LIVE TV
ଇଂଲଣ୍ଡର ସିଟି ଅଫ୍ ବାଥ୍ ସହରରେ ବେଶ୍ ଧୁମଧାମରେ ପାଳିତ ହୋଇଯାଇଛି ପବିତ୍ର ମହାବିଷୁବ ସଂକ୍ରାନ୍ତି ତଥା ଶ୍ରୀହନୁମାନ ଜୟନ୍ତୀ ଉତ୍ସବ। ଏଥିପାଇଁ ଇଂଲଣ୍ଡର ସିଟି ଅଫ୍ ବାଥରେ ଥିବା ଶ୍ରୀଜଗନ୍ନାଥ ମନ୍ଦିର ଉତ୍ସବମୁଖର ହୋଇ ଉଠିଥିଲା । ଭଗବାନ ହନୁମାନଙ୍କ ଜନ୍ମ ଦିବସ ପାଳନ ପୂର୍ବକ, ମନ୍ଦିରରେ ଚାରିଦିନ ବ୍ୟାପି ଚାଲୁଥିବା ଉତ୍ସବରେ ପ୍ରଭୁ ମହାବୀରଙ୍କ ସ୍ୱତନ୍ତ୍ର ପୂଜା କରାଯାଇଥିଲା ।
ଏହି ଅବସରରେ ମନ୍ଦିର ପରିସରରେ ଶ୍ରଦ୍ଧାଳୁଙ୍କ ଭିଡ ଲାଗିରହିଥିଲା । ମହାବିଷୁବ ସଂକ୍ରାନ୍ତିକୁ ଓଡିଶାରେ ପଣା ସଂକ୍ରାନ୍ତି ଭାବେ ପାଳନ କରାଯାଏ । ଓଡିଶାର ପାରମ୍ପରିକ ପର୍ବ ମହାବିଷୁବ ସଂକ୍ରାନ୍ତିର ପବିତ୍ର ଦିବସକୁ ଓଡିଆ ନୂତନ ବର୍ଷର ଆରମ୍ଭ ହୋଇଥାଏ । ଏହି ଅବସରରେ ନୂଆ ଚାଉଳରେ ପ୍ରସ୍ତୁତ ଅନ୍ନ ଓ ଖେଚୁଡି ପ୍ରସାଦ ଭୋଗ କରାଯାଇଥିଲା ।
Also Read
ଏହାସହ ଓଡିଆଙ୍କ ପ୍ରିୟ ସୁସ୍ୱାଦୁ ଦହି ପଖାଳ ପ୍ରସ୍ତୁତ ହୋଇଥିଲା । ବିଶେଷ ଭାବେ ପ୍ରସ୍ତୁତ ଛୁଁଙ୍କ ଦିଆଯାଇଥିବା ଦହି ପଖାଳ ସମସ୍ତଙ୍କ ମନ ଛୁଇଁଯାଇଥିଲା । ସେହିପରି ଓଡିଆମାନେ ଏହି ପବିତ୍ର ଦିନରେ ଭଗବାନଙ୍କୁ ଏକ ପାନୀୟ ସମର୍ପଣ କରିଛନ୍ତି । ଯାହାକୁ ପଣା ବୋଲି କୁହାଯାଏ । ସ୍ୱତନ୍ତ୍ର ପ୍ରଣାଳୀରେ ପ୍ରସ୍ତୁତ ହୋଇଥିବା ଭିନ୍ନ ଭିନ୍ନ ପ୍ରକାରର ପଣା ପିଇ ବିଦେଶୀମାନେ ବେଶ୍ ଆନନ୍ଦିତ ହୋଇଥିଲେ ।
ଅଧିକ ପଢ଼ନ୍ତୁ: ଅସ୍ତ୍ରବିରତି ଘୋଷଣା କଲେ ପୁଟିନ, ଜେଲେନସ୍କି କହିଲେ...
ମନ୍ଦିର ପରିସର ଶ୍ରୀରାମ ଜୟରାମ ମନ୍ତ୍ର ଧ୍ୱନିରେ ଗୁଂଜରିତ ହୋଇ ଉଠିଥିଲା । ହନୁମାନ ଜୟନ୍ତୀ ଉପଲକ୍ଷେ ମନ୍ଦିରରେ ତିନି ଦିନ ବ୍ୟାପି ଶ୍ରୀହନୁମାନ ଚାଳିଶା ପାଠ ଓ ଏହାର ପରଦିନ ସତ୍ୟନାରାୟଣ ପୂଜା ଅନୁଷ୍ଠିତ ହୋଇଥିଲା । ଶ୍ରଦ୍ଧାଳୁମାନେ ପ୍ରଭୁ ସୀତାରାମ ଓ ହନୁମାନଙ୍କୁ ଦର୍ଶନ କରିବା ସହ ଭୋଗ କରିଥିଲେ ।
ଏହି ଅବସରରେ ମନ୍ଦିର ପରିସରକୁ ଭିନ୍ନ ଭିନ୍ନ ଆଲୋକ ମାଳାରେ ସୁସଜ୍ଜିତ କରାଯାଇଥିଲା । ମନ୍ଦିର ଟ୍ରଷ୍ଟ ପକ୍ଷରୁ ଭକ୍ତଙ୍କ ଦର୍ଶନ ପାଇଁ ସୁବ୍ୟବସ୍ଥା କରାଯାଇଥିଲା । ଶହ ଶହ ପ୍ରବାସୀ ଭାରତୀୟ ପ୍ରଭୁ ଶ୍ରୀରାମଙ୍କ ଉଦ୍ଦେଶ୍ୟରେ ଦୀପଦାନ କରିବା ସହ ପ୍ରସାଦ ସେବନ କରିଥିଲେ । ଶ୍ରୀଜଗନ୍ନାଥ ମନ୍ଦିର ପରିସର ହୋଇଥିଲା ଭକ୍ତି ଏବଂ ଭାବମୟ ।
ସିଟି ଅଫ୍ ବାଥ ସହରରେ ଏହି ପରି ସମସ୍ତ ହିନ୍ଦୁ ଉତ୍ସବ ଓ ପର୍ବ ପର୍ବାଣୀରେ ସ୍ଥାନୀୟ ପ୍ରବାସୀ ଭାରତୀୟମାନେ ଯୋଗଦେଇ ବେଶ ଉତ୍ସାହିତ ହୋଇଛନ୍ତି। କାର୍ଯ୍ୟକ୍ରମକୁ ଶ୍ରୀଜଗନ୍ନାଥ ମନ୍ଦିର, ସିଟି ଅଫ୍ ବାଥ୍ ଟ୍ରଷ୍ଟି ସେବକ ସୁସ୍ମିତା ରାଜହଂସ ପରିଚାଳନା କରିଥିଲେ । ରାମରାଜ୍ୟ ପ୍ରତିଷ୍ଠା ସହ ଶ୍ରୀଜଗନ୍ନାଥ ସଂସ୍କତି ପ୍ରଚାର ପ୍ରସାର ମୁଖ୍ୟ ଉଦ୍ଦେଶ୍ୟ ବୋଲି ସେ ଏହି କାର୍ଯ୍ୟକ୍ରମକୁ ନେଇ ମତ ରଖିଛନ୍ତି ।
ଅଧିକ ପଢ଼ନ୍ତୁ: ଗହଣା ଦୋକାନରେ ଭିଡ଼ କମାଉଛି ସୁନା ଏଟିଏମ୍, ଜାଣନ୍ତୁ ମିଳୁଛି କେଉଁ ସୁବିଧା
