Missile Launched: ଡ୍ରୋନରେ ମିସାଇଲ୍ ପରୀକ୍ଷା କଲା ଭାରତ, ପ୍ରତିରକ୍ଷା କ୍ଷେତ୍ରରେ ଗଲା ପାଦେ ଆଗକୁ

ଆନ୍ଧ୍ରପ୍ରଦେଶର କର୍ନୁଲ ଜିଲ୍ଲାରେ ଥିବା ନ୍ୟାସନାଲ ଓପନ ଏୟାର ରେଞ୍ଜ (NOAR) ଟେଷ୍ଟ ରେଞ୍ଜରେ ଭାରତର ପ୍ରତିରକ୍ଷା ଅନୁସନ୍ଧାନ ଓ ବିକାଶ ସଂଗଠନ (DRDO) ଦ୍ୱାରା ଡ୍ରୋନରୁ ଉତକ୍ଷେପିତ ପ୍ରସିଜନ ଗାଇଡେଡ ମିସାଇଲ (ULPGM-V3) ର ସଫଳ ପରୀକ୍ଷଣ କରାଯାଇଛି । ଏହି ପରୀକ୍ଷଣ ସଫଳତାର ସହ ସମ୍ପନ୍ନ ହୋଇଛି। ଏଥିପାଇଁ ଆଜିର ଦିନଟି ଇତିହାସରେ ଲିପିବଦ୍ଧ ହୋଇ ରହିବ ବୋଲି ମତ ଦେଇଛନ୍ତି ପ୍ରତିରକ୍ଷା ବିଶେଷଜ୍ଞ । ଏହା ଭାରତର ଆଧୁନିକ ପ୍ରତିରକ୍ଷା ପ୍ରଯୁକ୍ତି ଓ ଆତ୍ମନିର୍ଭରଶୀଳ ଭାରତ ଅଭିଯାନରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ବୋଲି କୁହାଯାଉଛି।

ଆଜି ସକାଳେ ଆନ୍ଧ୍ରପ୍ରଦେଶରେ କୁର୍ନୁଲରେ ଏହି ପରୀକ୍ଷା କରାଯାଇଥିଲା । ଏହି ମିସାଇଲର ନାଁ ହେଉଛି UAV-ଲଞ୍ଚଡ ପ୍ରସିଜନ ଗାଇଡେଡ ମିସାଇଲ (ULPGM-V3)। ପ୍ରଥମ ଥର ପାଇଁ ଭାରତରେ ଗୋଟିଏ ଡ୍ରୋନରୁ ଉତକ୍ଷେପଣ କରାଯାଇଛି ମିସାଇଲ୍ ।

#WATCH | In a major boost to India’s defence capabilities, DRDO successfully carried out flight trials of UAV Launched Precision Guided Missile (ULPGM)-V3 in the National Open Area Range (NOAR), test range in Kurnool, Andhra Pradesh. ULPGM-V3 is an enhanced version of the… pic.twitter.com/i9pnCFMuKl

— ANI (@ANI) July 25, 2025

ଏହି ମିସାଇଲ ଅତ୍ୟାଧୁନିକ ଟେକ୍ନୋଲୋଜି ଉପରେ ଆଧାରିତ । ଏହା ନିର୍ଦ୍ଦିଷ୍ଟ ଲକ୍ଷ୍ୟକୁ ଅତ୍ୟନ୍ତ ସଠିକତାର ସହ ଭେଦ କରିପାରେ। ଏହା ଏକ ଅଣମାନବ ଡ୍ରୋନ ମାଧ୍ୟମରେ ଉତକ୍ଷେପିତ ହୋଇଥିଲା । ଏହା ଭାରତର ଡ୍ରୋନ ଯୁଦ୍ଧ କ୍ଷମତାକୁ ଆହୁରି ସୁଦୃଢ କରିଛି।

ଏହି ପ୍ରଯୁକ୍ତିର ବିକାଶରେ MSME, ଷ୍ଟାର୍ଟଅପ ଏବଂ ବେସରକାରୀ ଶିଳ୍ପ ସଂସ୍ଥାମାନେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।

ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭର ଭାରତ ଅଭିଯାନର ଏକ ବଳିଷ୍ଠ ଉଦାହରଣ । ଏଥିରେ ସ୍ୱଦେଶୀ ପ୍ରଯୁକ୍ତି ଓ ଉଦ୍ଭାବନକୁ ପ୍ରୋତ୍ସାହନ ଦିଆଯାଇଛି।

ଏହି ପରୀକ୍ଷଣ ସଫଳ ହେବା ପରେ ଭାରତର ପ୍ରତିରକ୍ଷା କ୍ଷମତାକୁ ଏହା ଆହୁରି ମଜବୁତ କରିଛି । ବିଶେଷକରି ଅଣମାନବ ଯୁଦ୍ଧ ପ୍ରଯୁକ୍ତି (NextGen Warfare) କ୍ଷେତ୍ରରେ ଏହା ଏକ ମାଇଲଖୁଣ୍ଟ ।

ଏହା ଭାରତୀୟ ସେନାକୁ ଅଧିକ ସଠିକ ଭାବେ ଓ ଅଧିକ କ୍ଷମତା ସହିତ ଲକ୍ଷ୍ୟଭେଦୀ ଆକ୍ରମଣ କରିବାରେ ସହାୟକ ହେବ।ଏହି ପରୀକ୍ଷଣ ପରେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ଡିଆରଡିଓ ଓ ଭାରତର ଶିଳ୍ପ ସଂସ୍ଥାକୁ ଧନ୍ୟବାଦ ଜଣାଇଛନ୍ତି ।

ଏହି ପରୀକ୍ଷଣ ପ୍ରମାଣିତ କରୁଛି ଯେ ଭାରତ ଆଧୁନିକ ଡ୍ରୋନ ଓ ମିସାଇଲ ଟେକ୍ନୋଲୋଜିରେ ଦ୍ରୁତ ଅଗ୍ରଗତି କରୁଛି ।

ଏହି ସଫଳତାକୁ ନେଇ ଅନେକ ବ୍ୟକ୍ତି ଓ ସଂଗଠନ ଗର୍ବ ଅନୁଭବ କରୁଛନ୍ତି। ଏହାକୁ "ଅଦ୍ଭୁତ ଉପଲବ୍ଧି" ଓ "ଜୟ ହିନ୍ଦ" ଭଳି ଶବ୍ଦରେ ବର୍ଣ୍ଣନା କରାଯାଇଛି।

ଏହି ପରୀକ୍ଷଣ ଭାରତର ସାମରିକ ଶକ୍ତିକୁ ବୃଦ୍ଧି କରିବା ସହ ଅନ୍ୟ ଦେଶମାନଙ୍କୁ ଏକ ଶକ୍ତିଶାଳୀ ସଂକେତ ପ୍ରଦାନ କରୁଛି।

ଏହା ଦେଶରେ ପ୍ରତିରକ୍ଷା ଉତ୍ପାଦନ କ୍ଷେତ୍ରରେ MSME ଓ ଷ୍ଟାର୍ଟଅପମାନଙ୍କୁ ଅଧିକ ସୁଯୋଗ ପ୍ରଦାନ କରିବା ସହ ଅର୍ଥନୀତିକୁ ମଧ୍ୟ ସୁଦୃଢ଼ କରିବ।

ଅଧିକ ପଢ଼ନ୍ତୁ: ସ୍କୁଲ ଛାତ ଭୁଶୁଡି ୪ ମୃତ, ଅନେକ ଆହତ; ଭଗ୍ନାବଶେଷ ତଳେ ଖୋଜା ଚାଲିଛି ଜୀବନ