Massive Power Blackout in Europe: ଅନ୍ଧାରରେ ଅଧା ୟୁରୋପ; ଛଟପଟ ଜନତା, ଚିନ୍ତାରେ ଲୋକେ...

ଛଟପଟ ଜନତା...ଚିନ୍ତାରେ ଲୋକେ...କଣ କରିବେ କିଛି ଚିନ୍ତା କରି ପାରୁ ନାହିଁନ୍ତି...ଅନ୍ଧାରରେ ଅଧା ୟୁରୋପ । ଯୁଆଡ଼େ ଦେଖିବେ ଖାଲି ଅନ୍ଧକାର ହିଁ ଅନ୍ଧକାର ।  ସ୍ପେନ୍‌, ପର୍ତ୍ତୁଗାଲ ଓ ବେଲଜିୟମ୍‌ ଅନ୍ଧାରରେ ପୂରା ସହାର । ଏମିତିକି ଦକ୍ଷିଣ ଫ୍ରାନ୍ସ ମଧ୍ୟ ଅନ୍ଧକାର ଆଚ୍ଛାଦିତ ହୋଇଛି। 

ତେବେ ବିଦ୍ୟୁତ୍‌ ନଥିବା କାରଣରୁ ବିମାନ ଓ ଟ୍ରେନ୍‌ ସେବା ବାଧାପ୍ରାପ୍ତ ହୋଇଛି । ଯାହାକୁ ନେଇ ନାହିଁ ନଥିବା ଅସୁବିଧାରେ ସମ୍ମୁଖୀନ ହେଉଛି ଜନତା । ଏମିତି କି କାମ କରୁନି ଟେଲିଫୋନ୍‌ । ଯାହାକୁ ନେଇ ପ୍ରବଳ ଅସନ୍ତୋଷ ପ୍ରକାଶ ପାଇଲାଣି । ଅନ୍ୟପକ୍ଷରେ ବିଦ୍ୟୁତ୍‌ ବିଭ୍ରାଟ ଫଲରେ କାମ କରୁନି ଏଟିଏମ୍‌। ଯାହାକୁ ନେଇ ଚିନ୍ତା ପ୍ରକାଶ କରିଛନ୍ତି ଲୋକେ। ତେବେ ଏତେବଡ଼ ବିଦ୍ୟୁତ ବିଭ୍ରାଟର ପ୍ରକୃତ କାରଣ ଜଣାପଡ଼ିନି ନଥିବା ସୂଚନା ମିଳିଛି। ତେବେ ଏତେ ବଡ଼ ବିଦ୍ୟୁତ୍‌ ବିଭ୍ରାଟ କେମିତି ହେଲା ? କେଉଁ ପରିସ୍ଥିତିରେ ହେଲା ବିଦ୍ୟୁତ୍‌ ବିଭ୍ରାଟ ? ତାହାକୁ ନେଇ ଏବେ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି। 

ଅଧିକ ପଢ଼ନ୍ତୁ: ପାଇଲା ପାନେ; ଭାରତ ଛାଡ଼ିଲା ପାଣି; ବୁଡ଼ିଲା ପାକିସ୍ତାନ

ସ୍ପେନର ସରକାରୀ ବିଦ୍ୟୁତ୍ କମ୍ପାନୀ ରେଡ୍ ଇଲେକ୍ଟ୍ରିକା କହିଛି ଯେ, ବିଦ୍ୟୁତ୍ ଯୋଗାଣକୁ ପୁଣିଥରେ ଆରମ୍ଭ କରିବା ପାଇଁ କାମ ଚାଲିଛି l ତେବେ ବର୍ତ୍ତମାନ ସମୟରେ ବ୍ଲାକ୍ଆଉଟ  କେଉଁ କାରଣରୁ ହେଲା, ସେନେଇ ଯାଞ୍ଚ କରାଯାଉଛି  l

ସେହିପରି ସ୍ପେନର ଜାତୀୟ ରେଳ କମ୍ପାନୀ ରେନଫେ କହିଛି ଯେ, ସ୍ଥାନୀୟ ସମୟ ରାତି ୧୨ଟା ୩୦ରେ ଦେଶର ସମ୍ପୂର୍ଣ୍ଣ ଜାତୀୟ ବିଦ୍ୟୁତ୍ ଗ୍ରୀଡ୍ ବିଚ୍ଛିନ୍ନ ହୋଇଯାଇଥିଲା l ତେଣୁ ଟ୍ରେନଗୁଡ଼ିକୁ ଅଟକାଯାଇଛି ଏବଂ କୌଣସି ଷ୍ଟେସନରୁ କୌଣସି ଟ୍ରେନ ଆସିନାହିଁ କିମ୍ବା ଛାଡିନାହିଁ l ତେବେ ପର୍ତ୍ତୁଗାଲରେ ବିଦ୍ୟୁତ୍ ଯୋଗାଣ ବାଧାପ୍ରାପ୍ତ ହେବା ଦ୍ୱାରା ରାଜଧାନୀ ଲିସବନ୍ ଏବଂ ଆଖପାଖ ଅଞ୍ଚଳ ସହିତ ଦେଶର ଉତ୍ତର ଏବଂ ଦକ୍ଷିଣ ଅଂଶକୁ ଏହା ପ୍ରଭାବିତ କରିଛି l 

ଅଧିକ ପଢ଼ନ୍ତୁ: ଆଜି ୬୩ ହଜାର କୋଟିର ମେଗା ଡିଲ୍ କରିବ ଭାରତ; ଫ୍ରାନ୍ସରୁ ଆସିବ ରାଫେଲ୍ ମେରାଇନ୍ ଲଢ଼ୁଆ ବିମାନ