୍କୁ ପଢ଼ାଉଛନ୍ତି। ଶିକ୍ଷୟିତ୍ରୀ କହିଛନ୍ତି ଯେ ୨୦୨୦ ମସିହାରେ ଜଣେ ଅର୍ଥୋପେଡିକ୍ ଡାକ୍ତରଙ୍କ ଭୁଲ ଚିକିତ୍ସା ହେତୁ ତାଙ୍କ ଶରୀରର ନିମ୍ନଅଂଶ ପକ୍ଷାଘାତଗ୍ରସ୍ତ ହୋଇଯାଇଛି।

ତାପରେ ବି ସେ ପ୍ରତିଦିନ ହ୍ୱିଲଚେୟାରରେ ସ୍କୁଲକୁ ଯାଇ ପିଲାମାନଙ୍କୁ ପଢ଼ାଉଛନ୍ତି। ତାଙ୍କୁ ଦୈନିକ ୭ରୁ ୮ ଘଣ୍ଟା ହ୍ୱିଲଚେୟାରରେ ରହିବାକୁ ପଡ଼ୁଛି, ଯାହା ଦ୍ୱାରା ସେ ଅନେକ ଯନ୍ତ୍ରଣା ସହୁଛନ୍ତି। ଚନ୍ଦ୍ରକାନ୍ତା ଜେଠାନୀ କହିଛନ୍ତି ଯେ ସେ ତାଙ୍କର ସମସ୍ତ ସମ୍ପତ୍ତି ସରକାରୀ ବିଦ୍ୟାଳୟର ୬ ଜଣ ପିଲାଙ୍କ ନାମରେ କରିଦେଇଛନ୍ତି।

ଅଧିକ ପଢ଼ନ୍ତୁ: ଇତିହାସ ରଚିଲେ PM ମୋଦି, ଭାଙ୍ଗିଲେ ଇନ୍ଦିରା ଗାନ୍ଧୀଙ୍କ ରେକର୍ଡ

ଏହା ସହିତ ସେ ଏମଜିଏମ୍ ମେଡିକାଲ କଲେଜକୁ ତାଙ୍କ ଶରୀରର ଅଙ୍ଗଗୁଡ଼ିକୁ ଦାନ କରିଦେଇଛନ୍ତି, ଯାହା ଦ୍ୱାରା ମୃତ୍ୟୁ ପରେ ମଧ୍ୟ ସେ ଆବଶ୍ୟକତା ଥିବା ଲୋକଙ୍କ କାମରେ ଲାଗିପାରିବେ। ସେ କହିଛନ୍ତି, "ମୁଁ ଆତ୍ମହତ୍ୟା କରିବି ନାହିଁ, କାରଣ ମୁଁ ନିଜେ ପିଲାମାନଙ୍କୁ ଆତ୍ମବିଶ୍ୱାସ ଦେବାକୁ ଶିଖାଉଛି। ଯଦି ମୁଁ ଏଭଳି ପଦକ୍ଷେପ ନେବି, ତେବେ ପିଲାମାନଙ୍କ ମନରେ ଶିକ୍ଷକଙ୍କ ପ୍ରତି ବିଶ୍ୱାସ ଉଠିଯିବ।

ସେ ଆହୁରି କହିଛନ୍ତି, "ମୋର ଅଙ୍ଗଗୁଡ଼ିକ ଆବଶ୍ୟକତା ଥିବା ଲୋକଙ୍କ କାମରେ ଲାଗିପାରିବ। ମୃତ୍ୟୁ ପରେ ମଧ୍ୟ ମୁଁ କାହାର କାମରେ ଲାଗିପାରେ, ଏହା ହିଁ ମୋର ଉପଦେଶ। ବର୍ତ୍ତମାନ ସେ ଇଚ୍ଛାମୃତ୍ୟୁ ନେଇ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ପତ୍ର ଲେଖିଛନ୍ତି।

ଇନ୍ଦୋରରେ ଏଭଳି ଘଟଣା ପ୍ରଥମ ଥର ପାଇଁ ସାମ୍ନାକୁ ଆସିଛି। ଶିକ୍ଷୟିତ୍ରୀଙ୍କ ଏହି ପତ୍ର ପରେ ରାଷ୍ଟ୍ରପତି ଏହି ମାମଲାରେ କିପରି ବିଚାର କରିବେ, ତାହା ଉପରେ ସମସ୍ତଙ୍କ ନଜର ରହିଛି।

ଚନ୍ଦ୍ରକାନ୍ତା ଜେଠାନୀ ଇନ୍ଦୋରର ଏକ ସରକାରୀ ବିଦ୍ୟାଳୟରେ ବହୁ ବର୍ଷ ଧରି ପଢ଼ାଉଛନ୍ତି, କିନ୍ତୁ ସେହି ବିଦ୍ୟାଳୟର ଅବସ୍ଥା ମଧ୍ୟ ବେଶ୍‌ ଖରାପ ଅଛି । ଏହା ସହିତ ଚନ୍ଦ୍ରକାନ୍ତାଙ୍କୁ ତାଙ୍କ ପରିବାରର ଜଣେ ସଦସ୍ୟ ପ୍ରତିଦିନ ବିଦ୍ୟାଳୟକୁ ଆଣିବା ଓ ନେଇଯିବା କାମ କରନ୍ତି।

ଅଧିକ ପଢ଼ନ୍ତୁ: ଡ୍ରୋନରେ ମିସାଇଲ୍ ପରୀକ୍ଷା କଲା ଭାରତ, ପ୍ରତିରକ୍ଷା କ୍ଷେତ୍ରରେ ଗଲା ପାଦେ ଆଗକୁ