LIVE TV
ରଞ୍ଜାନୀ ଶ୍ରୀନିବାସନ, ଆମେରିକାରେ ପଢୁଥିବା ଜଣେ ଭାରତୀୟ ଛାତ୍ରୀ । ସେ କଲମ୍ବିଆ ୟୁନିଭର୍ସିଟିରେ ଅଧ୍ୟୟନ କରୁଥିଲେ । ଏବେ ସେ ଚର୍ଚ୍ଚାର ରହିବାର କାରଣ ହେଲା, ଚଳିତ ସପ୍ତାହରେ ଟ୍ରମ୍ପ ପ୍ରଶାସନ ରଞ୍ଜାନୀଙ୍କ ଷ୍ଟୁଡେଣ୍ଟ ଭିସା ରବ୍ଦ କରିଥିଲେ, ଯାହାର ଦିନକ ପରେ ଛାତ୍ରୀ ଜଣକ ଅଧାରୁ ପାଠପଢା ଛାଡି ଭାରତ ଫେରିଆସିଛନ୍ତି । ତେବେ କାହିଁକି ତାଙ୍କର ଭିସା ରବ୍ଦ କରାଗଲା ତାହାର କାରଣ ବର୍ତ୍ତମାନ ଜଣାପଡିଛି ।
ରଞ୍ଜାନୀ ଶ୍ରୀନିବାସନ କିଏ ?
ରଞ୍ଜାନୀ ଶ୍ରୀନିବାସନ ଜଣେ ମେଧାବୀ ଛାତ୍ରୀ । ସେ କଲମ୍ବିଆ ୟୁନିଭରସିଟିରେ ଅର୍ବାନ ପ୍ଲାନିଂରେ ଏମ୍ଫିଲ, ହାଭର୍ଡ ୟୁନିଭରସିଟିରୁ ଡିଜାଇନର ମାଷ୍ଟର ଏବଂ ସିଇପିଟି ୟୁନିଭରସିଟିରୁ ଡିଡାଇନରେ ବ୍ୟାଚେଲର କରିଛନ୍ତି । ଗତ ମାର୍ଚ୍ଚ ୫ରେ ତାଙ୍କର ଭିସା ରଦ୍ଦ କରିଥିଲା ୟୁଏସ୍ ଷ୍ଟେଟ୍ ଡିପାର୍ଟମେଣ୍ଟ । ଏହାପରେ ଏହି ଭାରତୀୟ ଛାତ୍ରୀ CBP ହୋମ ଆପ୍ ଜରିଆରେ ନିଜେ ଭାରତ ଫେରିଆସିଥିଲେ ।
କାହିଁକି ରବ୍ଦ ହେଲା ଭିସା ?
ହମାସକୁ ସମର୍ଥନ କରିବା ରଞ୍ଜାନୀ ଶ୍ରୀନିବାସନଙ୍କୁ ମହଙ୍ଗା ପଡିଥିଲା । ସେ ଆମେରିକା ଦ୍ୱାରା ଆତଙ୍କବାଦୀ ଘୋଷିତ ହମାସ ସଂଗଠନକୁ ସମର୍ଥନ କରିଥିଲେ । ଇସ୍ରାଏଲ-ହମାସ୍ ସଂଘର୍ଷ ଚାଲିଥିବାବେଳେ ସେ ପାଲେଷ୍ଟାଇନ ସମର୍ଥିତ ଏକ ଆନ୍ଦୋଳନରେ ସାମିଲ ହୋଇଥିଲେ । ଏହି ଅଭିଯୋଗ ପରେ ଆମେରିକା ଗୃହ ସୁରକ୍ଷା ବିଭାଗ ତାଙ୍କ ବିରୋଧରେ ତଦନ୍ତ ଆରମ୍ଭ କରିଥିଲା । ଏହାପରେ ସୁରକ୍ଷା ଦୃଷ୍ଟିରୁ ଆମେରିକା ଷ୍ଟେଟ୍ ଡିପାର୍ଟମେଣ୍ଟ ରଞ୍ଜାନୀଙ୍କ F-1 ଷ୍ଟୁଡେଣ୍ଟ ଭିସା ବାତିଲ୍ କରିଥିଲା । ଏହି ଭିସା ବାତିଲ ହେବାରୁ ସେ ସ୍ୱଦେଶ ଫେରିଆସିଛନ୍ତି । ଭାରତୀୟ ଛାତ୍ରୀ ଜଣକ ହମାସକୁ ସମର୍ଥନ କରି ଆତଙ୍କବାଦ ଓ ହିଂସାର ସମର୍ଥନ କରିଥିବା ଡିପାର୍ଟମେଣ୍ଟ କହିଛି ।
ଅଧିକ ପଢ଼ନ୍ତୁ: ଆମେରିକାରେ ପାକିସ୍ତାନୀଙ୍କ ଏଣ୍ଟ୍ରି ହେବ ବ୍ୟାନ, ଲିଷ୍ଟରେ ଅଛନ୍ତି ୪୧ ଦେଶ...
It is a privilege to be granted a visa to live & study in the United States of America.
— Secretary Kristi Noem (@Sec_Noem) March 14, 2025
When you advocate for violence and terrorism that privilege should be revoked and you should not be in this country.
I’m glad to see one of the Columbia University terrorist sympathizers… pic.twitter.com/jR2uVVKGCM
ଏନେଇ ୟୁଏସ୍ ହୋମଲ୍ୟାଣ୍ଡ ସିକ୍ୟୁରିଟି ସେକ୍ରେଟାରୀ କ୍ରିଷ୍ଟି ନୋଏଲ କହିଛନ୍ତି, ''ଆମେରିକାରେ ରହିବା ଓ ଅଧ୍ୟୟନ ପାଇଁ ଭିସା ପାଇବା ଏକ ବିଶେଷାଧିକାର ଅଟେ । ଯଦି ଆପଣ ହିଂସା ଓ ଆତଙ୍କବାଦର ସମର୍ଥନ କରନ୍ତି ତେବେ ଏହି ବିଶେଷାଧିକାରକୁ ରବ୍ଦ କରିଦିଆଯିବା ଉଚିତ୍ । ଆତଙ୍କବାଦକୁ ସମର୍ଥନ କରୁଥିବା କଲମ୍ବିଆ ୟୁନିଭରସିଟିର ଜଣେ ଛାତ୍ରୀ CBP ହୋମ୍ ଆପ୍ ଯୋଗେ ସ୍ୱ-ନିର୍ବାସନ ହେବା ଦେଖି ଖୁସି ଲାଗିଲା ।''
