Recipe: ଘରେ ରେଷ୍ଟୁରାଣ୍ଟ ଷ୍ଟାଇଲ୍ ଚିଲି ପନିର୍ ପ୍ରସ୍ତୁତ କରନ୍ତୁ

ପ୍ରାୟ ସମସ୍ତେ ପନିର ଖାଇବାକୁ ପସନ୍ଦ କରନ୍ତି । ପନିରର ଅନେକ ଡିସ୍ ପ୍ରସ୍ତୁତ କରାଯାଏ । ଚିଲି ପନିର ପ୍ରାୟ ସମସ୍ତଙ୍କୁ ପସନ୍ଦ ଆସେ । ଏହାକୁ ରୁଟି, ପରଟା ଓ ଭାତ ସହ ଖାଇପାରିବେ ।

ଆବଶ୍ୟକ ସାମଗ୍ରୀ (୪ ଜଣ ପାଇଁ)

ପନିର ୨୫୦ ଗ୍ରାମ , ମଇଦା ୨ ଚାମଚ, କର୍ଣ୍ଣଫ୍ଲାୱାର ୩ ଚାମଚ, ଲୁଣ , ଲାଲ ମରିଚ ଗୁଣ୍ଡ ଅଧା ଚାମଚ, ତେଲ

ଗ୍ରେଭି ପାଇଁ ଦରକାର

ଗୋଟିଏ ସିମଲା ଲଙ୍କା (ଛୋଟ ଛୋଟ କାଟିବେ ), ଗୋଟିଏ ପିଆଜ (ଛୋଟ ଛୋଟ କାଟିବେ ) , ରସୁଣ (ଟିକି ଟିକି କରି କାଟିବେ) , ଚୁନଚୁନ କଟା ହୋଇଥିବା ଅଳ୍ପ ଦା, ୨ଟି କଞ୍ଚା ଲଙ୍କା (ଟିକି ଟିକି କରି କାଟିବେ) , ସୋୟା ସସ୍‌ ୨ ଚାମଚ, ଟମାଟୋ ସସ୍ ୧ ଚାମଚ, ଚିଲି ସସ୍‌ ୧ ଚାମଚ, ଭିନେଗାର ୧ ଚାମଚ, କର୍ଣ୍ଣଫ୍ଲାୱାର ୧ ଚାମଚ ,ଗୋଲମରିଚ ଗୁଣ୍ଡ ଅଧା ଚାମଚ

ଅଧିକ ପଢନ୍ତୁ: ଘରେ ବନାନ୍ତୁ ନରମ ନରମ ଓଟ୍ସ ଇଟଲି

ପ୍ରସ୍ତୁତ ପ୍ରଣାଳୀ

-ଏକ ପାତ୍ରରେ ମଇଦା, କର୍ଣ୍ଣଫ୍ଲାୱାର, ଲୁଣ, ଓ ଲାଲ ମରିଚ ଗୁଣ୍ଡ ମିଶାଇ ଅଳ୍ପ ପାଣି ଦେଇ ଏକ ମୋଟା ବ୍ୟାଟର ତିଆରି କରନ୍ତୁ।

-ପନିର ଟୁକୁଡ଼ା ଗୁଡ଼ିକୁ ଏହି ବ୍ୟାଟରରେ ବୁଡ଼ାଇ ଗରମ ତେଲରେ ମିଡିୟମ ଆଞ୍ଚରେ ସୁନେଲି ରଙ୍ଗ ହେବା ପର୍ଯ୍ୟନ୍ତ ଛାଣନ୍ତୁ ।

-ପନିରକୁ ଏକ ଟିସୁ ପେପର ଉପରେ ରଖି ଅତିରିକ୍ତ ତେଲକୁ କାଢି ନିଅନ୍ତୁ।

-ଅନ୍ୟ ଏକ ପ୍ୟାନରେ ୨ ଚାମଚ ତେଲ ଗରମ କରନ୍ତୁ। ରସୁଣ, ଅଦା, ଓ କଞ୍ଚା ଲଙ୍କା ପକାଇ ଅଳ୍ପ ସମୟ ଭାଜନ୍ତୁ (ଗନ୍ଧ ବାହାରିବା ପର୍ଯ୍ୟନ୍ତ)।

-ପିଆଜ ଓ ସିମଲା ଲଙ୍କା ପକାଇ ଉଚ୍ଚ ଆଞ୍ଚରେ ଗୋଟେରୁ ୨ ମିନିଟ ଭାଜନ୍ତୁ

-ସୋୟା ସସ୍‌, ଟମାଟୋ ସସ୍‌, ଚିଲି ସସ୍‌, ଓ ଭିନିଗାର ପକାନ୍ତୁ। ଭଲ ଭାବେ ମିଶାନ୍ତୁ

-ସ୍ବାଦ ଅନୁଯାୟୀ ଲୁଣ ଓ ଗୋଲମରିଚ ଗୁଣ୍ଡ ମିଶାଇ ଆଞ୍ଚକୁ କମେଇ ଦିଅନ୍ତୁ

-ପରେ କର୍ଣ୍ଣଫ୍ଲାୱାର ଓ ପାଣିର ମିଶ୍ରଣ ପକାଇ ଗ୍ରେଭିକୁ ବହଳିଆ କରନ୍ତୁ । ଆଉ ୨ ମିନିଟ ରାନ୍ଧନ୍ତୁ ।

-ଛଣା ପନିର ଗୁଡ଼ିକୁ ଗ୍ରେଭିରେ ପକାଇ ଆସ୍ତେ ଆସ୍ତେ ମିଶାନ୍ତୁ, ଯେପରି ପନିର ଗ୍ରେଭିରେ ଭଲ ଭାବେ ମିଶିଯିବ ।

-ପ୍ରସ୍ତୁତ ହୋଇଗଲା ଚିଲି ପନିର । ଏହାକୁ ଗରମ ଗରମ ପରଷନ୍ତୁ ।

ଅଧିକ ପଢନ୍ତୁ: ରୁଟି ଓ ଭାତ ସହ ଖାଇପାରିବେ, ବନାଇବା ବି ଖୁବ ସହଜ