LIVE TV
RCB ର ବିଜୟ ଉତ୍ସବବେଳେ ଦଳାଚକଟା ଘଟଣା । ଆଖି ଓଦା କରିଦେବ ଜଣେ ବାପାର କୋହଭରା କଣ୍ଠରେ ନିବେଦନ । ଆଖି ଆଗରେ ବଢିଲା ପୁଅର ମୃତଦେହ ଦେଖି କାନ୍ଦ ବନ୍ଦ ହେଉନି । ବ୍ୟକ୍ତି ଜଣକ କାନ୍ଦି କାନ୍ଦି କହୁଛନ୍ତି, "ମୋର ଗୋଟିଏ ବୋଲି ପୁଅ । ତା ମୃତଦେହ ମୋତେ ଦେଇଦିଅ । ପୋଷ୍ଟମୋର୍ଟମ କରନି । ପୋଷ୍ଟମୋର୍ଟମ କଲେ ଶରୀରକୁ କଟାଯିବ । ଜମାରୁ ତା ଶରୀର ଖଣ୍ଡ ବିଖଣ୍ଡିତ କରନାହିଁ ।
ମୋର ଗୋଟିଏ ପୁଅ । ହେଲେ ତାକୁ ମୁଁ ହରେଇଦେଲି । ସେ ମୋତେ ନଜଣାଇ ଆସିଥିଲା । ଏଠାକୁ ମୁଖ୍ୟମନ୍ତ୍ରୀ-ଉପମୁଖ୍ୟମନ୍ତ୍ରୀ ଆସିବେ । ହେଲେ ମୋ ପୁଅକୁ କେହି ବି ଫେରାଇ ଦେଇ ପାରିବେ ନାହିଁ ।" ଏମ ଚିନ୍ନାସ୍ୱାମୀ ଷ୍ଟାଡିୟମରେ ହୋଇଥିବା ଦଳାଚକଟାରେ ପୁଅର ଜୀବନ ଯାଇଛି । ପୁଅର ମୃତଦେହ ଦେଖିଲା ପରେ ସତେ ଯେମିତି ବାପାର ଛାତି ଫାଟିଯାଉଛି ।
Also Read
ଗତକାଲି IPL ଚାମ୍ପିଅନ୍ସ RCB ବିଜୟ ଉତ୍ସବ ବେଳେ ବେଙ୍ଗାଲୁରୁ ଚିନ୍ନାସ୍ୱାମୀ ଷ୍ଟାଡିୟମରେ ଭୟଙ୍କର ଦଳାଚକଟା ହୋଇଥିଲା । ଯେଉଁଥିରେ ୧୧ ଜଣଙ୍କ ଜୀବନ ଯାଇଛି। ଆହତ ହୋଇଛନ୍ତି ୫୦ରୁ ଅଧିକ। ମୃତକଙ୍କ ମଧ୍ୟରେ ଏହି ବ୍ୟକ୍ତିଙ୍କ ପୁଅ ମଧ୍ୟ ରହିଛି । ଷ୍ଟାଡ଼ିୟମ ବାହାରେ ଲକ୍ଷାଧିକ ଫ୍ୟାନ୍ ରୁଣ୍ଡ ହୋଇଥିଲେ । ଏହାକୁ ଏଡ଼ାଇବାକୁ ଯାଇ ପୋଲିସ ଲାଠିମାଡ଼ କରିଥିଲା । ଆଉ ଏହି ଲାଠିମାଡ଼ରୁ ଷ୍ଟାମ୍ପେଡ୍ ହୋଇଥିବା ଅଭିଯୋଗ ହୋଇଛି । ଯାହାକୁ ନେଇ ଲାଗିରହିଛି ତନାଘନା । କର୍ଣ୍ଣାଟକ କୋର୍ଟ ଏନେଇ ନିଜ ଆଡୁ ମାମଲା ରୁଜୁ କରିଛନ୍ତି ।
